1 SAMUEL 1:26 - Khasi CL Bible (BSI)

²⁶ Ka Hannah ka ong ha u, “Ko kynrad! Phi dang kynmaw mo ïa nga? Nga dei kato ka briew kaba phi ïohi kaba ïeng hangne kaba duwai ha U Trai.

KA BAIBL

²⁶ Te ka la ong, “Ko kynrad, katba ka im ka mynsiem jong me, ko kynrad, nga long kata ka briew kaba la ïeng hangne hajan jong me, nga da duwai ha U Trai.

1 SAMUEL 1:26 ပူးပေါင်းရင်းမြစ်များ

JENESIS 42:15

“Yn tynjuh ïa phi kumne: Nga smai ha ka kyrteng u syiem ba phin ym ïoh mihnoh na kane ka jaka lymda u para khatduh jong phi u wan shane.

2 SAMUEL 11:11

U Uriah u jubab, “Ki rangbah Israel bad Judah ki don jngai ha ka thma, bad ka Synduk ka Jutang ka don bad ki; u Joab u rangbah nongai hukum ïa nga bad ki rangbah pynïaidkam jong u ki ïasah ha madan. Kumno nga lah ban shu leit sha ïing, ban bam ban dih, bad ban thiah bad la ka tnga? Ka long kaba kyntang ïa nga, nga smai ba ngan ym leh ïa kaba kum kata ka kam!”

2 SAMUEL 14:19

“Hato dei u Joab uba la ai buit ïa pha ha kane baroh?” u la kylli ïa ka. Ka jubab, “Nga smai da kata baroh kaba kyntang, ko Syiem Kynrad, ba ym don kano kano ka lad ban kiar na kaba jubab ïa ka jingkylli jong phi. Ka dei kaba shisha ba u Joab, u rangbah pynïaidkam jong phi uba la bthah ïa nga ïa kaei ngan leh bad ïa kaei ngan kren.

2 SYIEM 2:2

bad ha lynti u Elijah u ong ïa u Elisha, “Mynta ap hangne; U Trai u la hukum ïa nga ban leit sha Bethel.” Hynrei u Elisha u jubab, “Nga smai da ka jingïaineh skhem jong nga ha U Trai uba im bad ha phi ba ngan ym iehnoh ïa phi.” Kumta ki la leit sha Bethel.

2 SYIEM 2:4

Nangta u Elijah u ong ha u Elisha, “Mynta ap hangne; U Trai u la hukum ïa nga ban leit sha Jerikho.” Hynrei u Elisha u jubab, “Nga smai da ka jingïaineh skhem jong nga ha U Trai uba im bad ha phi ba ngan ym iehnoh ïa phi.” Kumta ki la leit sha Jerikho.

2 SYIEM 2:6

Nangta u Elijah u ong ha u Elisha, “Mynta ap hangne; U Trai u la hukum ïa nga ban leit sha ka wah Jordan.” Hynrei u Elisha u jubab, “Nga smai da ka jingshaniah skhem jong nga ha U Trai bad ha phi ba ngan ym iehnoh ïa phi.” Kumta ki la leit,

2 SYIEM 4:30

Kata ka kynthei ka ong ha u Elisha, “Nga smai da ka jingïaineh skhem jong nga ha U Trai uba im bad ha phi ba ngan ym iehnoh ïa phi!” Kumta baroh ar ngut ki la ïamih lang.

1 KHRONIKL 4:10

Hynrei u Jabes u la duwai ha U Blei ki Israel, “To kyrkhu ïa nga, A Blei, bad ai ha nga bun ka khyndew. To long bad nga bad sumar ïa nga na kano kano kaba sniew kaba lah ban pynshitom ïa nga.” Bad U Blei u la ai ha u ïa kaei kaba u la kyrpad.

1 SAMUEL 17:55

Haba u Saul u ïohi ïa u Dabid ba u leit ban ïaleh bad u Goliath, u kylli ïa u Abner, u rangbah shipai jong u, “Abner, u dei u khun jongno mo?” “Ngam don jingtip, syiem Kynrad,” u Abner u jubab.

1 SAMUEL 20:3

Hynrei u Dabid u jubab, “I pa jong phi i tip bha katno ba phi sngewieit ïa nga, bad i la rai ba phin ym tip ïa kaei ba i thmu ban leh, namar ba phin sa sngewkthang eh. Nga smai ha phi da U Trai uba im ba nga don sa tang shisien jam na ka jingïap!”

1 SAMUEL 25:26

U dei U Trai uba la khang ïa phi ban pynhiarkput bad pynïap ïa ki nongshun jong phi. Bad mynta nga smai ha phi da U Trai uba im ba ki nongshun jong phi bad baroh kiba kwah ban pynmynsaw ïa phi kin shah pynshitom kum u Nabal.