1 SAMUEL 1:23 - Khasi CL Bible (BSI)

²³ U Elkanah u la ong ha ka, “Leh katba phi sngewbit; sah ha ïing haduh ba phin da pyniehnoh buiñ ïa u. Bad to U Trai un pynurlong ïa ka jingkular jong phi.” Kumta ka Hannah ka shong ha ïing bad ka sumar ïa la u khun bad ïai bsa ïai pjiah ïa u.

KA BAIBL

²³ Te u Elkanah u tnga jong ka u la ong ha ka, “Leh katba pha ibit; nang shong ha ban da pha la pyniehnoh buiñ ïa u; tang ba U Trai un pyndep ïa ka ktien jong u.” Kumta, kata ka kynthei ka la shong bad ka la ri ïa u khynnah, tad ynda ka la pyniehnoh buiñ ïa u.

1 SAMUEL 1:23 ပူးပေါင်းရင်းမြစ်များ

2 SAMUEL 7:25

“Bad mynta, A Trai U Blei, to pyndep ha ki por baroh ïa ka kular ba me la pynlong shaphang jong nga bad ki khun ki ksiew jong nga, bad to leh kumba me la kren ba men leh.

1 SYIEM 3:21

Ha ka step kaba bud, haba nga la khie thiah bad sa ban ai buiñ ïa la u khun, nga ïohi ba u la ïap. Nga la khmih bniah hajan bad nga shem pynban ba um dei u khun jong nga.”

SALM 22:9

Dei ma me uba la pyllait ïa nga na ka jingmynsaw ha ka por ba kha ïa nga, bad mynba nga dang long u khunlung, me sumar bha ïa nga.

ISAÏAH 44:26

Hynrei haba u shakri jong nga u pynlong ka jingïathuh lypa, haba nga phah ïa u nonglamktien ban pynpaw ïa ki jingthmu jong nga, Nga pynlong ïa kito ki jingthmu bad ki jingïathuh lypa ban jia shisha. Nga ïathuh ïa ka Jerusalem ba ki briew kin shong biang hangta, bad ïa ki nongbah jong ka Judah yn sa tei pat. Kito ki nongbah kin ïeng na ki jingjot.

JINGKHEIÑ 30:12

Hynrei lada u tnga jong ka, u khang ïa ka ban pyndep ïa ka kular, kam donkam ban bat ïa kata. U Trai un map ïa ka, namar ba u tnga jong ka, u khang ïa ka na kaba bat ïa ka kular.

MATHAÏOS 24:19

A katno kan long kaba shyrkhei ha kito ki sngi ïa ki kynthei kiba armet bad ïa ki kmie kiba don ki khun rit!

LOUKAS 11:27

Haba U Jisu u la lah ong ïa kane, ka kynthei ka la kren na u paidbah bad ka la ong ha u, “A katno kaba kmen long ka briew kaba la kha bad kaba la bsa la pjiah ïa me!”

1 SAMUEL 1:17

“Khie leit ha kaba suk,” u Eli u ong, “bad to U Blei ki Israel un ai ha pha ïa kata kaba pha pan na u.”

1 SAMUEL 14:36

U Saul u ong ha ki rangbah jong u, “Ïa ngin leit hiar bad tur ïaleh ïa ki Philistia mynmiet, ngin lute ïa ki haduh ban da kynjat shai, bad ngin pynïap lut ïa ki baroh.” “Leh ïa kaei kaba phi pyrkhat kaba bha tam,” ki jubab. Hynrei u lyngdoh u ong, “To ngin da kylli shuwa na U Blei.”

1 SAMUEL 14:40

Nangta u Saul u ong ha ki, “Phi baroh ïeng hangtai, u Jonathan bad nga ngin ïeng hangne.” “Leh ïa kano kano kaba phi pyrkhat kaba bha tam,” ki jubab.