1 SAMUEL 1:22 - Khasi CL Bible (BSI)

²² Hynrei ha kata ka kynti ka Hannah kam shym la leit. Ka ong ha la u tnga, “Nga tang shu pyniehnoh buiñ ïa u, ngan wan ïalam ïa u sha ïing U Trai, bad hangta un shong baroh shi rta.”

KA BAIBL

²² Hynrei, ka Hannah kam shym leit; naba ka la ong ha la u tnga, “Ngan ym leit kiew, tad ynda la pyniehnoh buiñ ïa u khynnah, hadien te ngan ïalam bad ïa u ruh, ba un paw ha khmat U Trai, ba un ïaisah ruh hangta junom.”

1 SAMUEL 1:22 ပူးပေါင်းရင်းမြစ်များ

SALM 110:4

U Trai u la pynlong ïa ka jingkular bakyntang bad un ym kylla pat na kata: “Men long u lyngdoh junom ha ka rukom long lyngdoh u Melkhisedek.”

SALM 23:6

Nga tip ba ka jingbha bad jingieit jong me kin don bad nga shi lynter ka jingim jong nga; bad ka ïing jong me kan long ka ïingshong jong nga katba nga dang im.

SALM 27:4

Nga la pan na U Trai ïa kawei; tang kawei hi nga kwah: ban shong ha ka ïing U Trai baroh shi rta, ban sngewphylla hangta ïa ka jingbha jong u, bad ban kyrpad ïa ka jingïalam jong u.

EKSODOS 21:6

te u kynrad jong u un ïalam ïa u sha ka jaka mane Blei. Hangta un pynïeng ïa u ha ka jingkhang ne ha ka shawkad bad un sam shkor ïa u. Te un sa long u mraw jong u shi rta.

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

LEBITIKOS 25:23

Phim dei ban die duh ïa ka khyndew, namar phim long trai ïa ka; ka long ka jong U Blei, bad phi long kum ki nongwei ïa kiba la shah ban pyndonkam ïa ka.

LOUKAS 2:22

Ka por ka la poi ïa u Joseph bad ka Mari ban pyndep ïa ka jinglehniam ka jingpynkhuid, kumba ka Hukum u Moses ka dawa. Kumta ki la leit rah ïa u khunlung sha Jerusalem ban aiti ïa u sha U Trai,

DEUTERONOMI 16:16

“Lai sien shisnem, ki shynrang jong phi baroh ki dei ban wanpaw ha khmat U Trai U Blei jong phi ha kata ka jaka mane Blei: ha ka Niam Ka Jinglait, ha ka Jingkhawai Niam Ka Jingot, bad ha ka Jingkhawai Niam Ki Ïingtrep. Kim dei ban wan thylli ha khmat U Trai;

JOSHUA 4:7

phin ïathuh ïa ki ba ka um jong ka Jordan ka la sangeh ban tuid haba ka Synduk ka Jutang U Trai ka jam ïa ka wah. Kine ki maw kin ïai pynkynmaw ïa ki paid Israel shaphang kaei kaba la jia hangne.”

1 SAMUEL 1:11

Ka Hannah ka pynlong ka jingsmai kyntang, “A Trai Badonbor Baroh, to khmih ïa nga ka shakri jong me! To peit ïa ka jingkordit jong nga bad kynmaw ïa nga! To wat klet ïa nga! Lada men ai khun shynrang ïa nga, nga kular ba ngan aiti ïa u sha me baroh shi rta ka jingim jong u, bad da lei lei yn ym khap ïa u shñiuh jong u.”

1 SAMUEL 1:28

Namarkata, nga aiti noh ïa u ha U Trai. Katba u dang im, un long u jong U Trai.” Te ki ïanguh ïadem ïa U Trai hangta.

1 SAMUEL 13:13

“Kata ka la dei ka jingleh bieit,” u Samuel u jubab. “Phim shym la kohnguh ïa ka hukum kaba U Trai U Blei jong phi u la ai ha phi. Lada phi la kohnguh, un jin da la shah ïa phi bad ïa ki khun ki ksiew jong phi ban synshar ïa ki Israel junom.

1 SAMUEL 2:11

Nangta u Elkanah u leit phai sha la ïing ha Ramah, hynrei u khynnah Samuel u sah ha Shiloh bad u shakri ïa U Trai ha ka jingïalam u Eli u lyngdoh.

1 SAMUEL 2:18

Ha kata ka por u khynnah Samuel u ïai shakri ïa U Trai, u da phong da ka sopti-lor da ka jaiñ linen kaba kyntang.

1 SAMUEL 28:2

“Da shisha” u Dabid u jubab, “Nga long u shakri jong phi bad phin sa ïohi da lade kaei ba nga lah ban leh.” U Akhish u ong, “Ka biang! Ngan pynlong ïa phi u nongïada jong nga shi rta.”

1 SAMUEL 3:1

Ha kita ki sngi, haba uta u khynnah Samuel, u shakri ïa U Trai hapoh ka jingïalam u Eli, don tang khyndiat eh ki khubor na U Trai; bad ñiar eh ban don ki jingïohipaw.