1 SAMUEL 1:21 - Khasi CL Bible (BSI)

²¹ Ka por ka la poi biang ba u Elkanah bad kiba ha ka ïing jong u ki leit biang sha Shiloh ban kñia ka jingainguh kaba man ka snem ha U Trai, bad ban ai ka jingainguh kyrpang ba u la kular.

KA BAIBL

²¹ Bad uta u briew, u Elkanah lem bad ka ïing jong u baroh, ki la leit kiew ïa ka ban ainguh ha U Trai ïa ka jingkñia ba shi sien shi snem, bad ïa ka jingkular jong u.

1 SAMUEL 1:21 ပူးပေါင်းရင်းမြစ်များ

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

SALM 101:2

Ka jinglong jingim jong nga kan ym don jingbakla. Lano men wan sha nga? Ngan im ka jingim kaba khuid ha ka ïing jong nga,

DEUTERONOMI 12:11

U Trai un jied tang kawei ka jaka ha kaba yn mane ïa u, bad hangta phi dei ban wanrah sha u ïa kata baroh kaba nga la hukum: ïa ki jingainguh thang bad ki jingkñia jong phi, ïa kawei na ka shiphew bad ki jingainguh jong phi, bad ïa kita ki jingai sngewbha ba phi la kular sha U Trai.

DEUTERONOMI 12:6

Shata phi dei ban leit rah ïa ki jingainguh thang bad ki jingkñia jong phi, ïa kawei-na-kaba-shiphew jong phi, bad ïa ki jingainguh jong phi, ïa ki jingai sngewbha ba phi kular ïa U Trai, ïa ki jingainguh mon sngewbha jong phi, bad ïa kiba la kha nyngkong na ki masi bad ki langbrot jong phi.

JOSHUA 24:15

Te lada phim mon ban shakri ïa u, jied ha kane hi ka sngi ïano phin shakri, ïa ki blei ba ki kpa tymmen jong phi ki la mane ha Mesopotamia, ne ïa ki blei jong ki Amor, kiba ha ka ri jong ki phi shong phi sah mynta. Hynrei ma nga bad ka ïing jong nga, ngin shakri ïa U Trai.”

1 SAMUEL 1:3

Man ka snem, u Elkanah u mih na Ramah ban leit mane bad kñia ïa ki jingainguh ha U Trai Badonbor Baroh ha Shiloh; ha kaba u Hophni bad u Phinehas, ki ar ngut ki khun shynrang u Eli, ki long ki lyngdoh jong U Trai.

1 SAMUEL 2:19

Man ka snem ka kmie jong u ka ju thain ïa u ka jaiñkup kaba rit, bad ka ju leit rah ïa ka haba ka leit lang bad la u tnga ban kñia ïa ka jingainguh kaba man ka snem.