1 SAMUEL 1:11 - Khasi CL Bible (BSI)

¹¹ Ka Hannah ka pynlong ka jingsmai kyntang, “A Trai Badonbor Baroh, to khmih ïa nga ka shakri jong me! To peit ïa ka jingkordit jong nga bad kynmaw ïa nga! To wat klet ïa nga! Lada men ai khun shynrang ïa nga, nga kular ba ngan aiti ïa u sha me baroh shi rta ka jingim jong u, bad da lei lei yn ym khap ïa u shñiuh jong u.”

KA BAIBL

¹¹ Ka la smai da ka kular ruh, ka da ong, “A Trai ki paid, lada shisha men khmih ïa ka jingjynjar ka shakri jong me, bad men kynmaw ïa nga, men ym klet ruh ïa la ka shakri, hynrei, men da ai khun shynrang ha la ka shakri, te nga ruh ngan aiti ïa u ha U Trai baroh ki sngi ka rta jong u, bad ka syrti kan ym dei ïa ka khlieh jong u.”

1 SAMUEL 1:11 ပူးပေါင်းရင်းမြစ်များ

JENESIS 28:20

Nangta u Jakob u pynlong ka jingsmai ha U Trai: “Lada men long ryngkat bad nga bad ïada ïa nga ha kane ka jingleit jong nga, bad men ai ka bam ka dih bad ka kup ka sem ïa nga,

JENESIS 29:32

Ka Leah ka la punkhun bad ka kha khun shynrang. Ka ong, “U Trai u la ïohi ïa ka jingjynjar jong nga, bad mynta u tnga jong nga un ieit ïa nga”; kumta ka la khot kyrteng ïa u, u Reuben.

JENESIS 30:22

Nangta U Blei u la kynmaw ïa ka Rakhel; u la jubab ïa ka jingduwai jong ka bad u la pynlah ïa ka ban ïoh khun.

JENESIS 8:1

U Blei um shym la klet ïa u Noah, bad ïa ki mrad baroh kiba ïadon lem bad u ha ka lieng; u la pynlong ïa ka lyer ban beh, bad ka um ka la sdang hiar.

2 SAMUEL 16:12

Lehse U Trai un ïohi ïa ka jinglanot jong nga bad un ai ha nga katto katne ki jingkyrkhu ban shim bujli ïa ka jingtim jong u.”

SALM 25:18

To ñiew ïa ki jingjynjar bad jingshitom jong nga bad map ïa ki pop jong nga baroh.

EKSODOS 4:31

Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

PROBERB 31:2

“Phi long u khun ba-ieit jong nga, ka jubab ïa ki jingduwai jong nga. Kaei ngan ïathuh ïa phi?

EKLESIASTIS 5:4

Kumta haba phi pynlong ka jingkular ha U Blei, pyndep kloi ïa ka katba lah. Um donkam ïa u bieit. Leh ïa kaei kaba phi kular ban leh.

LEBITIKOS 27:2

Haba la ai ïa uno uno u briew sha U Trai kum ka jingpyndep ïa ka kular kaba kyrpang, ïa uta u briew lah ban pyllait pat ïa u da ka jingsiew kat kum ka dor ka pisa kumne harum,

JINGKHEIÑ 21:2

Nangta ki Israel ki la smai ha U Trai: “Lada me shah ïa ngi ban jop ïa kine ki briew, ngin pynkyntang lut khlem kyndon ïa ki bad ïa ki shnong jong ki sha me bad ngin pynjot thiaw ïa ki.”

JINGKHEIÑ 6:11

U lyngdoh un ainguh ïa kawei na ki kum ka jingkñia namar ka pop, bad ïa kawei pat kum ka jingainguh thang, khnang ban pyndep ïa ka jinglehniam ka jingpynkhuid ïa u namar ba u la ktah ïa ka metïap. Ha kata kajuh ka sngi, un pynkyntang biang ïa la u shñiuh,

JINGKHEIÑ 6:5

Katba phi dang don hapoh ka jingsmai ki Nasir, phim bit ban khap ne khi ïa la u shñiuh. La teh ïa phi da kata ka jingsmai haduh ba kut ka por ba phi la pynkyntang ïa lade sha U Trai, bad phin ieh ïa u shñiuh bad u tmain jong phi ba kin san.

JINGKHEIÑ 6:8

Katba u dang long u Nasir, u long uba la pynkyntang sha U Trai.

NONGBISHAR 11:30

U Jephthah u kular ha U Trai: “Lada me ai ha nga ka jingjop pyrshah ïa ki Ammon,

NONGBISHAR 13:5

bad hadien ba la kha ïa u khun jong pha, wat pyndei syrti ha ka khlieh jong u, namar na ka sngi ba la kha ïa u un long uba la pynkyntang sha U Blei kum u Nasir. Un sdang ïa ka kam ban pyllait ïa ki Israel na ki Philistia.”

1 SAMUEL 1:12

Ka Hannah ka la ïai duwai slem ha U Trai bad u Eli u nang khmih ïa ki rmiang shyntur jong ka.

1 SAMUEL 1:19

Ha ka step kaba bud u Elkanah bad baroh kiba ha ka ïing jong u ki la khie dang step phyrngab, bad hadien ba ki la mane ïa U Trai; ki leit phai pat sha la ïing ha Ramah. U Elkanah u ïathiah shongkha bad ka Hannah ka tnga jong u, bad U Trai u jubab ïa ka jingduwai jong ka.

1 SAMUEL 1:22

Hynrei ha kata ka kynti ka Hannah kam shym la leit. Ka ong ha la u tnga, “Nga tang shu pyniehnoh buiñ ïa u, ngan wan ïalam ïa u sha ïing U Trai, bad hangta un shong baroh shi rta.”

1 SAMUEL 1:27

Ïa une u khunlung nga la pan na u, bad u la ai ha nga ïa kaba nga la pan.

1 SAMUEL 1:28

Namarkata, nga aiti noh ïa u ha U Trai. Katba u dang im, un long u jong U Trai.” Te ki ïanguh ïadem ïa U Trai hangta.

1 SAMUEL 2:20

Nangta u Eli u ju kyrkhu ïa u Elkanah bad ka tnga jong u, bad u ong ha u Elkanah, “To U Trai un ai shuh ki khun ïa phi na kane ka briew ha ka jaka uta uba phi la aiti sha u.” Hadien kata ki sa leit phai sha la ïing.