1 SAMUEL 1:1 - Khasi CL Bible (BSI)

¹ La don u briew uba kyrteng u Elkanah, uba na ka jait Ephraim, uba shong ha ka shnong Ramah kaba ha ri lum Ephraim. U dei u khun jong u Jeroham bad u khun ksiew jong u Elihu, bad u dei na ka longïing jong u Tohu kaba hap hapoh ka jait Suph.

KA BAIBL

¹ Te la don uwei u briew uba na Ramathaim-Sophim, na ka ri lum Ephraim, uba kyrteng “u Elkanah”, u khun u Jeroham, u khun u Elihu, u khun u Tohu, u khun u Suph, u nong Ephraim:

1 SAMUEL 1:1 ပူးပေါင်းရင်းမြစ်များ

1 SYIEM 11:26

Uwei pat u briew uba ïaleh pyrshah ïa u Syiem Solomon u dei uwei na ki rangbah synshar jong u, u Jeroboam u khun jong u Nebat, uba na Seredah kaba ha Ephraim. Ka kmie jong u ka dei ka riewkynthei kaba kyrteng ka Seruah.

1 KHRONIKL 6:22

Kine ki long ki khun ki ksiew jong u Kohath pateng la pateng: U Amminadab, u Korah, u Assir, U Elkanah, u Ebiasaph, u Assir, U Tahath, u Uriel, u Ussaïah, u Shaul.

1 KHRONIKL 6:33

Ki pateng longïing jong kito kiba la bat ïa kane ka kam ki long kumne harum: Na ka kur u Kohath: u Heman, u nongïalam jong ka kynhun nongrwai kaba nyngkong, u dei u khun jong u Joel. Ka pateng longïing jong u ka wan naduh u Jakob kumne harum: U Heman, u Joel, u Samuel, U Elkanah, u Jeroham, u Eliel, u Toah, U Suph, u Elkanah, u Mahath, u Amasai, U Elkanah, u Joel, u Asaraïah, u Sephanaïah, U Tahath, u Assir, u Ebiasaph, u Korah, U Ishar, u Kohath, u Lebi, u Jakob.

MATHAÏOS 27:57

Haba la janmiet, u briew uba riewspah na Arimathaïa u la wan poi; ka kyrteng jong u ka long u Joseph, bad u la long ruh u synran jong U Jisu.

JOSHUA 24:33

U Eleasar u khun jong u Aaron u la ïap, bad la tep ha Gibeah, ka shnong ha ka ri lum Ephraim ïa kaba la ai ha u khun jong u, u Phinehas.

NONGBISHAR 12:5

Khnang ban khangkdong ïa ki Ephraim, ki Gilead ki knieh ïa ki jaka na kiba lah ban jam ïa ka wah Jordan. Haba uno uno u Ephraim uba pyrshang ban phet u pan jingbit ban jam sha shiliang, ki rangbah Gilead ki kylli, “Phi dei u Ephraim?” Lada u ong, “Em.”

NONGBISHAR 17:1

Shisien la don u briew uba kyrteng u Mikah, uba shong ha ri lum Ephraim.

NONGBISHAR 19:1

Ha kita ki sngi, ha shuwa ba ki Israel kin don syiem, la don uwei u Lebi uba shong sha jngai bah ha ka ri lum Ephraim. U shim ïa kawei ka kynthei na Bethlehem ha Judah ban long ka tnga kliar jong u,

NONGBISHAR 4:5

Ka ju shong hapoh uwei u Dieng Tlai hapdeng ka Ramah bad ka Bethel ha ka ri lum Ephraim, bad ki paid Israel ki ju leit hangta na ka bynta ki jingbishar jong ka.

1 SAMUEL 1:19

Ha ka step kaba bud u Elkanah bad baroh kiba ha ka ïing jong u ki la khie dang step phyrngab, bad hadien ba ki la mane ïa U Trai; ki leit phai pat sha la ïing ha Ramah. U Elkanah u ïathiah shongkha bad ka Hannah ka tnga jong u, bad U Trai u jubab ïa ka jingduwai jong ka.

1 SAMUEL 17:12

U Dabid u dei u khun jong u Jesse, uba dei u nong Ephrath na Bethlehem kaba ha Judah. U Jesse u don phra ngut ki khun shynrang, bad ha ka por ba u Saul u long syiem, u la tymmen bha.

1 SAMUEL 2:11

Nangta u Elkanah u leit phai sha la ïing ha Ramah, hynrei u khynnah Samuel u sah ha Shiloh bad u shakri ïa U Trai ha ka jingïalam u Eli u lyngdoh.

1 SAMUEL 7:17

Nangta u ju leit pat sa sha la ïing ha Ramah, hangta ruh u ju shakri kum u nongbishar. Ha Ramah u la tei ïa ka duwan ha U Trai hangta.

1 SAMUEL 9:4

Ki la leit kylleng ka ri lum Ephraim bad ka thain Shalishah, hynrei kim lap ïa ki; kumta ki leit sa sha ka thain Shaalim, hynrei kita ki kada kim don hangta. Nangta ki leit kylleng ka ri Benjamin, hynrei hangta ruh kim shem ïa ki.

1 SAMUEL 9:5

Ynda ki poi sha ka thain Suph, u Saul u ong ha u shakri jong u, “Ïa ngin ïaleit phai noh sha ïing ne ïoh ba i pa in ym pyrkhat shuh shaphang ki kada, bad in khuslai pynban sa ïa ngi.”