1 KORINTH 7:2 - Khasi CL Bible (BSI)

² Hynrei namar ba kynrei than ka jingleh awria, uwei pa uwei u briew u dei ban don la ka jong ka tnga, bad kawei pa kawei ka briew ka dei ban don la u jong u tnga.

KA BAIBL

² Hynrei, namar ki jingleh awria, to ai ba u briew baroh un ïoh ïa la ka jong ka tnga, bad to ai ba ka briew baroh kan ïoh ïa la u jong u tnga.

1 KORINTH 7:2 ပူးပေါင်းရင်းမြစ်များ

PROBERB 18:22

Haba shem ïa ka tnga, phi shem ïa kaei kaba bha; ka pynpaw ba U Trai u lehbha ïa phi.

PROBERB 19:14

U briew u lah ban ïohpateng ïa ka ïing bad ka spah na la ki kmie ki kpa, hynrei tang U Trai uba lah ban ai ha u ïa ka tnga kaba shemphang.

MALAKHI 2:14

Phi kylli balei ba um shym pdiang shuh ïa ki. Ka long namar u tip ba phi la pynkheiñ ïa ka kular jong phi ïa ka tnga kaba phi la shongkurim mynba phi dang khynraw. Ka la long ka paralok jong phi, bad phi la pynkheiñ ïa ka jingkular jong phi ïa ka, wat la phi la kular ha khmat U Blei ba phin ïaineh bad ka.

MATHAÏOS 5:32

Hynrei mynta nga ong ha phi: lada uno uno u briew u pyllait noh ïa la ka tnga, na ka bynta kano kano ka daw lait noh na ka jingbymïaineh jong ka, te u long uba la shah rem ha kaba pynlong ïa ka ban klim lada ka shongkurim biang; bad u briew uba shongkurim ïa ka, u ruh u klim.

1 KORINTH 6:18

To kiar na ka jingleh awria. Kano kano kawei pat ka pop kaba u briew u leh kam ktah ïa ka met jong u; hynrei u briew uba leh awria u leh pop ïa kata ka met jong u.

1 KORINTH 7:1

Mynta, to ngin ïa-peit ïa ki bynta kiba phi la thoh. Ka bha ïa u briew ba un ym shongkurim.

1 KORINTH 7:3

U briew u dei ban pyndep hok ïa la ka kamram kum u tnga, bad ka briew ka dei ban pyndep hok ïa la ka kamram kum ka tnga, bad ban pynbiang ïa ki jingdonkam iwei ïa iwei pat.

1 KORINTH 7:9

Hynrei lada phim lah ban synshar ïa la ki jingkwah, kan bha ban ïaid shaphrang bad ban shongkurim — ka kham bha ban shongkurim ban ïa kaba ing da ka jingkwah brai.

EPHESOS 5:28

Ki shynrang ki dei ban ieit ïa ki tnga jong ki kumba ki ieit ïa la ki jong ki met. U shynrang uba ieit ïa la ka tnga u ieit ïa lade hi.

EPHESOS 5:33

Hynrei ka thew ruh ïa phi: Man u shynrang u dei ban ieit ïa la ka tnga kumba ïa lade, bad man ka kynthei ka dei ban ñiewburom ïa la u tnga.

1 THESSALONI 4:4

Uwei pa uwei na phi ki shynrang u dei ban tip kumno ban ïashong ïasah bad la ka tnga ha ka rukom kaba khuid bad kaba donburom,

1 TIMOTHI 4:3

Kiba kum kita ki briew ki hikai ba ka long ka bym dei ban shongkurim bad ban bam kyndiah ïa ki katto katne ki jait jingbam. Hynrei U Blei u la thaw ïa kito ki jingbam ban bam, hadien ka jingduwai sngewnguh, da kito kiba long kiba ngeit bad kiba la tip ïa ka jingshisha.

NONGBISHAR 21:22

Lada ki kpa lane ki hynmen shynrang jong ki, ki wan ban ïeng pyrshah ïa phi, phi lah ban ong, ‘Sngewbha shah ba kin don bad ngi, namar ngim shym shim ïa ki na phi ha ka madan thma ban long ki tnga jong ngi. Bad haba phim shym la ai ïa ki ha ngi, phim long kiba la pynrem ba phi la pynkheiñ ïa la ka kular.’ ”