1 KORINTH 5:3 - Khasi CL Bible (BSI)

^3-4 Bad wat la nga long jngai na phi ha ka met, pynban nga don bad phi ha ka mynsiem; kumba nga ju don bad phi, ha ka kyrteng U Jisu uba U Trai jong ngi nga la lah bishar halor uta u briew uba la leh ïa kane kaei kaei kaba shyrkhei.

KA BAIBL

³ Namar ma nga lei lei, la ngam don ha khmat da la ka met, hynrei, uba ha khmat keiñ ha ka mynsiem, nga la bishar lypa, kum uba don hi ha khmat, ïa uta uba la leh palat kat kane;

1 KORINTH 5:3 ပူးပေါင်းရင်းမြစ်များ

1 KORINTH 5:12

Wat la katta, kam dei ka kamram jong nga ban bishar ïa kiba nabar. U Blei un sa bishar ïa ki. Hynrei hato kam dei ban bishar ïa ki dkhot na la ka jong ka kynhun hi? Kumba ka Jingthoh Bakhuid ka ong, “Pynmih noh ïa u briew uba sniew na ka kynhun jong phi.”

2 KORINTH 10:1

Nga u Paul, nga pynlong ka jingkyrpad ïa phi — ïa nga ïa kaba la ong ba nga long uba jemnud bad jai jai haba nga don bad phi, hynrei uba eh haba nga don jngai na phi.

2 KORINTH 10:11

To ai ba kum uta u briew un sngewthuh ba kam don ka jingïapher hapdeng kaei kaba ngi thoh ha ki shithi jong ngi haba ngi don sha jngai bad ïa kaei kaba ngin leh haba ngi don markhmat bad phi.

2 KORINTH 13:2

Nga kwah ban ïathuh ha kito na phi kiba la leh pop ha ki por ba la leit, bad sha baroh kiwei pat; nga la ong ïa kane mynshuwa ha ka jingwan jngoh kaba ar ïa phi, hynrei ngan ong biang mynta ba nga don jngai: Ha kawei ka por ba nga wan yn ym don mano mano ban lait na ka jingshah pynshitom.

KOLOSSAI 2:5

Naba wat la ngam don ryngkat ha ka met, pynban nga don bad phi ha ka mynsiem, bad nga kmen haba nga ïohi ïa ka jingkut jingmut kaba skhem da kaba phi ïa-ïeng lang ha ka jingngeit jong phi ha U Khrist.

1 THESSALONI 2:17

Te ma ngi, ko parabangeit, haba ïa ngi la pynïakhlad na phi shipor — ym ha ki jingpyrkhat jong ngi, shisha, hynrei tang ha ka met — kumno ba ngi la sngewkynjah khlem ma phi bad katno ngi la pyrshang jur ban ïohi pat ïa phi!