1 KORINTH 3:3 - Khasi CL Bible (BSI)

³ Haba ka dang don ka jingpihuiñ hapdeng jong phi bad phi ïakajia para ma phi, hato kane kam pynshisha ba phi dei jong kane ka pyrthei, da kaba im kat kum ki rukom jong ka?

KA BAIBL

³ Namar phi dang long kiba kynja doh: naba haba don hapdeng jong phi ka jingpihuiñ bad ka jingïania, phim long te kiba kynja doh, bad phi ïaid katba kum ka rukom briew?

1 KORINTH 3:3 ပူးပေါင်းရင်းမြစ်များ

HOSIA 6:7

“Hynrei ki tang mar ïarung ïa ka ri ha Adam, ki la pynkheiñ ïa ka jutang kaba nga la ïateh bad ki.

Ka Shithi U Paul Sha Ki Nong Rom 13:13

To ngin leh donakor, kum ki briew kiba im ha ka jingshai jong ka sngi — khlem ki jingsngewbha thala bakhynwin ne ka jingïabuaid, khlem ka jingleh awria lane ka jingleh khlem akor, khlem ka jingïashoh ïadat lane ka jingbishni.

1 KORINTH 1:10

Da ka bor jong U Jisu Khrist uba U Trai jong ngi nga kyrpad ïa phi baroh, ki parabangeit jong nga, ba phin ïamynjur lang ïa kaei kaba phi ong, khnang ba yn ym don ka jingïapait hapdeng jong phi. To phin ïalong kawei, tang ha kawei ka jingpyrkhat bad kawei ka jingthmu.

1 KORINTH 1:11

Naba katto katne ngut ki briew na ka longïing jong ka Khloi ki la ïathuh ïa nga da kaba shai kdar, ko ki parabangeit jong nga, ba don ki jingkajia hapdeng jong phi.

1 KORINTH 11:18

Ha kaba nyngkong eh, la ïathuh ïa nga ba ha ki jingïaseng jong phi, ki don ki kynhun kiba ïa-pyrshah; bad kane nga ngeit ka don katto katne ka jingshisha.

1 KORINTH 3:4

Haba uwei na phi u ong, “Nga bud ïa u Paul,” bad uwei pat, “Nga bud ïa u Apollos” — hato phim dang leh kum ki riewpyrthei?

2 KORINTH 12:20

Nga sheptieng ba haba nga poi hangto ngan shem ïa phi kiba pher na kaei kaba nga kwah ïa phi ba phin long bad ba phin shem ïa nga ba nga pher na kaei kaba phi kwah ïa nga ban long. Nga sheptieng ba ïoh ngan shem ïa ka jingïania bad jingbishni, ki jingïabitar bad jingkhwan myntoi, ki jingkrenbeiñ bad jinglorni, ka jingsarong bad jingkynrum kynram.

GALATIA 5:15

Hynrei lada phi leh kum ki mradkhlaw, phi pynmong bad pynmynsaw iwei ïa iwei pat, te sumar bha, ïoh phin ïa-pynjot noh khoit iwei ïa iwei.

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

JAKOB 3:16

Ha kaba ka don ka jingpihuiñ bad ka jingkhwan myntoi, hangta ka don ruh ka jingbymïaid ryntih bad ki jait jingsniew baroh.

1 PETROS 4:2

Naduh mynta, te, phi dei ban im ïa kaba sah jong ka jingim ha kane ka pyrthei, ka jingim ba la synshar da ka mon U Blei bad ym da ki jingkwah jong ka doh.