1 KORINTH 2:3 - Khasi CL Bible (BSI)

^3-4 Kumta haba nga la wan sha phi, nga la long uba tlot bad uba kyiuh baroh shi rynïeng da ka jingsheptieng, bad ïa ka jinghikai bad ka khubor jong nga ym shym la pynïoh da ki ktien batbit jong ka jingstad briew, hynrei da ka jingpynshisha baskhem jong ka bor U Mynsiem U Blei.

KA BAIBL

³ Nga te nga la long lem bad phi ha ka jingtlot bad ka jingsheptieng bad ka jingkhynñiuh shibun eh.

1 KORINTH 2:3 ပူးပေါင်းရင်းမြစ်များ

ISAÏAH 19:16

Ka por ka wan haba ki briew jong ka Ijipt kin long kiba khawpud kum ki kynthei. Kin khynñiuh ha ka jingsngewtriem haba ki ïohi ba U Trai Badonbor Baroh u la kner ïa la ka kti ban pynshitom ïa ki.

KI KAM 17:1

U Paul bad u Silas ki la leit lyngba ka Amphipolis bad ka Apollonia, bad ki la wan poi sha Thessaloni, ha kaba la don ka synagog.

KI KAM 18:1

Hadien kane, u Paul u la mihnoh na Athens bad u la leit sha Korinth.

KI KAM 18:12

Haba ïa u Gallio la pynlong u lyngskor jong ka Akhaïa kaba ha ka hima Rom, ki Jiw ki la ïalumlang hangta, ki la kem ïa u Paul, bad ki la ïalam ïa u sha ka ïingbishar.

KI KAM 18:6

Haba ki la ïa-pyrshah ïa u bad ki la ong kiei kiei kiba sniew shaphang jong u, u la pynpaw ïa ka jingsngew pyrshah da kaba kynther ïa u pui pui na ki jaiñ jong u bad ong ha ki, “Lada phi long kiba la jah noh, phi hi da lade phi dei ban shim ka jingkitkhlieh na ka bynta jong ka! Ngam don jingkitkhlieh. Naduh mynta ngan leit sha ki Jentil.”

2 KORINTH 10:1

Nga u Paul, nga pynlong ka jingkyrpad ïa phi — ïa nga ïa kaba la ong ba nga long uba jemnud bad jai jai haba nga don bad phi, hynrei uba eh haba nga don jngai na phi.

2 KORINTH 10:10

Don u ban ong, “Ki shithi u Paul ki long kiba pyrkhing bad kiba khia, hynrei haba u don bad ngi markhmat, u long uba tlot, bad ki ktien jong u kim long ei ei!”

2 KORINTH 13:4

Wat la ka la long ha ka jingtlot ba u la shah pynïap halor ka diengphna, dei da ka bor U Blei ba u im. Ha u ngi ruh ngi long kiba tlot; hynrei ha ki jingïadei jong ngi bad phi ngin ïa-ïoh bynta lem ïa ka bor U Blei ha ka jingim jong u.

2 KORINTH 13:9

Ngi sngewkmen haba ngi long kiba tlot hynrei phi long kiba khlaiñ. Bad kumta ngi duwai ruh ba phin long kiba janai.

2 KORINTH 4:1

U Blei ha ka jingisynei jong u, u la ai ha ngi ïa kane ka kam ban trei, bad kumta ngim shym la noh mynsiem.

2 KORINTH 4:16

Na kane ka daw ngim ju duh jingkyrmen. Wat la ki met ba kynja doh jong ngi ki la nang pyut noh, pynban, ïa ki met ba kynja mynsiem jong ngi la nang pynthymmai na kawei ka sngi sha kawei ka sngi.

2 KORINTH 6:4

Pynban, ha kiei kiei baroh kiba ngi leh ngi pyn-i ba ngi long ki shakri U Blei da kaba ïaishah slem ha ki jingjynjar, ki jingeh, bad ki jingshitom.

2 KORINTH 7:15

Bad kumta ka jingieit jong u ïa phi ka nang khraw, kumba u kynmaw kumno phi baroh phi la kloi ban kohnguh ïa ki jingbthah jong u, kumno phi la pdiang sngewbha ïa u da ka jingsheptieng bad ka jingkyiuh.

2 KORINTH 7:5

Wat hadien ba ngi la poi ha Makedonia, ngim shym la ïoh shongthait. Ki la don ki jingjynjar ha kylleng sawdong, ki jingïakajia bad kiwei pat, ki jingsheptieng ha ki dohnud jong ngi.

EPHESOS 6:5

Phi ki mraw, to kohnguh ïa la ki kynrad da ka jingsheptieng bad ka jingkhynñiuh; bad leh ïa ka da ka dohnud basngur, kumba phi shakri ïa U Khrist.