1 KHRONIKL 9:2 - Khasi CL Bible (BSI)

² Kiba la wan phai nyngkong sha la ki jaka ha ki nongbah ki dei ki traishnong Israel, ki lyngdoh, ki Lebi, bad ki nongtrei ha ka Templ.

KA BAIBL

² Te ki nongshong shnong kiba nyngkong kiba la shong ha la ki bynta bad ha la ki shnong ki la long, ki Israel, ki Lyngdoh, ki Lebi, bad ki Nethin de.

1 KHRONIKL 9:2 ပူးပေါင်းရင်းမြစ်များ

ESRA 2:1

Bun na kiba la shah ringmraw, ki la mihnoh na ka probins jong ka Babilon bad wan phai pat sha Jerusalem bad Judah, uwei pa uwei sha la ka jong ka nongbah. Ki longïing jong ki, ki la shong la sah ha ka jingshah ringmraw ha Babilon naduh ka por ba u Nebukhadnessar u la lah rah ïa ki hangta kum ki koidi.

ESRA 2:43

Ki kur jong ki nongtrei ka Templ kiba wan phai na ka jingshah ringmraw: Siha, Hasupha, Tabbaoth, Keros, Siaha, Padon, Lebanah, Hagabah, Akkub, Hagab, Shamlai, Hanan, Giddel, Gahar, Reaïah, Resin, Nekoda, Gassam, Ussa, Paseah, Besai, Asnah, Meunim, Nephisim, Bakbuk, Hakupha, Harhur, Basluth, Mehida, Harsha, Barkos, Sisera, Temah, Nesaïah, bad Hatipha.

ESRA 2:58

Baroh ki khun ki ksiew jong ki nongtrei ka Templ bad ki shakri u Solomon kiba la wan phai na ka jingshah ringmraw ki long laispah khyndaiphew ar ngut.

ESRA 2:70

Ki lyngdoh, ki Lebi bad katto katne na ki briew ki la shongduh ha Jerusalem ne ki jaka ba-marjan; ki nongtem nongput, ki nongap phira ka Templ, bad ki nongtrei shynrang ka Templ ki la shongduh ha ki shnong ba-marjan; bad kiba sah na ki Israel ki shongduh ha ki shnong kiba ki kpa tymmen jong ki, ki la shong la sah.

ESRA 8:20

Nalor kata, la don arspah arphew ngut ki rangbah kiba long ki nongtrei ka Templ, kiba ïa ki kpa tymmen jong ki la buh da u syiem Dabid bad ki rangbah synshar jong u ban ïarap ïa ki Lebi. Ïa ki baroh la thoh ha ka thup kyrteng.

NEHEMAÏAH 10:29

hangne ngi ïasnohlang bad ki nongïalam jong ngi ha ka jingbam-smai, hapoh ka jingpynshitom jong ka jingtim, lada ngi pynkheiñ ïa ka, ba ngin im kat kum ka Hukum U Blei, kaba U Blei u la ai lyngba u shakri jong u, u Moses; ba ngin kohnguh ïa baroh kaba U Trai, U Trai jong ngi, u hukum ïa ngi; bad ba ngin sumar ïa baroh ki hukum bad ki jingkwah jong u.

NEHEMAÏAH 11:1

Ki nongïalam ki la shong la sah ha Jerusalem, bad kiba sah na ki briew, ki la kynting sbai ban jied kawei ka longïing na man ki shiphew tylli ki longïing ban leit shong leit sah ha ka nongbah bakhuid jong ka Jerusalem, katba kiwei pat kiba sah kin shong kin sah ha kiwei pat ki nongbah bad ki shnong.

NEHEMAÏAH 7:60

Baroh ki khun ki ksiew jong ki nongtrei ka Templ bad ki shakri u Solomon kiba la wan phai na ka jingshah ringmraw ki long laispah khyndaiphew ar ngut.

NEHEMAÏAH 7:73

Ki lyngdoh, ki Lebi, ki nongap phira ïa ka Templ, ki nongtem nongput, kiba bun na ki riewpaidbah, ki nongtrei ka Templ — baroh u paid Israel — ki la shongduh ha ki shnong bad nongbah jong ka Judah.