1 KHRONIKL 4:9 - Khasi CL Bible (BSI)

⁹ La don u briew uba kyrteng u Jabes uba long u dkhot ba la kham ñiewkor na ka longïing jong u. Ka kmie jong u ka la ai kyrteng ïa u, u Jabes, namar ka jingkha ïa u ka la long kaba shitom shikatdei.

KA BAIBL

⁹ Te u Jabes u la long uba kham donburom ban ïa ki para jong u: bad ka kmie jong u ka la kyrteng “u Jabes” ïa u, ka da ong, “Namar nga la kha ïa u ha ka sngewsih.”

1 KHRONIKL 4:9 ပူးပေါင်းရင်းမြစ်များ

JENESIS 3:16

Ha kata ka briew pat u ong, “Ngan pynjur ïa ka jingjynjar jong pha haba pha punkhun, bad ïa ka jingshitom jong pha haba pha kha khun. La katta ruh, phan ïai kwah ïa la u tnga, pynban yn pyndem ïa pha ha u.”

JENESIS 34:19

bad uta u samla ruh um shym la pynslem ban leh ïa kata kaba la ai jingmut, namar ba u la ibha eh ïa ka khun jong u Jakob. U long ruh uba donburom tam na ki ba-ha-ïing ha-sem jong u baroh.

JENESIS 35:18

Hynrei ka la jan ïap, bad haba kan sa dkut mynsiem, ka la khot kyrteng ïa u, u Benoni, hynrei u kpa jong u, u la khot kyrteng ïa u, u Benjamin.

1 KHRONIKL 4:10

Hynrei u Jabes u la duwai ha U Blei ki Israel, “To kyrkhu ïa nga, A Blei, bad ai ha nga bun ka khyndew. To long bad nga bad sumar ïa nga na kano kano kaba sniew kaba lah ban pynshitom ïa nga.” Bad U Blei u la ai ha u ïa kaei kaba u la kyrpad.

1 KHRONIKL 4:8

U Kos u dei u kpa jong u Anub bad u Sobebah, bad u kpa tymmen jong ki kur kiba hiarpateng na u Aharhel u khun jong u Harum.

1 KHRONIKL 7:23

Nangta u la ïathiah shongkha biang bad ka tnga jong u, bad ka la armet bad ïoh khun shynrang. Ki khot kyrteng ïa u, u Beraïah, namar ka jingjynjar ka la ngat ha ka longïing jong ki.

PROBERB 23:25

Pynlong ïa la u kpa bad ïa la ka kmie ban sarong na ka bynta jong phi; ai ïa ka kmie jong phi ïa kata ka jingkmen.

ISAÏAH 43:4

Ngan kyntait ïa ki ri baroh ban pynim ïa ka jingim jong phi, namar phi long uba kordor ha nga bad namar ba nga ieit ïa phi bad ai ïa phi ka burom.

KI KAM 17:11

Ki briew hangta ki long kiba kham ïar jingmut ban ïa ki briew kiba ha Thessaloni. Ki la shahshkor ïa ka khubor da ka jingangnud bakhraw, bad man ka sngi ki ju pule bniah ïa ki Jingthoh Bakhuid ban khmih lada kaei kaba u Paul u ong ka long kaba shisha.

1 SAMUEL 4:21

Ka pynkyrteng ïa uta u khunlung u Ikhabod, ka da batai, “Ka burom U Blei ka la phet na Israel!” — kaba thew ïa ka jingshah knieh noh ïa ka Synduk ka Jutang, bad ka jingïap u kthaw kurim bad u tnga jong ka.