1 KHRONIKL 4:41 - Khasi CL Bible (BSI)

⁴¹ Ha ka por u Hesekaïah u syiem Judah, ki rangbah ba la jer kyrteng haneng ki la leit sha Gerar bad ki la pynjot thiaw ïa ki ïingjaiñ bad ki ïingtrep jong ki briew kiba shong hangta. Ki la beh noh ïa ki briew bad ki la shongduh junom hangta namar ba don kyrhai ka jaka phlang na ka bynta ki langbrot jong ki.

KA BAIBL

⁴¹ Bad kine ïa kiba la thoh da ka kyrteng, ki la wan ha ki sngi u Hesekaïah u syiem ka Judah, bad ki la pom ïa ki ïingjaiñ jong ki, bad ïa ki Meunim ba la shem hangta, bad ki la pynduh noh khoit ïa ki, haduh kane ka sngi, bad ki la shong duh ha ka jaka jong ki: namar ba la don ka jaka phlang hangta ïa ki kynhun jong ki.

1 KHRONIKL 4:41 ပူးပေါင်းရင်းမြစ်များ

1 KHRONIKL 4:33

bad ha ki nongrit kiba sawdong jong ki, kat haduh shaphang shathie lam sepngi ha ka shnong Baalath. Kine ki dei ki jingbuh jingthoh kiba ki la buh jong ki longïing jong ki bad jong ki jaka ha kaba ki la shong la sah.

1 KHRONIKL 5:22

Ki la pynïap bun bah ki nongshun, namar ba ka thma ka la long ka mon U Blei. Bad ki la ïaishong ïaisah ha kata ka thain haduh ka jingshah ringmraw.

2 KHRONIKL 14:15

Ki tur ïaleh ruh ïa ki jaka sher dara jong ki katto katne ki nongaplangbrot, ki kurup ïa shibun ki langbrot bad ki ut. Nangta ki leit phai sha Jerusalem.

2 KHRONIKL 20:1

Hadien katto katne por, ki kynhun shipai jong ka Moab bad ka Ammon, ryngkat bad kiba ïateh lok bad ki, ki Meun, ki hiarthma ïa ka Judah.

2 KHRONIKL 26:7

U Blei u ïarap ïa u ban jop ïa ki Philistia, ïa ki Arab kiba shong ha Gurbaal, bad ïa ki Meun.

JEREMAÏAH 49:20

Kumta to shahshkor ïa ka jingthmu kaba nga don pyrshah ïa ki briew ka Edom, bad ïa kaei kaba nga thmu ban leh ïa ki briew jong ka nongbah Teman. Wat ïa ki khynnah yn paring ïa ki, bad uwei pa uwei un sngewtriem.

KI KAM 17:26

Na uwei u briew u la thaw ïa ki jaitbynriew baroh ha ka pyrthei bad u la pynlong ïa ki ban shong ban sah ha kylleng ka pyrthei. U hi da lade u la pynskhem lypa ïa ki por kiba biang bad ïa ki pud jong ki jaka ha kaba kin shong kin sah.

NONGBISHAR 10:12

Ki Sidon, ki Amalek, bad ki Maon ki la banbeiñ ïa phi ha ki por ba la leit; bad phi la kyang jam sha nga. Hato ngam shym la pyllait im ïa phi na ki?