1 KHRONIKL 27:1 - Khasi CL Bible (BSI)

¹ Kane ka long ka thup kyrteng jong ki khlieh jong ki longïing bad ki rangbah kur Israel lem bad ki rangbah synshar jong ki, kiba pynïaid ïa ka kam jong ka hima. Man la u bnai jong ka snem; kawei kawei ka kynhun kaba don arphew saw hajar ngut ka don ha ka kam hapoh u nongïalam ha uta u bnai.

KA BAIBL

¹ Te ki khun Israel katba kum ka jingkheiñ jong ki, kata, ki rangbah ki ïing ki kpa, bad ki kaptan ki hajar bad ki spah, bad ki rangbah jong ki kiba shakri ïa u syiem, ha kano kano ka kam jong kita ki jingkylliang kiba rung bad kiba mih man la u bnai ha ki bnai baroh jong ka snem, ha kawei kawei ka jingkylliang, ki la long arphew saw hajar.

1 KHRONIKL 27:1 ပူးပေါင်းရင်းမြစ်များ

2 SAMUEL 23:8

Kine ki long ki kyrteng jong ki shipai bapawnam jong u Dabid: uba nyngkong u dei u Josheb Basshebeth na Takhemon; uba long u nongïalam jong “Ki Lai Ngut”; u la ïaleh da la u sum pyrshah ïa ki phraspah ngut ki rangbah bad u la pynïap ïa ki baroh ha kawei ka thma.

1 SYIEM 4:27

Ki khat-ar ngut ki lat jong u, uwei uwei ha u bnai ba la buh ïa u, ki pynbiang ka jingbam ïa u Syiem Solomon kaba u donkam ïa lade bad ïa baroh kiba bam ha ka ïingsyiem; ki ju ïai pynbiang ïa kaei kaei baroh kaba donkam.

1 SYIEM 4:7

U Solomon u la thung khat-ar ngut ki rangbah kum ki lat ka distrik ha Israel. Ki dei ban pynbiang bam na ki distrik jong ki ïa u syiem bad ïa ka longïing jong u, uwei uwei u rangbah u kitkhlieh na ka bynta uwei u bnai ha ka shisnem.

1 SYIEM 5:14

bad u buh ïa u Adoniram ban khmih ïa ki. U la pynbynta ïa ki ha ki lai kynhun kiba don shiphew hajar ngut ki rangbah ha kawei kawei ka kynhun, bad kawei pa kawei ka kynhun ka pynlut shi bnai ha Lebanon bad ar bnai pat ha la shnong.

1 KHRONIKL 11:10

Kine ki dei ki shipai bapawnam jong u Dabid. Ryngkat lang bad kiwei de ki paid Israel, ki la ïarap ïa u ban long syiem, kumba U Trai u la kular, bad ki pynneh skhem ba ka hima jong u kan long kaba khlaiñ.

1 KHRONIKL 13:1

U Syiem Dabid u ïamir jingmut bad ki rangbah pynïaidkam baroh jong ki kynhun kiba shihajar ngut bad ki kynhun kiba shispah ngut.

1 KHRONIKL 26:32

U syiem Dabid u jied ar hajar hynñiewspah ngut ki rangbah kiba tbit jong ki longïing na ki kur jong u Jeraïah bad u buh ïa ki ban peit ïa ki kam niam bad ki kam hima sima ha Israel kaba shaphang mihngi jong ka wah Jordan — ki ri jong ki Reuben, ki Gad, bad ki Manasseh ba sha Mihngi.

1 KHRONIKL 27:2

Kine harum ki long ki nongïalam na ka bynta uwei uwei bnai: Ha u bnai uba nyngkong: u Jashobeam u khun jong u Sabdiel (u dei u dkhot jong ka kur u Peres, ka bynta jong ka jait Judah) Ha u bnai uba ar: u Dodai, uba mih pateng na u Ahohi (u Mikloth u dei uba hadien jong u ha ka jingai hukum) Ha u bnai uba lai: u Benaïah u khun jong u Jehoïada u lyngdoh; u dei u nongïalam jong “Ki Laiphew ngut” (u Amissabad u khun jong u, u la long u nongïalam ïa kane ka kynhun hadien jong u) Ha u bnai uba saw: u Asahel, u para jong u Joab (u Sebadaïah u khun jong u, u shimti hadien jong u) Ha u bnai uba san: u Shamhuth, uba hiarpateng na u Ishar Ha u bnai uba hynriew: u Ira u khun jong u Ikkesh uba na Tekoa Ha u bnai uba hynñiew: u Heles, u nong Ephraim na Pelon Ha u bnai uba phra: u Sibbekai uba na Hushah (u dei u dkhot jong ka kur Serah, ka bynta jong ka jait Judah) Ha u bnai uba khyndai: u Abieser uba na Anathoth ha ka ri jong ka jait Benjamin Ha u bnai uba shiphew: u Maharai na Netophah (u dei u dkhot jong ka kur Serah) Ha u bnai uba khatwei: u Benaïah uba na Pirathon ha ka ri jong ka jait Ephraim Ha u bnai uba khat-ar: u Heldai uba na Netophah (u dei uba hiarpateng na u Othniel)

1 KHRONIKL 28:1

U Syiem Dabid u hukum ïa baroh ki rangbah synshar jong ki Israel ban ïalumlang ha Jerusalem. Kumta baroh ki rangbah synshar jong ki jait, ki rangbah synshar kiba pynïaid ïa ka kam jong ka Hima, ki nongïalam jong ki kur, ki nongpeit ïa ki jingdon jingem bad ki jingri kiba dei jong u syiem bad ki khun shynrang jong u — Shisha ki rangbah synshar ka ïingsyiem, ki shipai kiba lamkhmat, bad ki rangbah badonkam — ki la ïalumlang ha Jerusalem.

1 KHRONIKL 29:6

Te ki rangbah kur, ki rangbah synshar jong ki jait, ki nongai hukum jong ka kynhun shipai, bad ki nongpynïaid ïa ka jingdon jingem jong u syiem da la ka mon sngewbha ki ai

2 KHRONIKL 1:2

U syiem Solomon u la ai hukum ïa baroh ki rangbah pynïaidkam kiba khmih ïa ki kynhun ba shihajar ngut ki rangbah bad ïa ki kynhun kiba shispah ngut ki rangbah, ïa baroh ki rangbah synshar ka sorkar, ïa baroh ki khlieh jong ki longïing longsem, bad ki briew basah baroh, da kaba hukum ïa ki ban leit bad u sha ka jaka mane ha Gibeon.

EKSODOS 18:25

bad u la jied ïa ki rangbah kiba tbit napdeng ki Israel baroh. U la thung ïa ki kum ki nongïalam ïa ki hajar, ki spah, ki sanphew, bad ki phew.

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

DEUTERONOMI 1:15

Kumta nga la shim ïa kita ki nongïalam kiba stad bad kiba khraw jingmut ïa kiba phi hi phi la jied na ki jait jong phi, bad nga la buh ïa ki ban peit halor ïa phi. Don na ki, kiba peit ïa ki shihajar ngut, don kiba peit ïa ki shispah ngut, don kiba peit ïa ki sanphew ngut, bad don ruh kiba peit ïa ki shiphew ngut. Nalor kitei, nga la thung ruh ïa kiwei pat ki rangbah synshar hapdeng jong phi.

JOSHUA 23:1

Kham slem hadien kane, U Trai u la ai ha ki Israel ka jingïada na ki nongshun sawdong jong ki. Ha kata ka por u Joshua u la tymmen bha,

1 SAMUEL 8:12

Katto katne ngut na ki un thung kum ki rangbah synshar ki ban peit ïa ki shihajar ngut ki rangbah bad katto katne ngut ki ban peit ïa ki sanphew ngut ki rangbah: ki khun shynrang jong phi kin hap ban lur ïa ki lyngkha jong u, ban lum ïa ki jingmih jong u na ka khyndew, bad ban shna ïa ki tiar thma bad ki tiar kali ïapom jong u.