1 KHRONIKL 26:4 - Khasi CL Bible (BSI)

^4-5 U don ruh u Obed Edom, uba U Blei u la kyrkhu da kaba ai ha u phra ngut ki khun shynrang, kiba la jer ter ter kat kum ka rta: u Shemaïah, u Jehosabad, u Joah, u Sakhar, u Nethanel, u Ammiel, u Issakhar, bad u Peullethai.

KA BAIBL

⁴ Bad u Obed-edom u la don ki khun shynrang; u Shemaïah u banyngkong, u Jehosabad u ba-ar, u Joah u balai, bad u Sakar u basaw, bad u Nethanil u basan;

1 KHRONIKL 26:4 ပူးပေါင်းရင်းမြစ်များ

2 SAMUEL 6:10

Kumta u la rai ban ym leit shim ïa ka bad u sha Jerusalem; pynban, u phai noh na lynti bad u lam ïa ka sha ka ïing jong u Obed Edom, u traishnong jong ka nongbah Gath.

2 SAMUEL 6:11

Ka la don hangta lai bnai, bad U Trai u kyrkhu ïa u Obed Edom bad ïa ka longïing jong u.

2 SAMUEL 6:12

U Syiem Dabid u ïohsngew ba namar ka Synduk ka Jutang, U Trai u la kyrkhu ïa ka longïing jong u Obed Edom bad baroh kat kiba u don; kumta u leit shim noh ïa ka Synduk ka Jutang na ka ïing jong u Obed ban leit rah ïa ka sha Jerusalem ryngkat bad ka jinglehkmen kaba khraw.

1 KHRONIKL 13:14

Ka don hangta haduh lai bnai, bad U Trai u kyrkhu ïa ka longïing u Obed Edom bad baroh kiei kiei kiba dei ki jong u.

1 KHRONIKL 16:38

U Obed Edom u khun jong u Jeduthun bad ki hynriewphew phra ngut ki rangbah jong ka kur jong u kin ïarap ïa ki. Ïa u Hosah bad u Obed Edom la buh ban ap phira ïa ki khyrdop.

1 KHRONIKL 16:5

Ïa u Asaph la thung nongïalam bad ïa u Sekharaïah kum u nongïarap. La thung ïa u Jeiel, u Shemiramoth, u Jehiel, u Mattithaïah, u Eliab, u Benaïah, u Obed Edom bad u Jeiel ban tem ki duitara. U Asaph un pynsawa ki shakuriaw,