1 KHRONIKL 24:6 - Khasi CL Bible (BSI)

⁶ Ki khun ki ksiew jong u Eleasar bad u Ithamar ki shim pali ha kaba kynting sbai. Nangta la buh jingthoh ïa ki da u Shemaïah u khun jong u Nethanel, u sekretari na ki Lebi. U syiem, ki rangbah synshar jong u, u Sadok u lyngdoh, u Ahimelekh u khun jong u Abiathar, bad ki khlieh jong ki longïing Lyngdoh bad jong ki longïing Lebi, baroh ki long ki sakhi.

KA BAIBL

⁶ Bad u Shemaïah u khun u Nethanil u nongthoh, uba na ki Lebi, u la thoh ïa ki ha khmat u syiem, bad ki rangbah, bad u Sadok u lyngdoh, bad u Ahimelekh u khun u Abiathar, bad ki rangbah ki ïing ki kpa na ki lyngdoh bad na ki Lebi: kawei ka ïing ki kpa la shim na ka bynta u Eleasar, bad kawei la shim na ka bynta u Ithamar.

1 KHRONIKL 24:6 ပူးပေါင်းရင်းမြစ်များ

1 SYIEM 4:3

Ki sekretari ka ïingbishar: U Elihoreph bad u Ahijah, ki khun jong u Shisha Uba khmih ïa ki dulir: U Jehoshaphat, u khun jong u Ahilud

1 KHRONIKL 18:16

u Sadok u khun jong u Ahitub bad u Ahimelekh u khun jong u Abiathar ki long ki lyngdoh; u Seraïah u long u sekretari ka ïingbishar;

1 KHRONIKL 23:24

Kine ki long ki khun ki ksiew jong u Lebi, kat kum ki kur bad ki longïing, bad ïa uwei pa uwei na ki la buh jingthoh da ka kyrteng. Uwei pa uwei na ki khun ki ksiew, uba arphew snem ka rta ne tam, u ïoh ka bynta ha ka kam ha ka Templ jong U Trai.

1 KHRONIKL 24:31

U khlieh jong kawei pa kawei ka longïing bad uwei na ki para jong u, ki kynting sbai na ka bynta ki kam jong ki, kumba ki ba-ha-ïing jong ki, ki lyngdoh kiba hiarpateng na u Aaron, ki la leh. U syiem Dabid, u Sadok, u Ahimelekh, bad ki khlieh jong ki longïing jong ki lyngdoh bad jong ki Lebi ki long ki sakhi.

1 KHRONIKL 24:7

Kane ka dei ka jingbuhbeit ha kaba ïa ki kynhun ki arphew saw tylli ki longïing la ai ïa ki kam jong ki: 1. Jehoïarib. 2. Jedaïah. 3. Harim. 4. Seorim. 5. Malkhijah. 6. Mijamin. 7. Hakkos. 8. Abijah. 9. Jeshua. 10. Shekanaïah. 11. Eliashib. 12. Jakim. 13. Huppah. 14. Jeshebeab. 15. Bilgah. 16. Immer. 17. Hesir. 18. Happisses. 19. Pethahaïah. 20. Jeheskel. 21. Jakhin. 22. Gamul. 23. Delaïah. 24. Maasaïah.

2 KHRONIKL 34:13

Kiwei pat ki Lebi ki peit halor ka jingpynkit jingkit bad halor ki nongtrei ha ki kam bapher bapher, bad kiwei ki buh jingkheiñ lane ki shakri kum ki nongap phira.

ESRA 7:6

U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

NEHEMAÏAH 8:1

Haba la poi u bnai uba hynñiew, ki briew ka Israel ki la ïashong ïasah ha ki shnong. Ha ka sngi banyngkong jong uta u bnai, ki la ïalumlang ha Jerusalem, ha ka jaka basawdong hapoh ka Khyrdop Um. Ki ong ïa u Esra, u lyngdoh bad u riewstad ka Hukum ïa kaba U Trai u la ai ha ki Israel lyngba u Moses, ban wanrah ïa ka kitab jong ka Hukum.

MATHAÏOS 13:52

Kumta u la jubab, “Kane ka mut, te, ba uwei pa uwei u nonghikai Aiñ uba long u synran hapoh ka Hima ki bneng u long kum u trai jong ka ïing uba la sei shabar ïa kiei kiei kiba thymmai bad kiba rim napoh ka kamra kynshew jong u.”

MATHAÏOS 8:19

U nonghikai Aiñ u la wan sha u. “Ko Nonghikai,” u la ong, “Nga la kloi ban leit bad me kat shaba me leit.”

MARKOS 2:26

kumta u la rung shapoh ka Ïing U Blei bad bam ïa u kpu ba ainguh ha U Blei. Kane ka la long mynba u Abiathar u long u Rangbah Lyngdoh. Kat kum ka Hukum jong ngi tang ki lyngdoh ki lah ban bam ïa une u kpu — hynrei u Dabid u la bam ïa u bad u la ai ïa u wat ha ki rangbah kiba bad u.”