1 KHRONIKL 23:4 - Khasi CL Bible (BSI)

⁴ U syiem u buh arphew saw hajar ngut na ki ban pynïaid ïa ka kam ha ka Templ, hynriew hajar ngut ban buh jingthoh bad ban bishar ïa ki kam ïakajia,

KA BAIBL

⁴ “Na kine, arphew saw hajar ki ban khmih ïa ka kam ka ïing U Trai; bad hynriew hajar ki la long ki rangbah bad ki nongbishar.

1 KHRONIKL 23:4 ပူးပေါင်းရင်းမြစ်များ

1 KHRONIKL 6:48

Ïa kiwei pat ki para Lebi la aiti ïa baroh kiwei ki kamram ha ka jaka mane.

2 KHRONIKL 19:8

Ha Jerusalem, u Jehoshaphat u thung ïa ki Lebi, ki lyngdoh bad katto katne ki riewkhmat ka shnong kum ki nongbishar ha ki kam ba ïadei bad ka jingpynkheiñ ïa ka Hukum U Trai lane ki jingïakajia ba dei ïa ka aiñ hapdeng ki nongshong shnong jong ka nongbah.

2 KHRONIKL 23:18

U Jehoïada u buh ïa ki lyngdoh bad ki Lebi ban peit ïa ka kam ha ka Templ. Ki dei ban pyndep ïa ki kamram kiba la bynshet ha ki da u syiem Dabid bad ban thang ïa ki jingkñia kiba la ai sha U Trai kat kum ka Aiñ u Moses. Ki la peit ruh ïa ka jingput jingtem bad ïa ka jinglehkmen.

2 KHRONIKL 34:13

Kiwei pat ki Lebi ki peit halor ka jingpynkit jingkit bad halor ki nongtrei ha ki kam bapher bapher, bad kiwei ki buh jingkheiñ lane ki shakri kum ki nongap phira.

NEHEMAÏAH 11:22

U nongkhmih jong ki Lebi kiba shong basah ha Jerusalem u long u Ussi, u khun jong u Bani bad u ksiew jong u Hashabaïah. Ki kpa tymmen jong u ki kynthup ïa u Mattanaïah bad u Mika bad u long na ka kur u Asaph, ka kur kaba kitkhlieh na ka bynta ka put ka tem ha ki jingïaseng ha ka Templ.

NEHEMAÏAH 11:9

U Joel u khun jong u Sikhri u long u nongïalam jong ki, bad u Hassenuah u khun jong u Judah, u rangbah synshar uba kham slem ha ka jingtrei, u long uba ar ha ka kyrdan ha ka nongbah. Ki lyngdoh: U Jedaïah u khun jong u Joïarib, bad u Jakhin. U Seraïah, u khun jong u Hilkaïah bad u ksiew jong u Meshullam. Ki kpa tymmen jong u ki kynthup ïa u Sadok, u Meraïoth bad u Ahitub, uba long u Rangbah Lyngdoh. Ha baroh, phraspah arphew ar ngut ki dkhot jong kane ka kur ki shakri ha ka Templ. U Adaïah, u khun jong u Jeroham bad u ksiew jong u Pelaïah. Ki kpa tymmen jong u ki kynthup ïa u Amsi, u Sekharaïah, u Pashhur, bad u Malkhijah. Ha baroh, arspah sawphew ar ngut ki dkhot jong kane ka kur ki long ki khlieh jong ki longïing. U Amashsai, u khun jong u Asarel bad u ksiew jong u Ahsai. Ki kpa tymmen jong u ki kynthup ïa u Meshillemoth bad u Immer. Ki don shispah arphew phra ngut ki dkhot jong kane ka kur kiba long ki shipai bapawnam. U nongïalam jong ki u long u Sabdiel, u dkhot jong ka longïing bapawkhmat. Ki Lebi: U Shemaïah, u khun jong u Hasshub bad u ksiew jong u Asrikam. Ki kpa tymmen jong u ki kynthup ïa u Hashabaïah bad u Bunni. U Shabbethai bad u Josabad, ki Lebi bapawkhmat kiba khmih ïa ka kam ba dei shabar ka Templ. U Mattanaïah, u khun jong u Mika bad u ksiew jong u Sabdi, uba hiarpateng na u Asaph. U la ïalam ïa ka kynhun rwai ka Templ ha kaba rwai ïa ka jingduwai jong ka jingainguh. U Bakbukaïah, u long u nongïarap jong u Mattanaïah. U Abda, u khun jong u Shammua bad u ksiew jong u Galal, uba hiarpateng na u Jeduthun. Ha baroh, arspah phraphew saw ngut ki Lebi ki shong ki sah ha ka nongbah bakhuid jong ka Jerusalem. Ki nongap phira ka Templ: U Akkub, u Talmon, bad ki ba-ha-ïing ha-sem; ha baroh, ki don shispah hynñiewphew ar ngut.

ESEKIEL 44:24

Haba ka jingmudui aiñ ka mih, ki lyngdoh kin ai jingrai ïa ka jingmudui kat kum ki aiñ jong nga. Kin pynïaid ïa ki jinglehniam kat kum ki aiñ bad ki jingbuhbeit ryntih jong nga, bad kin rakhe khuid ïa ka Sabbaton.

MALAKHI 2:7

Ka dei ka kamram ki lyngdoh ban hikai ïa ka jingtip bashisha ïa U Blei. Ki briew ki dei ban leit sha ki ban tip ïa ka mon jong nga, namar ki long ki nonglamktien jong U Trai Badonbor Baroh.

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

DEUTERONOMI 16:18

“Thung ïa ki nongbishar bad kiwei pat ki rangbah synshar ha man la ka shnong ba U Trai U Blei jong phi u ai ha phi. Kine kin bishar hok ïa ki briew.