1 KHRONIKL 22:9 - Khasi CL Bible (BSI)

⁹ La katta ruh, u la pynlong ka jingkular bad nga. U ong, ‘Phin sa don u khun jong u ban synshar ha ka jingsuk, namar ba ngan ai ha u ka jingsuk na ki nongshun jong u baroh. Ka kyrteng jong u kan long u Solomon, namar ha ka jingsynshar jong u ngan ai ha ki Israel ka jingsuk bad ka jingshongshngain.

KA BAIBL

⁹ ha khmih, yn kha u khun ïa me, u ban long u briew ka jingsuk; bad ngan ai ïa u ka jingshongthait na ki nongshun jong u baroh sawdong: namar ka kyrteng jong u kan long “u Solomon”, bad ngan ai ka jingsuk bad ka jingjai jai ha Israel ha ki sngi jong u:

1 KHRONIKL 22:9 ပူးပေါင်းရင်းမြစ်များ

1 SYIEM 1:13

leit mar mar sha u Syiem Dabid bad pan na u, ‘Syiem Kynrad, hato phim shym la kular kyntang ïa nga ba u Solomon, u khun jong nga un long syiem hadien jong phi? Kumno te ka lah ban long ba u Adonijah u la long syiem?’ ”

1 SYIEM 2:15

U jubab, “Phi tip ba nga la dei ban long syiem bad ba uwei pa uwei baroh ha Israel u khmih lynti ïa kata. Hynrei ka la jia long da kumwei pat, bad u para jong nga u la long syiem namar ka dei ka mon U Trai.

1 SYIEM 3:7

A Trai U Blei, me la shah ïa nga ban long syiem hadien i pa jong nga, wat la nga dang khynnah bad ngam tip kumno ban synshar.

1 SYIEM 4:20

Ki paid Judah bad Israel ki long kiba bun paid kat u shyiap harud duriaw; ki ïabam ki ïadih, bad ki suk ki saiñ.

1 SYIEM 4:24

U Solomon u la synshar ïa ka jaka baroh kaba sha sepngi jong ka wah Ïuphratis, naduh Tiphsah kaba ha Ïuphratis haduh shaphang sepngi ka nongbah Gasa. Baroh ki syiem kiba sha sepngi jong ka Ïuphratis ki la hap hapoh jong u, bad u la don ha ka jingïasuk bad ki ri ba-marjan baroh.

1 SYIEM 4:25

Katba u dang im, ki briew ha kylleng ka Judah bad Israel, ki im ha ka jingshngain, kawei kawei ka longïing ka don la ki dieng sohwaiñ bad ki dieng Dumbur.

1 SYIEM 5:4

Hynrei mynta U Trai U Blei jong nga u la ai ha nga ka jingshongsuk ha baroh ki pud ki sam jong nga. Ngam don nongshun, bad kam don kano kano jingma jong ka jingshah tur ïaleh.

1 SYIEM 8:56

U da ong, “Ïaroh ïa U Trai uba la ai ka jingsuk ïa ki briew jong u, kumba u la kular ban leh. U la bat ïa baroh ki jingkular basbun kaba u la pynlong lyngba u Moses u shakri jong u.

1 KHRONIKL 17:11

Ynda me ïap bad tep ïa me bad ki kpa tymmen jong me, ngan pynlong syiem ïa uwei na ki khun jong me bad ngan pynlong ïa ka hima jong u kaba khlaiñ.

1 KHRONIKL 22:18

U ong, “U Trai U Blei jong phi u la don ryngkat bad phi bad u la ai ha phi ïa ka jingsuk ha baroh ki liang. U shah ba ngan jop ïa ki briew baroh kiba ju shong ha kane ka ri, bad mynta ki don hapoh jong phi bad ha U Trai.

2 KHRONIKL 6:15

Me la bat ïa la ka kular kaba me la pynlong ha u Dabid u kpa jong nga; mynta ka sngi la pyndep ïa kawei pa kawei ka ktien.

Ka Kitab U Job 34:29

Lada U Blei u rai ban nym leh ei ei ruh, ym don uno uno uba lah ban wad daw ïa u. Lada u buhrieh ïa ka khmat jong u, ki briew kin long kiba khlem ïoh jingïarap.

SALM 72:1

To hikai ïa u syiem ban bishar da ka hok jong me, A Blei; ïabynta bad u ïa ka jingbishar hok ka jong me,

SALM 72:7

Ai ba ka hok kan roi ha ka rta jong u, bad ai ba ka jingroi kyrhai kan neh katba u bnai u ai jingshai.

ISAÏAH 26:12

Men ai ïa ngi ka jingroi jingpar, A Trai; baroh kata kaba ngi pyndep ha ka jingjop ka long ka jingmih na kaei kaba me leh.

ISAÏAH 45:7

Nga thaw ïa ka jingshai bad ïa ka jingdum; nga wanrah ka jingkyrkhu bad ka jingjot. Ma nga, U Trai, nga leh ïa kine kiei kiei baroh.

ISAÏAH 57:19

Nga ai jingsuk ïa baroh, ïa kiba hajan bad ïa kiba sha jngai! Ngan pynkhiah ïa ki briew jong nga.

ISAÏAH 66:12

U Trai u ong, “Ngan wallam ha phi ïa ka jingdap kyrhai baneh; ka spah jong ki jaitbynriew kan tuid sha phi kum ka wah, ka bym ju rngad. Phin long kum i khunlung iba la sumar da la ka kmie, ba la rah ha ki ksang'ti jong ka, bad sumar da ka jingieit.

HAGGAI 2:9

Ka Templ kaba bathymmai kan kham iphuh ban ïa kaba rim, bad hangta ngan ai ha ki briew jong nga ïa ka jingdap kyrhai bad ka jingsuk.” U Trai Badonbor Baroh u la kren.

NONGBISHAR 6:24

U Gideon u tei hangta ka duwan ïa U Trai bad u khot kyrteng ïa ka, “U Trai u long ka Jingsuk.” (Ka dang ïeng ha Ophrah, kaba dei jong ki kur jong u Abieser.)