1 KHRONIKL 22:7 - Khasi CL Bible (BSI)

⁷ U Dabid u ong ha u, “Ko khun jong nga, nga kwah ban tei ïa ka Templ ban pyndonburom ïa U Trai U Blei jong nga.

KA BAIBL

⁷ Bad u Dabid u la ong ha u Solomon u khun jong u, “Ha nga hi, ka la don ha ka dohnud jong nga ban thaw ka ïing ïa ka kyrteng U Trai U Blei jong nga.

1 KHRONIKL 22:7 ပူးပေါင်းရင်းမြစ်များ

2 SAMUEL 7:1

U Syiem Dabid u la sah ha la ka ïingsyiem, bad U Trai u la sumar ïa u na ki nongshun jong u baroh.

1 SYIEM 8:29

Khmih halor kane ka Templ mynsngi bad mynmiet, kane ka jaka ha kaba me la jied ban mane ïa me. Shahshkor ïa nga haba nga phai ka khmat sha kane ka templ ban duwai.

1 SYIEM 9:3

U Trai u ong ha u, “Nga la shahshkor ïa ka jingduwai bad jingkyrpad rit jong me. Nga la pynkyntang ïa kane ka ïing kaba me la tei kum ka jaka ha kaba yn mane ïa nga junom. Ngan peit ïa ka bad ngan don hangta borabor.

1 KHRONIKL 22:19

Mynta, shakri ïa U Trai U Blei jong phi ïa ka dohnud bad ka mynsiem jong phi baroh. Sdang noh ban tei ïa ka Templ, khnang ba phi lah ban buh ha ka ïa ka Synduk ka Jutang U Trai bad ïa baroh kiwei pat ki tiar bakyntang ba ju pyndonkam ha kaba mane ïa u.”

1 KHRONIKL 29:3

Nalor kane baroh kaba nga la pynbiang, nga la ai ruh ïa ka rupa bad ka ksiar na ka jingdon jingem jong nga namar ka jingieit jong nga ïa ka Templ jong U Blei.

2 KHRONIKL 2:4

Nga tei ka Templ ban ai burom ïa U Trai U Blei jong nga. Kan long ka jaka bakhuid ha kaba ki briew jong nga bad ma nga ngin mane ïa u da kaba thang ki jingiwbih da ki musla iwbih, bad ha kaba ngin ïai ai ki jingainguh ha u da u kpu kyntang, bad ha kaba ngin ai ki jingainguh thang man ka step bad janmiet, kumjuh ruh ha ki sngi Sabbaton, ki Jingrakhe Bnai Thymmai, bad kiwei pat ki sngi khuid ban ai burom ïa U Trai U Blei jong ngi. U la hukum ïa ki Israel ban leh ïa kane junom la junom.

ESRA 6:12

To U Blei uba la jied ïa ka Jerusalem kum ka jaka ba yn mane ïa u, un pynjot noh ïa uno uno u syiem lane ka hima kaba ïaleh pyrshah ïa kane ka hukum bad uba pyrshang ban pynjot ïa ka Templ hangta. Ma nga, u Darius, nga la ai ïa kane ka hukum. Dei ban kohnguh lut ïa ka.”

SALM 132:5

haduh ba ngan da ïoh pynbiang ka jaka ïa U Trai, ka jaka shong ïa U Blei Bakhlaiñbor jong u Jakob.”

DEUTERONOMI 12:11

U Trai un jied tang kawei ka jaka ha kaba yn mane ïa u, bad hangta phi dei ban wanrah sha u ïa kata baroh kaba nga la hukum: ïa ki jingainguh thang bad ki jingkñia jong phi, ïa kawei na ka shiphew bad ki jingainguh jong phi, bad ïa kita ki jingai sngewbha ba phi la kular sha U Trai.

DEUTERONOMI 12:21

Lada kata ka jaka mane Blei ka jngai eh, phi lah, ha kano kano ka por ba phi kwah, ban pynïap ïa kano kano ka masi lane ka blang ba U Trai u la ai ha phi, bad bam ïa ka doh jong ka ha la ïing, kumba nga la hukum ïa phi.

DEUTERONOMI 12:5

Na ka ri ki jait jong phi baroh, U Trai un jied tang kawei ka jaka sha kaba phi dei ban wan mane ïa u.