1 KHRONIKL 22:2 - Khasi CL Bible (BSI)

² U Dabid u ai hukum ïa baroh ki nongwei baroh kiba shong basah ha Ri Israel ban ïalumlang, bad u pyntrei ïa ki. Katto katne na ki, ki shna ïa ki mawkynroh ban tei ïa ka Templ.

KA BAIBL

² Bad u Dabid u la hukum ban ïalum lang ïa ki nongwei kiba la don ha ka ri Israel; bad u la thung ki misteri maw ban shtah ïa ki mawshtah ïa ka ban tei ïa ka ïing U Blei.

1 KHRONIKL 22:2 ပူးပေါင်းရင်းမြစ်များ

2 SAMUEL 5:11

U syiem Hiram jong ka Tyros u phah ka kynhun ki nongkhaïi sha u Dabid; u pynbiang ïa u ki dieng sawdong Kedar bad ki misteri dieng bad ki misteri maw ban tei ïing ïa ka ïingsyiem.

1 SYIEM 6:7

Ïa ki maw da kiba la tei ïa ka Templ la shtah lypa ha par maw; kumta ym shym la ïohsngew ïa ka jingriew tyrnem, lane sdie, lane uno uno u tiar nar, ha ka Templ katba dang tei ïa ka.

2 SYIEM 12:12

ki nongtrei maw, bad ki nongshniah maw, ki thied ïa ki dieng sawdong bad ïa ki maw kiba pyndonkam ha ka jingshna pynbha, bad siew ïa ki jingpynlut ba dei baroh.

2 SYIEM 22:6

Ki dei ban siew ïa ki misteri, ki nongtei, bad ki misteri maw, bad thied ïa ki dieng bad ki maw kiba pyndonkam ha kaba shna pynbha.

1 KHRONIKL 14:1

U Hiram u syiem ka Tyros u phah ïa ka kynhun shalan mar sha u Dabid; u pynbiang ïa u ki dieng Kedar tylli bad ki misteri maw bad ki misteri dieng ban tei ïa ka ïingsyiem.

1 KHRONIKL 29:1

U Syiem Dabid u pynbna ha baroh kiba ïalumlang, “U Solomon u khun jong nga u dei ma u uba U Blei u la jied, hynrei u dang samla bad dang duna ka jingtbit. Ka kam ban leh ka long kaba khraw, namar kane kam dei ka ïingsyiem na ka bynta ki briew hynrei ka Templ na ka bynta U Trai U Blei.

2 KHRONIKL 2:16

Ha ki lum Lebanon ngin khet ïa ki dieng Kedar baroh katba phi donkam, ngin teh ïa ki ha ki bur, bad pynkie ïa ki ha ka duriaw shaduh Joppa. Na kata ka jaka phi lah ban kit ïa ki sha Jerusalem.”

2 KHRONIKL 2:17

U syiem Solomon u shim jingkheiñ ïa ki nongwei baroh kiba shong ha ka ri Israel, syriem kum ka jingkheiñbriew kaba la shim da u Dabid u kpa jong u. La don shi lakh sanphew lai hajar hynriewspah ngut ki nongwei kiba shong basah.

ESRA 3:7

Ki briew ki ai pisa ban siew ïa ki misteri maw bad ki misteri dieng bad ïa ka jingbam jingdih bad ka umphniang Olib ban phah sha ki nongbah jong ka Tyros bad Sidon kum ka jingïabujli na ka bynta ki dieng Kedar na Lebanon, ban wallam lyngba ka duriaw sha Joppa. Ïa kane baroh la leh da ka jingai jingbit u Syros, u patsha ka Persia.

EPHESOS 2:12

Ha kata ka por phi la long khlem U Khrist. Phi la long ki nongwei bad phim shym la dei ki briew ba la jied jong U Blei. Phim shym la don bynta ha ki jutang, kiba la pynshong nongrim ha ki jingkular jong U Blei sha ki briew jong u, bad phi la im ha kane ka pyrthei khlem jingkyrmen bad khlem U Blei.