1 KHRONIKL 22:18 - Khasi CL Bible (BSI)

¹⁸ U ong, “U Trai U Blei jong phi u la don ryngkat bad phi bad u la ai ha phi ïa ka jingsuk ha baroh ki liang. U shah ba ngan jop ïa ki briew baroh kiba ju shong ha kane ka ri, bad mynta ki don hapoh jong phi bad ha U Trai.

KA BAIBL

¹⁸ “Hato U Trai U Blei jong phi um don ryngkat bad phi? Bad um shym la ai ka jingshongthait ïa phi baroh sawdong? Namar u la aiti ïa ki briew jong ka ri ha nga; bad ïa kata ka ri la jop ha khmat U Trai, bad ha khmat ki briew jong u.

1 KHRONIKL 22:18 ပူးပေါင်းရင်းမြစ်များ

1 KHRONIKL 23:25

U Dabid u ong, “U Trai U Blei ki Israel u la ai ka jingsuk ha la ki briew, bad u hi un shong junom ha Jerusalem.

1 KHRONIKL 22:9

La katta ruh, u la pynlong ka jingkular bad nga. U ong, ‘Phin sa don u khun jong u ban synshar ha ka jingsuk, namar ba ngan ai ha u ka jingsuk na ki nongshun jong u baroh. Ka kyrteng jong u kan long u Solomon, namar ha ka jingsynshar jong u ngan ai ha ki Israel ka jingsuk bad ka jingshongshngain.

2 SAMUEL 7:1

U Syiem Dabid u la sah ha la ka ïingsyiem, bad U Trai u la sumar ïa u na ki nongshun jong u baroh.

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

KI KAM 9:31

Bad kumta ka la long ba ka balang ha kylleng ka Judia, Galilaïa bad Samaria ka la ïoh shongsuk. Da ka jingïarap jong U Mynsiem Bakhuid la pynshaitbor ïa ka bad ka la nang san ha ka jingbun briew, haba ka ïaid ha ka jingsheptieng ïa U Trai.

1 SAMUEL 25:28

Sngewbha map ïa nga, ko kynrad, na ka bynta kano kano ka jingbakla kaba nga la leh. U Trai un pynlong ïa phi u syiem, bad ïa ki khun ki ksiew jong phi ruh, naba phi ïaleh ïa ki thma jong u; bad phin ym leh kano kano kaba sniew katba phi dang im.

JOSHUA 23:1

Kham slem hadien kane, U Trai u la ai ha ki Israel ka jingïada na ki nongshun sawdong jong ki. Ha kata ka por u Joshua u la tymmen bha,

JOSHUA 22:4

Mynta, kumba u la kular, U Trai U Blei jong phi u la ai ka jingsuk ha kiwei pat ki para Israel. Kumta, khie leit phai noh sha ïing sha la ka ri kaba phi la kam kynti na ka bynta ïa lade, ka ri ha ka phang mihngi jong ka Jordan, kaba u Moses u shakri jong U Trai u la ai ha phi.

DEUTERONOMI 20:4

U Trai U Blei jong phi un leit ryngkat bad phi bad un ai ha phi ïa ka jingjop.’

JOSHUA 10:42

U Joshua u la jop ïa kine ki syiem baroh bad ïa ka ri jong ki tang shisien ïaleh namar U Trai, U Blei ki Israel, u ïaleh na ka bynta ki Israel.