1 KHRONIKL 22:16 - Khasi CL Bible (BSI)

¹⁶ Mynta sdang noh ïa ka kam, bad to U Trai un long ryngkat bad me.”

KA BAIBL

¹⁶ shaphang ka ksiar, ka rupa, bad ka rnong, bad ka nar ruh, ym don jingkheiñ; to ïeng bad to trei, bad U Trai un long ryngkat bad me.”

1 KHRONIKL 22:16 ပူးပေါင်းရင်းမြစ်များ

1 SYIEM 2:2

“Ka por jong nga ban ïap ka la wan. To long uba sngewskhem bha bad uba kut jingmut skhem, bad leh ïa kaei ba U Trai U Blei jong me u hukum ïa me ban leh.

1 SYIEM 7:47

U Solomon um shym thew ïa kine ki tiar rnong, namar ba ki la bun than; kumta ym shym la tip katno ki khia.

1 KHRONIKL 22:11

U Dabid u bteng, “Mynta, ko khun jong nga, ai ba U Trai U Blei jong me un long ryngkat bad me, bad ai ba un bat ïa ka kular jong u ban pynlah ïa me ban pyndep ha kaba tei ïa ka Templ na ka bynta jong u.

1 KHRONIKL 22:14

Na ka bynta ka Templ, da ki jingpyrshang jong nga, nga la lum palat ïa lai hajar sawspah ton ka ksiar bad palat ïa laiphew saw hajar ton ka rupa ban pyndonkam ha kaba tei ïa ka. Nalor kata, la don bun bah ka rnong bad ka nar. Nga la pynkhreh ruh ïa ka dieng bad u maw, hynrei me dei ban pynïoh shuh shuh.

1 KHRONIKL 22:15

Me don bun ki nongtrei. Ki don ki rangbah ki ban trei ha ki par maw, bad ki don ki misteri maw bad misteri dieng, bad shibun ki nongtrei kti ha ki jait kam baroh ba ki lah ban trei ha ka ksiar, ka rupa, ka rnong bad ka nar.

1 KHRONIKL 22:3

U pynbiang shibun ka nar ban shna preg bad ki nar ban pyndait ïa ki khyrdop dieng, bad shibun ka rnong haduh ba ym don ba lah ban thew ïa ka.

1 KHRONIKL 28:10

Me dei ban sngewthuh ba U Trai u la jied ïa me ban tei ïa ka Templ bakhuid jong u. Mynta leh ïa kata — bad leh ïa kata da ka jingkut jingmut baskhem.”

1 KHRONIKL 29:2

Nga la leh katba nga lah ban pynbiang ki tiar ki tar na ka bynta ka Templ — Ka ksiar, ka rupa, ka rnong, ka nar, ki dieng, ki mawkordor, bad ki mawlynnai, ki maw na ka bynta ki jingthaw dur, bad shibun u maw marbl.

2 KHRONIKL 1:1

U Solomon u khun jong u syiem Dabid u la pynskhem ïa ka jingsynshar ïa ka hima Israel, bad U Trai U Blei jong u, u la kyrkhu ïa u bad pynlong ïa u uba khlaiñbor shikatdei eh.

2 KHRONIKL 20:17

Phin ym hap ban ïaleh ïa kane ka thma. Shu don ha la ki jaka bad ap; phin ïohi U Trai u ai jingjop ïa phi. Ko ki briew jong ka Judah bad Jerusalem, wat sangeh ne sheptieng. Leit sha ka thma, bad U Trai un long ryngkat bad phi!”

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

EPHESOS 5:14

Kata ka long balei ba la ong, “To khie joit, me uba ïohthiah, bad to mih na kiba ïap, bad U Khrist un tyngshaiñ halor jong me.”

PHILIPPI 4:13

Nga don ka bor ban mad ïa baroh ki jinglong da ka bor kaba U Khrist u ai ïa nga.

JOSHUA 1:2

U ong, “U shakri jong nga, u Moses u la ïap. Khreh mynta, ma me bad ki paid Israel baroh, bad jam ïa ka wah Jordan sha ka ri kaba nga ai ha ki.

JOSHUA 1:5

Joshua, yn ym don mano mano uba lah ban jop ïa me katba me dang im. Ngan don ryngkat lem bad me kumba nga la don bad u Moses. Ngan ïailong lem bad me borabor; ngan ym iehnoh ïa me.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

JOSHUA 7:10

U Trai u ong ha u Joshua, “Ïeng joit! Balei me dem sah kumne ha khyndew?

NONGBISHAR 4:14

Nangta ka Deborah ka ong ïa u Barak, “Khie leit! U Trai u ïalam ïa me! Ha kane ka sngi u la ai ha me ka jingjop halor u Sisera.” Kumta u Barak u la leit arsut na u Lum Tabor lem bad ki shiphew hajar ngut ki rangbah jong u.

1 SAMUEL 17:37

U Trai uba la pyllait im ïa nga na ki sing bad na ki dngiem; un pyllait im ïa nga na une u Philistia.” “To kata,” u Saul u jubab. “Khie leit, bad U Trai un long ryngkat bad me.”

1 SAMUEL 20:13

Lada i thmu ban pynsniew ïa phi, to U Trai un shoh ïap ïa nga lada ngam pyntip ïa phi ïa kata bad ba phin ïohlait na ka jingma. To U Trai un long lem bad phi kumba u la long bad i pa jong nga!