1 KHRONIKL 20:1 - Khasi CL Bible (BSI)

¹ Ha ka pyrem kaba bud, ha ka por jong ka snem kaba ki syiem ki ju leit ïaleh thma, u Joab u ïalam ïa ka kynhun shipai bad hiarthma ïa ka ri jong ki Ammon; u syiem Dabid, pat u sah ha Jerusalem. Ki kerkut ïa ka nongbah Rabbah, ki tur ïaleh, bad pynjot ïa ka.

KA BAIBL

¹ Te ha kawei pat ka snem, ha ka aïom ba ki syiem ki ju leit mih ban ïaleh thma, u Joab u la ïalam ïa u paidïapom bakynsai baroh, bad u la pynjot ïa ka ri ki khun u Ammon, bad u la wan ker kut ïa ka Rabbah. Hynrei, u Dabid u la sah ha Jerusalem. Bad u Joab u la shoh tangon ïa ka Rabbah, bad u la pynkyllon ïa ka.

1 KHRONIKL 20:1 ပူးပေါင်းရင်းမြစ်များ

2 SAMUEL 11:1

Ha ka pyrem kaba bud, ha ka por jong ka snem haba ki syiem ki ju leit sha ka thma, u Dabid u la phah ïa u Joab lem bad ki rangbah pynïaidkam jong u bad ka kynhun shipai Israel; ki la jop ïa ki Ammon bad ki la kerkut ïa ka nongbah Rabbah. Hynrei u Dabid hi u la sah ha Jerusalem.

2 SAMUEL 17:27

Haba u Dabid u la wan poi ha Mahanaim, u Shobi, u khun jong u Nahash, na ka shnong Rabbah kaba ha Ammon, u Makhir, u khun jong u Ammiel, na Lodebar, bad u Barsillai, na Rogelim kaba ha Gilead, ki la wan ïakynduh ïa u.

1 SYIEM 20:22

Nangta uta u nongïathuhlypa u la leit sha u syiem Ahab, bad u ong, “Khie leit noh bad pynkhlaiñ ïa ka kynhun shipai jong me, bad da pynbha ïa ka rukom ïaleh namar u syiem Syria un wan tur ïaleh biang ha ka por pyrem ka ban wan.”

1 SYIEM 20:26

Ha ka pyrem kaba bud u la khot ïa ki rangbah bad u leit bad ki sha ka nongbah Aphek ban tur ïaleh ïa ki Israel.

2 SYIEM 13:20

U Elisha u la ïap bad la tep ïa u. Man la ka snem ki kynhun jong ki Moab ki ju wan tur thma ïa ka ri Israel.

1 KHRONIKL 19:19

Haba ki syiem kiba hap hapoh u Hadadeser ki sngewthuh ba ki la shahjop ha ki Israel, ki pynlong ka jingïasuk bad u Dabid bad ki kylla long ki raïot jong u. Ki Syria kim ju mon shuh ban ïarap ïa ki Ammon.

ISAÏAH 54:16

“Nga la thaw ïa u nongshoh-nar, uba pyrsad ïa ka ding bad shna ïa ki tiar thma. Nga la thaw ruh ïa u shipai, uba pyndonkam ïa ki tiar ïapom ban pynïap.

ISAÏAH 6:11

Nga la kylli, “Sa katno kan long kumne, ko Trai?” U la jubab, “Tad haduh ba ki nongbah kin jot kin pra bad long thylli — tad haduh ba ki ïing kin long ïingjah — tad haduh ba ka ri hi kan long ka jaka thylli kaba kynjah.

ESEKIEL 21:20

Kawei ka dak kan pyn-i ïa u syiem ïa ka lynti sha Rabbah ka nongbah ki Ammon, bad kawei pat ka lynti sha Judah, sha Jerusalem ka nongbah ba la ker kynroh.

ESEKIEL 25:5

Ngan pynkylla ïa ka nongbah Rabbah sha ka jaka ba ri ïa ki ut, bad ïa ka ri ki Ammon baroh kawei sha ka jaka ban ri ïa ki langbrot, khnang ba phin tip ba nga long U Trai.

AMOS 1:14

Kumta ngan phah ka ding ha ki kynroh ka nongbah Rabbah, bad kan thang duh ïa ki kut jong ka. Te kan don ki jingkhynwin ha ka sngi ïaleh thma, bad ka jingïaleh kaba jur kum ka 'erlangthari.

DEUTERONOMI 3:11

(U Og u long u syiem uba khatduh na ki Rephaim. Ka jingthiah jong u, kaba la shna da u nar, ka long saw mitar ka lynter bad ar mitar ka pyngkiang, kat kum ka jingthew ba dei rukom. Dang lah ban ïohi ïa ka ha ka nongbah Rabbah jong ki Ammon.)