1 KHRONIKL 18:8 - Khasi CL Bible (BSI)

⁸ U kurup ruh bun bah ka rnong na Tibhath bad Kun, ki nongbah ba synshar u Hadadeser. (U Solomon hadien u pyndonkam ïa kane ka rnong ha kaba thaw ïa ka pung-um, ki rishot, bad ki khiew rong na ka bynta ka Templ.)

KA BAIBL

⁸ Bad na Tibhath bad na Kun, ki nongbah u Hadareser, u Dabid u la shim shibun eh ka rnong, da kata, u Solomon u la shna ïa ka duriaw rnong, bad ïa ki rishot, bad ïa ki pliang rnong.

1 KHRONIKL 18:8 ပူးပေါင်းရင်းမြစ်များ

2 SAMUEL 8:8

U la shim ruh shibun ka rnong na Betah bad na Berothai, ki nongbah kiba la synshar da u Hadadeser.

1 KHRONIKL 18:7

U Dabid u kurup ïa ki ryntieh ksiar ba la rah da ki rangbah synshar jong u Hadadeser bad u rah ïa ki sha Jerusalem.

1 KHRONIKL 18:9

U Toi u syiem ka Hamath u ïohsngew ba u Dabid u la jop ïa ka kynhun shipai baroh kawei jong u Hadadeser.

1 KHRONIKL 22:14

Na ka bynta ka Templ, da ki jingpyrshang jong nga, nga la lum palat ïa lai hajar sawspah ton ka ksiar bad palat ïa laiphew saw hajar ton ka rupa ban pyndonkam ha kaba tei ïa ka. Nalor kata, la don bun bah ka rnong bad ka nar. Nga la pynkhreh ruh ïa ka dieng bad u maw, hynrei me dei ban pynïoh shuh shuh.

2 KHRONIKL 3:15

U syiem u la shna ar tylli ki rishot, uwei uwei u jrong khatsan mitar shiteng, bad u buh ïa ki ha khmat jong ka Templ. Uwei uwei u don ka khlieh kaba jrong 2.2 mitar.

2 KHRONIKL 4:11

U Huram u la thaw ruh ki khiew, ki siang, bad ki pliang. U la pyndep ban thaw ïa ki tiar baroh kiba u la kular ïa u syiem Solomon ba un shna na ka bynta ka Templ: Ar tylli ki rishot Ar tylli ki khlieh kiba kum ka dur pliang halor jong ki rishot Ka dur ki kynjri ba la thain ha kawei kawei ka khlieh rishot Sawspah tylli ki dur soh Pomkranet rnong ïa kiba la pynbeit ha ki ar laiñ sawdong ïa ka dur jong kawei kawei ka khlieh rishot Shiphew tylli ki kali tan Shiphew tylli ki dabor Ka pipa Khat-ar tylli ki masi dab kiba kyrshan ïa ka pipa Ki khiew, ki siang, bad ki proh U Huram u nongtrei batbit tam u la thaw ïa kine ki tiar baroh na ka rnong ba la pynphyrnai, kumba u syiem Solomon u la hukum, ïa ka ban pyndonkam ha ka Templ jong U Trai.