1 KHRONIKL 18:3 - Khasi CL Bible (BSI)

³ Nangta u Dabid u tur ïaleh ïa u syiem Hadadeser jong ka jylla Sobah jong ka Syria, kaba hajan ka ri Hamath, namar u Hadadeser u la pyrshang ban jop ïa ka ri kaba shaphang shaneng ka Ïuphratis.

KA BAIBL

³ Bad u Dabid u la shoh ïa u Hadareser u syiem ka Sobah haduh Hamath, katba u la leit ban pynskhem ïa la ka hima harud ka wah Ïuphratis.

1 KHRONIKL 18:3 ပူးပေါင်းရင်းမြစ်များ

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

2 SAMUEL 10:6

Ki Ammon ki la sngewthuh ba ki la pynlong nongshun ïa u Dabid, kumta ki la phah wai arphew hajar ngut ki shipai Syria na Bethrehob bad na Sobah, khat-ar hajar ngut ki rangbah na Tob, bad ïa u syiem Maakah lem bad shihajar ngut ki rangbah.

2 SAMUEL 8:3

Nangta u la jop ïa u khun jong u Rehob, u Hadadeser, u syiem ka hima Sobah jong ka Syria, katba u Hadadeser u dang don ha lynti ban pynïoh pat ïa la ka bor synshar halor ka ri harud ka wah Ïuphratis kaba shaneng.

1 KHRONIKL 18:2

U jop ruh ïa ki Moab kiba kylla long ki raïot jong u bad siew khajna sha u.

1 KHRONIKL 18:4

U Dabid u ïohknieh shihajar tylli ki kali ïapom jong u, hynñiew hajar ngut ki nongshong kulai, bad arphew hajar ngut ki shipai ïaid kjat. U buh ki kulai kat ban biang na ka bynta shispah tylli ki kali ïapom bad u pyndkoh noh ïa kiwei pat.

2 KHRONIKL 8:3

U la ïohknieh ïa ka jaka Hamath bad Sobah bad u kerkut ïa ka nongbah Palmyra ha ka ri shyiap.

ESRA 4:20

Ki syiem bakhlaiñbor ki la synshar hangto bad ki la synshar ïa ka probins jong ka Ïuphratis Sepngi baroh kawei, ki da lum khajna bad ki jingmih.

SALM 60:1

Me la kyntait ïa ngi, A Blei, bad me la jop ïa ngi; me la bitar ïa ngi — hynrei mynta to phai pat sha ngi.

SALM 60:2

Me la pynlong ïa ka ri ban kyiuh, bad me la ot rynghang ïa ka; mynta to pynkhiah ïa ki jingmong jong ka, namar ka la sdang ban twa.

EKSODOS 23:31

Ngan pynïar ïa ki pud jong ka ri jong phi naduh ka khmut duriaw Akaba haduh ka duriaw Mediterranian bad naduh ka ri shyiap haduh ka wah Ïuphratis. Ngan ai ha phi ka bor halor ki nongshong shnong jong kata ka ri, bad phin beh noh ïa ki katba phi nang tur sha khmat.

1 SAMUEL 14:47

Hadien ba u Saul u la long u syiem ki Israel, u la ïaleh ïa baroh ki nongshun jong u kylleng: ki paid Moab, Ammon, Edom, ki syiem ka Sobah, bad ki Philistia. Man kaba u ïaleh u jop.