1 KHRONIKL 17:9 - Khasi CL Bible (BSI)

^9-10 Nga la jied ka jaka na ka bynta ki briew jong nga ki Israel bad nga la pynshong pynsah ïa ki hangta, ha kaba kin shongduh shah banbeiñ shuh. Naduh ba ki la rung ha kane ka ri, ki la shah tur ïaleh pyrshah ha ki briew kiba runar, hynrei kane kan ym jia shuh. Nga kular ban jop ïa baroh ki nongshun jong me bad ban ai ha me ki nonghiarpateng.

KA BAIBL

⁹ Bad ngan buh ka jaka ïa ki briew jong nga ki Israel, bad ngan thung ïa ki, ba kin ïoh shong ha la ka jong ka jaka, bad ba yn ym pynkhih shuh ïa ki; ki khun ka pop ruh kin ym pynjot shuh ïa ki, kum ha kaba nyngkong,

1 KHRONIKL 17:9 ပူးပေါင်းရင်းမြစ်များ

1 KHRONIKL 17:8

Nga la long ryngkat bad me shano shano ba me leit, bad nga la jop ïa baroh ki nongshun jong me katba me ïaid shaphrang. Ngan pynlong ïa me uba pawnam kum ki nongïalam bakhraw tam ka pyrthei.

SALM 44:2

Kumno ba ma me hi me la beh noh ïa kiba mane blei thala bad pynshong neh ïa ki briew jong me ha ka ri jong ki; kumno me la pynshitom ïa kiwei pat ki jaitbynriew bad pynlong ïa la ki jong ban roi kyrhai.

SALM 89:22

Ki nongshun kin ym jop pyrshah ïa u, ki bymman kin ym lah ban jop ïa u.

SALM 92:13

Ki long kum ki dieng ba la thung ha ka ïing jong U Trai, kiba roi ha ka Templ jong U Blei jong ngi,

EKSODOS 2:23

Bun snem hadien kane, u syiem Ijipt u ïap noh, hynrei ki Israel ki dang ïai ud namar kata ka jinglongmraw jong ki bad ki pyrta ban ïoh jingïarap.

ISAÏAH 49:17

“Kito ki ban tei pat ïa pha kin sa wan shen, bad kito kiba pynjot ïa pha kin leit noh.

ISAÏAH 60:18

Ïa ki jingleh thombor yn ym ïohsngew shuh, ka jingjot kan ym don shuh hapoh ki pud jong pha; ngan ïada bad kyrshan ïa pha kum ka kynroh: Phan ïaroh ïa nga namar nga la pyllait ïa pha.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

JEREMAÏAH 24:6

Ngan khmih halor jong ki bad ngan wallam biang ïa ki sha kane ka ri. Ngan tei bha ïa ki bad ngan ym tar lyngkhot ïa ki; ngan thung ïa ki bad ngan ym rat ïa ki.

JEREMAÏAH 32:41

Ngan sngewbha ha kaba leh kiei kiei kiba bha na ka bynta jong ki, bad ngan buh pynskhem junom ïa ki ha kane ka ri.

ESEKIEL 28:4

Ka jingstad bad ka jingtbit jong me ka la pynriewspah ïa me da ki jingkynshew ksiar bad rupa.

ESEKIEL 34:13

Ngan wallam noh ïa ki na ki ri nongwei, ngan lumlang ïa ki, bad ngan wallam biang ïa ki sha ka ri jong ki hi, ngan ïalam biang ïa ki sha ki lumbah bad ki wahduid ka Israel bad ngan bsa ïa ki ha ki jaka bam phlang kiba sngewtynnat.

ESEKIEL 37:25

Kin shong ha ka ri ba nga la ai ha u shakri jong nga u Jakob, ka ri ha kaba ki kpa tymmen jong ki, ki shong ki sah. Kin shong junom hangta, bad kumta ruh ki khun jong ki bad baroh kiba hiarpateng na ki. U syiem uba kum u shakri jong nga, u Dabid un synshar halor jong ki junom.

AMOS 9:15

Ngan thung ïa ki briew jong nga ha ka ri ba nga la ai ïa ki, bad yn ym jynrat shuh ïa ki,” U Trai U Blei jong phi u la kren.

EPHESOS 5:6

Wat shah ïano ïano ban shukor ïa phi da ki ktien bieit, namar dei na kine kiei kiei ba ka jingbitar U Blei kan wan ha kito ki bymkohnguh ïa u.

JINGPYNPAW 21:4

Un ñiad noh ïa ki ummat baroh na ki khmat jong ki. Yn ym don shuh ka jingïap, ym don shuh ka jingsngewsih lane ka jingïam lane ka jingpang. Kiei kiei kiba rim ki la jah noh.”