1 KHRONIKL 17:6 - Khasi CL Bible (BSI)

⁶ Ha ki jingïaid lynti jong nga bad ki paid Israel, ngam ju kylli ïano ïano na ki nongïalam kiba nga la thung balei kim shym la thaw ïa nga ka templ ba la shna da ki dieng Kedar.’

KA BAIBL

⁶ Ha ki jaka baroh ha kiba nga la ïaid lem bad ki Israel baroh, hato nga la kren shikyntien bad uno uno na ki nongbishar jong ki Israel, ïa kiba nga la hukum ban bsa ïa ki briew jong nga, ba nga ong, “Balei phim shym la tei ka ïing Kedar ïa nga?” ’

1 KHRONIKL 17:6 ပူးပေါင်းရင်းမြစ်များ

2 SAMUEL 7:7

Ha ka jingleit jong nga baroh bad ki paid Israel ngam pat ju ong ha uno uno na ki nongïalam ba nga la thung, balei ba kim shym la tei ïa nga ka templ kaba thaw da ki dieng Kedar.’

1 SYIEM 8:16

‘Naduh ka por ba nga la wan ïalam ïa ki briew jong nga na Ijipt, ngam shym la jied kano kano ka nongbah na baroh ka ri Israel ban tei hangta ïa ka Templ ha kaba yn mane ïa nga. Hynrei nga la jied ïa me, u Dabid, ban synshar ïa ki briew jong nga.’ ”

1 KHRONIKL 11:2

Mynshuwa, wat mynba u Saul u dang long u syiem, dei ma phi uba la ïalam ïa ki paid Israel sha ka thma, bad U Trai U Blei jong phi u la kular ïa phi ba phin ïalam ïa ki briew jong u bad ban long u nongsynshar jong ki.”

1 KHRONIKL 17:7

“Kumta ong ha u shakri jong nga u Dabid ba nga, U Trai Badonbor Baroh, nga ong ha u, ‘nga la shim ïa me na kaba sumar ïa ki langbrot ha ki jaka phlang bad pynlong ïa me u nongsynshar jong ki briew jong nga ki Israel.

JEREMAÏAH 23:4

Ngan thung ïa ki nongsynshar ki ban sumar ïa ki. Ki briew jong nga kin ym sheptieng ne sngewshyrkhei, bad ngan ym pynshitom shuh ïa ki. Ma nga, U Trai, nga la kren.”

ESEKIEL 34:2

“Ko khun u briew,” u la ong, “to kren pyrshah ïa ki nongsynshar ka Israel. Ïathuhlypa ha ki, bad ïathuh ha ki ïa kaei kaba ma nga, U Trai Nongsynshar nga ong ha ki: Phi long ki bym don jingkyrmen shuh, a phi ki nongsharai ka Israel! Phi sumar bha tang ïa lade, hynrei phim ju bsa bha ïa ki langbrot.

MIKAH 5:4

Haba u wan, un sa synshar ïa la ki briew da ka jingkhlaiñ kaba wan na U Trai bad da ka burom jong U Trai U Blei hi. Ki briew jong u kin shong ha ka jingshngain namar ki briew na kylleng ka pyrthei kin ithuh ïa ka jingkhraw jong u, bad un wanrah ïa ka jingsuk.

MATHAÏOS 2:6

“ ‘Ko Bethlehem ha ka ri Judah, pham long kaba rit tam hapdeng ki nongbah kiba paw jong ka Judah; namar na pha un mih u nongïalam u ban kdew lynti ïa ki briew jong nga ki Israel.’ ”

KI KAM 13:20

Kane baroh ka la shim por kumba sawspah sanphew snem. “Hadien kane u la ai ha ki ïa ki nongbishar haduh ka por jong u Samuel u nongïathuhlypa.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

DEUTERONOMI 23:14

Sumar khuid ïa ka jaka shong dara jong phi, namar U Trai U Blei jong phi u don ryngkat bad phi hangta ban ïada ïa phi bad ai ha phi ka jingjop ïa ki nongshun jong phi. Wat leh ïa kano kano kaba khlem akor kaba lah ban pynlong ïa U Trai ban phai noh na phi.

JINGPYNPAW 2:1

“Thoh sha u angel jong ka Balang ha Ephesos: “Kane ka long ka khubor na uta uba bat ïa ki hynñiew tylli ki khlur ha ka kti kamon jong u bad uba ïaid hapdeng ki hynñiew tylli ki diengpynïeng sharak ksiar.

1 SAMUEL 12:11

Bad U Trai u phah ïa u Gideon, u Barak, u Jephthah, bad khatduh ïa nga. Uwei pa uwei na ngi, ngi la pyllait im ïa phi na ki nongshun jong phi, bad phi la ïoh shongsuk shongshngain.