1 KHRONIKL 16:4 - Khasi CL Bible (BSI)

⁴ U Dabid u thung katto katne ki Lebi ban ïalam ïa ka jingmane ïa U Trai, U Blei ki Israel, ha khmat ka Synduk ka Jutang, da ki jingrwai bad ki jingïaroh ïa u.

KA BAIBL

⁴ Bad u la thung ïa kiba na ki Lebi ban shakri ha khmat ka synduk ka jutang U Trai, bad ban pyndonburom bad ban ainguh bad ïaroh ïa U Trai, U Blei ki Israel.

1 KHRONIKL 16:4 ပူးပေါင်းရင်းမြစ်များ

JENESIS 17:7

“Ngan bat ïa la ka kular bad me bad ki khun ki ksiew jong me ha ki pateng ki ban dang wan ba kan long ka jutang kaba ïaineh junom. Ngan long U Blei jong me bad U Blei jong ki khun ki ksiew jong me.

JENESIS 32:28

Uta u briew u ong, “Ka kyrteng jong me kam long shuh u Jakob. Me la ïaleh bad U Blei bad ki briew, bad me la jop ruh; kumta ka kyrteng jong me kan long noh u Israel.”

JENESIS 33:20

U pynïeng ïa ka duwan hangta, bad u la khot kyrteng ïa ka da ka kyrteng El, U Blei jong ki Israel.

1 SYIEM 8:15

U ong, “Ïaroh ïa U Trai U Blei ki Israel! uba la bat ïa la ka kular ba u la pynlong bad u Dabid u kpa jong nga, mynba u ong,

1 KHRONIKL 15:16

U Dabid u hukum ïa ki nongïalam jong ki Lebi ban pynkhamti ha ki kynhun Lebi bapher bapher ban rwai bad ban tem ki jingtem jong ka jingkmen ha ki duitara bad ki shakuriaw.

1 KHRONIKL 16:3

U ai ha uwei pa uwei u shynrang bad ha kawei pa kawei ka kynthei ha Israel ïa u kpu bad ka dohthang bad katto katne ki soh Khajur.

1 KHRONIKL 16:5

Ïa u Asaph la thung nongïalam bad ïa u Sekharaïah kum u nongïarap. La thung ïa u Jeiel, u Shemiramoth, u Jehiel, u Mattithaïah, u Eliab, u Benaïah, u Obed Edom bad u Jeiel ban tem ki duitara. U Asaph un pynsawa ki shakuriaw,

1 KHRONIKL 16:8

Ai ki jingnguh sha U Trai, pynbna ïa ka jingkhraw jong u; Ïathuh ha ki jaitbynriew ïa kaei kaba u la leh.

1 KHRONIKL 24:3

U Syiem Dabid u pynbeit ïa ki khun ki ksiew jong u Aaron ha ki kynhun kat kum ki kamram jong ki. La ïarap ïa u ha kane da u Sadok, uba hiarpateng na u Eleasar, bad da u Ahimelekh uba hiarpateng na u Ithamar.

1 KHRONIKL 25:1

U syiem Dabid bad ki nongïalam jong ki Lebi ki la jied ïa kine ki kur jong ki Lebi ban ïalam ïa ka jingmane: u Asaph, u Heman, bad u Jeduthun. Ki dei ban pynbna ïa ki khubor jong U Blei, ïa kiba la synran da ki sur ki duitara bad ki shakuriaw. Kane ka dei ka thup kyrteng jong ki briew kiba la jied ban ïalam ïa ka jingmane, lem bad ka jait jingshakri kaba kawei pa kawei ka kynhun kan pyndep:

1 KHRONIKL 6:31

Kine ki dei ki rangbah ïa kiba u syiem Dabid u la buh ban khmih ïa ka put ka tem ha ka jaka mane ha Jerusalem hadien ba pynkynriah shata ïa Ka synduk ka Jutang.

ESRA 3:10

Haba ki rangbah ki la sdang ban tei ïa ka nongrim jong ka Templ, ki lyngdoh ha ki jingriam jong ki, ki ïeng ha la ki jaka bad ki turoi ha ki kti jong ki, bad ki Lebi jong ka kur Asaph ki ïeng hangta ryngkat bad ki shakuriaw. Ki ïaroh ïa U Trai kat kum ki jingbthah ba la ai pateng naduh ka por u syiem Dabid.

NEHEMAÏAH 12:24

Hapoh ka jingpynïaid u Hashabaïah, u Sherebaïah, u Jeshua, u Binnui bad u Kadmiel, ïa ki Lebi la buh ha ki kynhun kynhun. Ar kynhun ki rwai ïaroh ïa U Blei da kaba ïarwai-jubab kylliang ha kajuh ka por bad rwai ki jingainguh sha U, kat kum ki jingbthah ba la ai da u syiem Dabid, u briew jong U Blei.

SALM 103:2

Ïaroh ïa U Trai, ko mynsiem jong nga, bad wat klet haduh katno u long uba sbun.

SALM 105:5

Ma phi ki khun ki ksiew jong u Abraham, u shakri jong u; ma phi ki khun ki ksiew u Jakob, u briew uba u la jied: Kynmaw ïa ki kambah ba U Blei u la leh bad ki jingbishar kiba u la ai.

SALM 106:48

Ïaroh ïa U Trai, U Blei jong ki Israel; ïaroh ïa u mynta bad junom! Ai ba baroh kin ong, “Amen!” Ïaroh ïa U Trai!

SALM 37:1

Wat pynkhuslai namar ki bymman, wat bishni ïa ki nongleh bymhok.

SALM 70:1

To pynim ïa nga, A Blei! A Trai, to ïarap ïa nga mynta!

SALM 72:18

To ïaroh ïa U Trai, U Blei ki Israel! Tang ma u hi uba leh ïa kine kiei kiei kiba phylla.