1 KHRONIKL 16:3 - Khasi CL Bible (BSI)

³ U ai ha uwei pa uwei u shynrang bad ha kawei pa kawei ka kynthei ha Israel ïa u kpu bad ka dohthang bad katto katne ki soh Khajur.

KA BAIBL

³ Bad u la ai ha uwei pa kawei na ki Israel, shynrang bad kynthei, ha uwei pa kawei uwei u kpu, bad shi bynta ka doh, bad uwei u 'pu soh Khajur.

1 KHRONIKL 16:3 ပူးပေါင်းရင်းမြစ်များ

1 SYIEM 3:15

U Solomon u la kyndit thiah bad u sngewthuh ba dei U Blei uba la kren ïa u ha ka jingphohsniew. Nangta u la leit sha Jerusalem bad u la ïeng ha khmat ka Synduk ka Jutang ka jong U Trai bad u la ai ki jingainguh thang bad ki jingainguh jingïasyllok ha U Trai. Hadien kata u la ai ka jingkhawai ïa baroh ki rangbah synshar jong u.

1 KHRONIKL 16:2

Hadien ba u Dabid u la pyndep ban ai ïa ki jingkñia, u kyrkhu ïa ki paidbah ha ka kyrteng U Trai bad sam jingbam ïa ki baroh.

1 KHRONIKL 16:4

U Dabid u thung katto katne ki Lebi ban ïalam ïa ka jingmane ïa U Trai, U Blei ki Israel, ha khmat ka Synduk ka Jutang, da ki jingrwai bad ki jingïaroh ïa u.

2 KHRONIKL 30:24

U syiem Hesekaïah u la synñiang shihajar tylli ki masi lyngraw bad hynñiew hajar tylli ki langbrot na ka bynta ki briew ban pynïap bad bam, bad ïa ki rangbah synshar u la ai ha ki, sa kiwei pat ki shihajar tylli ki masi lyngraw bad shiphew hajar tylli ki langbrot. Bun bah ki lyngdoh ki la leit lyngba ka jingpynkhuid kat kum ka jinglehniam.

NEHEMAÏAH 8:10

Mynta leit noh sha la ïing bad bam bad dih sngewbha. Ïasam ïa ka jingbam bad ka waiñ bad kito ki bym dap bym biang. Mynta ka sngi ka long kaba khuid ha U Trai jong ngi, kumta wat sngewsih. Ka jingkmen kaba U Trai u la ai ha phi kan pynlong khlaiñ ïa phi.”

JINGRWAI SOLOMON 2:5

Pynïoh pat ïa ka jingkhlaiñ jong nga da ki soh kismis bad pynpyngngad ïa nga da ki soh apple! Nga tlot na ka jingkwah palat jong nga.

ISAÏAH 16:7

Ki briew jong ka Moab kin lynñiar namar ki jingjynjar ba ki shah. Baroh kin ïam haba ki kynmaw ïa ka jingbam babha kaba ki ju bam ha ka nongbah jong ka Kir Heres. Yn beh ïa ki baroh sha ka jingduh jingkyrmen.

ESEKIEL 45:17

Kan long ka kamram jong u ban pynbiang ïa ki mrad ban thang tylli, ki jingainguh bam, bad ki jingainguh waiñ na ka bynta ka jaitbynriew Israel baroh kawei ha ki Jingkhawai Niam Bnai Thymmai, ki Sabbaton, bad kiwei ki Jingkhawai Niam. Un pynbiang ki jingkñia pop, jingainguh bam, ki jingkñia ban thang tylli, bad ki jingainguh ïasyllok, ban shim noh ïa ki pop jong ki paid Israel.”

HOSIA 3:1

U Trai u la ong ha nga, “Khie leit biang bad leh-ieit ïa ka briew kaba dang ïaleh nuti bad uba ieit jong ka. Me dei ban ieit ïa ka kumba nga ruh nga dang ieit ïa ki paid Israel, wat la ki phai sha kiwei pat ki blei bad ki ieit ban ainguh ha ki bleithaw da ki soh kismis.”

1 PETROS 4:9

To plie kylluid ïa ki ïing jong phi iwei ïa iwei pat khlem jingkhñium.