1 KHRONIKL 15:3 - Khasi CL Bible (BSI)

³ Kumta u Dabid u phah khot ïa baroh ki paid Israel sha Jerusalem khnang ban wanrah ïa ka Synduk ka Jutang sha ka jaka kaba u la pynkhreh ïa ka.

KA BAIBL

³ Bad u Dabid u la lum lang ïa ki Israel baroh ha Jerusalem, ban wallam noh ïa ka synduk U Trai sha ka jaka jong ka, kaba u la pynkhreh ïa ka.

1 KHRONIKL 15:3 ပူးပေါင်းရင်းမြစ်များ

2 SAMUEL 6:12

U Syiem Dabid u ïohsngew ba namar ka Synduk ka Jutang, U Trai u la kyrkhu ïa ka longïing jong u Obed Edom bad baroh kat kiba u don; kumta u leit shim noh ïa ka Synduk ka Jutang na ka ïing jong u Obed ban leit rah ïa ka sha Jerusalem ryngkat bad ka jinglehkmen kaba khraw.

2 SAMUEL 6:17

Ki la wallam ïa ka Synduk bad buh ïa ka ha ka jaka jong ka hapoh ka Ïingjaiñ kaba u Dabid u la pynïeng na ka bynta jong ka. Nangta u ainguh ki jingkñia bad ki jingainguh jingïasyllok ha U Trai.

1 SYIEM 8:1

Nangta u Syiem Solomon u phah khot ïa baroh ki nongïalam jong ki jait bad ki kur jong ki Israel ban wan sha u sha Jerusalem khnang ban leit shim noh ïa ka Synduk ka Jutang U Trai na ka Seïon, ka Nongbah u Dabid, sha ka Templ.

1 KHRONIKL 13:2

Nangta u pynbna sha baroh ki paid Israel, “Lada phi ai ïa ka jingmynjur jong phi bad lada ka dei ka mon U Trai U Blei jong ngi, to ai ba ngin ïaphah nonglamktien sha kiwei pat ki para ri jong ngi bad sha ki lyngdoh bad ki Lebi ha ki shnong jong ki, bad ïathuh ïa ki ban ïalumlang hangne bad ngi.

1 KHRONIKL 13:5

Kumta u Dabid u lumlang ïa ki paid Israel na baroh kawei ka ri, naduh khappud Ijipt ha ka phang shathie sha Khim Hamath ha ka phang shatei, khnang ban wallam ïa ka Synduk ka Jutang na Kiriath Jearim sha Jerusalem.

1 KHRONIKL 15:1

Na ka bynta ban pyndonkam ïa lade, u Dabid u tei ïa ki ïing ha ka nongbah u Dabid. U la pynkhreh ruh ïa ka jaka na ka bynta ka Synduk ka Jutang jong U Blei bad u pynïeng ka ïingjaiñ ïa ka.

1 KHRONIKL 15:12

U ong ha ki Lebi, “Phi long ki nongïalam ïa ki kur Lebi. Pynkhuid ïa lade bad ïa ki para Lebi jong phi, ba phin lah ban wanrah ïa ka Synduk ka Jutang jong U Trai U Blei ki Israel sha ka jaka kaba nga la pynkhreh na ka bynta jong ka.

1 KHRONIKL 16:1

Ki la rah ïa ka Synduk ka Jutang sha ka ïingjaiñ kaba u Dabid u la lah pynkhreh bad buh ïa ka hapoh. Nangta ki ai ïa ki jingkñia bad ki jingainguh ïasyllok sha U Blei.

2 KHRONIKL 1:2

U syiem Solomon u la ai hukum ïa baroh ki rangbah pynïaidkam kiba khmih ïa ki kynhun ba shihajar ngut ki rangbah bad ïa ki kynhun kiba shispah ngut ki rangbah, ïa baroh ki rangbah synshar ka sorkar, ïa baroh ki khlieh jong ki longïing longsem, bad ki briew basah baroh, da kaba hukum ïa ki ban leit bad u sha ka jaka mane ha Gibeon.

2 KHRONIKL 1:4

(Pynban, Ka Synduk ka Jutang ka don ha Jerusalem, la buh ïa ka ha ka ïingjaiñ kaba u Syiem Dabid u la pynïeng mynba u wanrah ïa Ka Synduk na Kiriath Jearim.)

2 KHRONIKL 5:2

Nangta u syiem Solomon u la phah khot ïa baroh ki nongïalam jong ki jait bad ki kur jong ki Israel ban ïalumlang ha Jerusalem, khnang ban wallam ïa ka Synduk ka Jutang jong U Trai na Seïon, ka nongbah jong u Dabid, sha ka Templ.

EKSODOS 40:20

Nangta u shim ïa kita ki mawlyngkniap ar tylli bad u buh ïa ki hapoh ka Synduk ka Jutang. U bsuh ïa ki dieng jingbah ha ki kyrwoh jong kata ka synduk bad u buh ïa ka jingtap halor jong ka.

LEBITIKOS 9:5

Ki wanlam sha khmat ka Ïingjaiñ ïa kaei kaei baroh kaba u Moses u la hukum, bad ki paidbah baroh ki ïalumlang ban mane ïa U Trai.