1 KHRONIKL 15:2 - Khasi CL Bible (BSI)

² Nangta u ong, “Tang ki Lebi ki lah ban bah ïa ka Synduk ka Jutang, namar dei tang ma ki ïa kiba U Blei u la jied ban bah ïa ka bad ban shakri ïa u junom.”

KA BAIBL

² Te u Dabid u la ong, “Ym bit ïano ïano ban leit rah ïa ka synduk U Blei, hynrei, tang ki Lebi hi: namar U Trai u la jied ïa ki, ban bah ïa ka synduk U Blei, bad ban shakri ïa u junom.”

1 KHRONIKL 15:2 ပူးပေါင်းရင်းမြစ်များ

2 SAMUEL 6:13

Haba ki rangbah kiba bah ïa ka Synduk ka Jutang ki la ïaid hynriew jam, u Dabid u la phah ïa ki ban sangeh katba u dang ai ka jingkñia ïa U Trai da u masi bad u khun masi ba la pynsngaid.

2 KHRONIKL 35:3

U ai ruh ïa kine ki jingbthah sha ki Lebi, ki nonghikai jong ki Israel, ïa kiba la pynkyntang sha U Trai: “Buh ïa ka Synduk ka Jutang bakyntang ha ka Templ kaba u syiem Solomon, u khun jong u Dabid, u la tei. Phim dei ban rah shuh ïa ka na kawei ka jaka sha kawei pat, hynrei phi dei ban shakri ïa U Trai U Blei jong phi bad ki briew jong u ki Israel.

EKSODOS 25:14

Bsuh ïa kita ki dieng jingbah lyngba ki kyrwoh ha baroh arliang kata ka synduk, ba yn ïoh bah ïa ka da ki.

ISAÏAH 66:21

Ngan pynlong katto katne na ki, ki lyngdoh bad ki Lebi.

JINGKHEIÑ 3:6

“Wan ïalam ïa kiba na ka jait Lebi bad thung ïa ki kum ki shakri ïa u Aaron u lyngdoh.

JINGKHEIÑ 3:9

Ka kamram ba ki Lebi ki don ka long tang ban shakri ïa u Aaron bad ïa ki khun shynrang jong u.

JINGKHEIÑ 7:9

Hynrei u Moses um shym la ai kali lane masi dab ha ka jait Kohath, namar ïa ki tiar kiba kyntang kiba ki shim sumar, ki dei ban bah ha la ki tyrpeng.

DEUTERONOMI 10:8

Ha kata ka por U Trai u thung ïa ki rangbah kiba na ka jait Lebi ban sumar ïa ka Synduk ka Jutang, ban shakri ïa u kum ki lyngdoh, bad ban ai ïa ki jingkyrkhu ha ka kyrteng jong u. Kine ki dang dei ki kamram jong ki haduh mynta.

DEUTERONOMI 31:9

Kumta u Moses u thoh ïa ka Hukum U Blei bad u ai ïa ka ha ki lyngdoh Lebi kiba khmih ïa ka Synduk ka Jutang U Trai, bad ha ki nongïalam jong ki Israel.

JOSHUA 3:3

bad ong ha ki paidbah, “Haba phi ïohi ïa ki lyngdoh ba ki bah ïa ka Synduk ka Jutang jong U Trai U Blei jong phi, loit noh ïa ka jaka shong dara bad bud ïa ki.

JOSHUA 6:6

U Joshua u la khot ïa ki lyngdoh bad ong ha ki, “Shim ïa ka Synduk ka Jutang, bad hynñiew ngut na phi kin leit ha shuwa jong phi, da kaba kieng ïa ki turoi.”