1 KHRONIKL 15:1 - Khasi CL Bible (BSI)

¹ Na ka bynta ban pyndonkam ïa lade, u Dabid u tei ïa ki ïing ha ka nongbah u Dabid. U la pynkhreh ruh ïa ka jaka na ka bynta ka Synduk ka Jutang jong U Blei bad u pynïeng ka ïingjaiñ ïa ka.

KA BAIBL

¹ Bad u Dabid u la thaw ki ïing ïa lade ha ka shnong u Dabid; bad u la khreh ka jaka ïa ka synduk U Blei, bad u la pynïeng ka ïingjaiñ na ka bynta jong ka.

1 KHRONIKL 15:1 ပူးပေါင်းရင်းမြစ်များ

2 SAMUEL 14:24

Pynban u syiem u la ai hukum ba u Absalom um dei ban sah hapoh ïingsyiem. “Ngam kwah ban ïohi ïa u!” u syiem u ong. Kumta u Absalom u sah ha ka ïing jong u hi bad um shym leit mih ha khmat u syiem.

2 SAMUEL 5:9

Hadien ka jingïohknieh ïa ka kut, u Dabid u la shong hapoh jong ka bad u la khot kyrteng ïa ka “Ka Nongbah u Dabid.” U la tei ïa ka nongbah sawdong jong ka, da kaba sdang na ka jaka ha kaba la pyndap khyndew ha ka phang mihngi jong u lum.

2 SAMUEL 6:12

U Syiem Dabid u ïohsngew ba namar ka Synduk ka Jutang, U Trai u la kyrkhu ïa ka longïing jong u Obed Edom bad baroh kat kiba u don; kumta u leit shim noh ïa ka Synduk ka Jutang na ka ïing jong u Obed ban leit rah ïa ka sha Jerusalem ryngkat bad ka jinglehkmen kaba khraw.

2 SAMUEL 6:17

Ki la wallam ïa ka Synduk bad buh ïa ka ha ka jaka jong ka hapoh ka Ïingjaiñ kaba u Dabid u la pynïeng na ka bynta jong ka. Nangta u ainguh ki jingkñia bad ki jingainguh jingïasyllok ha U Trai.

1 KHRONIKL 15:12

U ong ha ki Lebi, “Phi long ki nongïalam ïa ki kur Lebi. Pynkhuid ïa lade bad ïa ki para Lebi jong phi, ba phin lah ban wanrah ïa ka Synduk ka Jutang jong U Trai U Blei ki Israel sha ka jaka kaba nga la pynkhreh na ka bynta jong ka.

1 KHRONIKL 15:3

Kumta u Dabid u phah khot ïa baroh ki paid Israel sha Jerusalem khnang ban wanrah ïa ka Synduk ka Jutang sha ka jaka kaba u la pynkhreh ïa ka.

1 KHRONIKL 16:1

Ki la rah ïa ka Synduk ka Jutang sha ka ïingjaiñ kaba u Dabid u la lah pynkhreh bad buh ïa ka hapoh. Nangta ki ai ïa ki jingkñia bad ki jingainguh ïasyllok sha U Blei.

1 KHRONIKL 6:31

Kine ki dei ki rangbah ïa kiba u syiem Dabid u la buh ban khmih ïa ka put ka tem ha ka jaka mane ha Jerusalem hadien ba pynkynriah shata ïa Ka synduk ka Jutang.

2 KHRONIKL 1:4

(Pynban, Ka Synduk ka Jutang ka don ha Jerusalem, la buh ïa ka ha ka ïingjaiñ kaba u Syiem Dabid u la pynïeng mynba u wanrah ïa Ka Synduk na Kiriath Jearim.)

2 KHRONIKL 5:2

Nangta u syiem Solomon u la phah khot ïa baroh ki nongïalam jong ki jait bad ki kur jong ki Israel ban ïalumlang ha Jerusalem, khnang ban wallam ïa ka Synduk ka Jutang jong U Trai na Seïon, ka nongbah jong u Dabid, sha ka Templ.

SALM 132:5

haduh ba ngan da ïoh pynbiang ka jaka ïa U Trai, ka jaka shong ïa U Blei Bakhlaiñbor jong u Jakob.”

KI KAM 7:46

U la ïoh ïa ka jingsngewbha jong U Blei, bad u la kyrpad ïa U Blei ban shah ïa u ban pynkhreh ka ïing na ka bynta U Blei jong u Jakob.