1 KHRONIKL 12:8 - Khasi CL Bible (BSI)

⁸ Kine ki long ki kyrteng jong ki shipai bapawnam bad ba la tbit na ka jait Gad kiba pynïasoh bad ki kynhun shipai jong u Dabid mynba u la don ha ka kut ha ri shyiap. Ki long kiba tbit bha ban pyndonkam ïa ki stieh bad ki sum, kiba don ka durkhmat ba-itriem kum jong ki sing bad kiba stet kum ki khiat ha ki lum.

KA BAIBL

⁸ Bad na ki Gad ki la don kiba la pynkhlad ïa lade sha u Dabid ha ka kut ha ri khlaw, ki riewkhlaiñ ki bashlur, ki rangbah ba la hikai ïa ka thma, kiba nang ban bat stieh bat sum; kiba ki khmat jong ki, ki long kum ki jong ki sing, bad kiba stet kum ki skei halor ki lum;

1 KHRONIKL 12:8 ပူးပေါင်းရင်းမြစ်များ

2 SAMUEL 1:23

“U Saul bad u Jonathan, ki long kiba phylla bad ba sngewieit; Ryngkat ryngkat ha ka jingim, bad ryngkat ryngkat ha ka jingïap; ki kham stet ban ïa ki pukni, ki kham khlaiñ ban ïa ki sing.

2 SAMUEL 17:10

Nangta wat ki rangbah kiba shlur tam, ki bym ju tieng kum ki sing, kin sheptieng namar uwei pa uwei ha Israel u tip ba u kpa jong phi u dei u shipai bakhraw bad ba ki rangbah jong u ki dei ki nongïaleh kiba satar.

2 SAMUEL 2:18

Ki lai ngut ki khun shynrang jong ka Seruïah ki la don hangta: u Joab, u Abishai, bad u Asahel. U Asahel, uba lah ban mareh stet kum ka skei khlaw,

2 SAMUEL 23:20

U Benaïah, u khun jong u Jehoïada, uba na Kabseel, u dei uwei pat u shipai uba pawnam; u la leh shibun ki kam shlur; kynthup ka jingpynïap ïa ki ar ngut ki khla-ka-wait jong ki Moab. Shisien u la leit hiar sha ka thliew ha ka sngi ba hap ïor bad u pynïap ïa u sing.

1 KHRONIKL 11:16

Ha kata ka por u Dabid u don ha u lum ba la ker kynroh, bad shi kynhun ki Philistia ki la ïohknieh ïa ka Bethlehem.

1 KHRONIKL 11:22

U Benaïah u khun jong u Jehoïada na Kabseel u long u shipai bapawnam; u la leh shibun ki kam shlur, kaba kynthup ïa ka jingpynïap ïa ki ar ngut ki rangïapom bakhraw ka Moab. Shisien ha ka sngi ba hap ïor u la leit shapoh ka krem bad hangta u pynïap ïa uwei u sing.

1 KHRONIKL 12:16

Shisien ka kynhun ki rangbah na ki jait Benjamin bad Judah ki la leit sha ka kut ha kaba u Dabid u don.

1 KHRONIKL 12:9

La ñiew ïa ki kumne harum kat kum ka jingtbit: U Eser, u Obadaïah, u Eliab, u Mishmannah, u Jeremaïah, u Attai, u Eliel, u Johanan, u Elsabad, u Jeremaïah, bad u Makhbannai.

2 KHRONIKL 25:5

U Syiem Amasaïah u pynbeit ïa baroh ki rangbah jong ki jait Judah bad Benjamin ha ki kynhun shipai, kat kum ki kur jong ki, bad u la buh ki rangbah pynïaidkam ha ka jingai hukum ïa ki kynhun kiba shihajar ngut bad ki kynhun kiba shispah ngut. Kane ka kynthup ïa baroh ki rangbah kiba arphew snem ne kham ïaw, baroh ki long lai lakh ngut. Ki long ki shipai ba la jied, kiba la kloi ban ïaleh thma, kiba tbit ban pyndonkam ïa ki sum bad ki stieh.

PROBERB 28:1

Ki bymman ki phet ha bym don ba beh ïa ki, hynrei u briew uba hok u shlur kum u sing.

PROBERB 6:5

Pyllait na kata ka jingriam kum ka sim ne ka skei kaba pyllait ïa lade na u nongbeh mrad.

JINGRWAI SOLOMON 8:14

To wan sha nga, ko ba-ieit jong nga, kum ka khiat, kum u bthong lyngraw halor ki lumbah ha kaba ki musla ki mih.

JEREMAÏAH 46:9

Hukum ïa ki kulai ban leit bad ïa ki kali ïapom ban tyllun! To phah noh ïa ki shipai: ki rangbah na Sudan bad Lydia, kiba rah ïa ki stieh bad ki nongsiatkhnam batbit na Lydia.’ ”

1 SAMUEL 23:14

U Dabid u sah ha ka jakarieh ha ri lum kaba ha ka ri khlaw hajan ka Siph. U Saul u ïai pyrshang ban shem ïa u, hynrei U Blei um shym la aiti ïa u Dabid ha u.

1 SAMUEL 23:29

U Dabid u mihnoh bad u leit sha ka thain jong ka Engedi, ha kaba u la sah ha kaba rieh.

1 SAMUEL 24:22

U Dabid u la kular ba un leh kumta. Nangta u Saul u leit phai sha ïing, bad u Dabid bad ki rangbah jong u ki la leit phai biang sha la ka jakarieh.