1 KHRONIKL 11:9 - Khasi CL Bible (BSI)

⁹ U Dabid u la nang khrawbor, namar ba U Trai Badonbor Baroh u don ryngkat bad u.

KA BAIBL

⁹ Bad u Dabid u la nang khraw nang khraw; namar U Trai ki paid u la don lem bad u.

1 KHRONIKL 11:9 ပူးပေါင်းရင်းမြစ်များ

2 SAMUEL 3:1

Ka jingïaleh hapdeng ki kynhun ïaleh kiba ïashah ïa ka longïing jong u Saul bad kito kiba ïashah ïa u Dabid ka la neh slem bha. Katba u Dabid u nang khlaiñ nang khlaiñ, ki nongïaleh pyrshah jong u ki la nang tlot nang tlot.

2 SAMUEL 5:10

U la nang khlaiñ ha ki por baroh, namar U Trai U Blei Badonbor Tam u la don ryngkat bad u.

1 KHRONIKL 11:8

U tei pat ïa ka nongbah, da kaba sdang na ka jaka ba la pyndap khyndew kaba don shaphang mihngi jong u lum, bad u Joab u pynïoh pat ïa ka bynta basah jong ka nongbah.

1 KHRONIKL 9:20

U Phineas u khun jong u Eleasar — ai ba U Trai un long lem bad u! — u la pynïaid ïa ki ha kawei ka por.

ESTHER 9:4

Ka long kaba la tip ha kylleng sawdong ka hima ba u Mordekai u long mynta u briew uba donbor ha ka ïingsyiem bad u nang khrawbor.

Ka Kitab U Job 17:9

Kito kiba dawa ba ki long kiba donburom ki la nang sngewdei shuh shuh ba kim shym la bakla.

SALM 46:11

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 46:7

U Trai Badonbor Baroh u don bad ngi; U Blei jong u Jakob u long ka jakarieh jong ngi.

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 41:14

U Trai u ong, “Uba rit bad uba tlot kumba me long, ko Israel, wat sheptieng; ngan ïarap ïa me. Nga, U Blei uba khuid ki Israel, nga long uta uba pynim ïa me.

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?