1 KHRONIKL 11:3 - Khasi CL Bible (BSI)

³ Kumta baroh ki tymmen ki san jong ki Israel ki wan sha u syiem Dabid ha Hebron. U pynlong ka jingïateh lok kaba kyntang bad ki, ki pynsleh ïa u, bad u la long u syiem ka Israel, kumba U Trai u la kular lyngba u Samuel.

KA BAIBL

³ Kumta, ki tymmen basan ki Israel baroh ki la wan sha u syiem ha Hebron; bad u Dabid u la ïateh jutang bad ki ha Hebron ha khmat U Trai; bad ki la pynsleh ïa u Dabid ban long syiem halor ki Israel, katba kum ka ktien U Trai da ka kti u Samuel.

1 KHRONIKL 11:3 ပူးပေါင်းရင်းမြစ်များ

2 SAMUEL 2:4

Nangta ki rangbah ka Judah ki la wan sha Hebron bad ki la pynsleh ïa u Dabid kum u syiem ka Judah. Haba u Dabid u ïohsngew ba ki briew ka Jabesh ha Gilead ki la tep ïa u Saul,

2 SAMUEL 5:3

Kumta baroh ki nongïalam jong ki Israel ki la wan sha u Syiem Dabid ha Hebron. U la pynlong ïa jingïateh lok bakyntang bad ki, ki la pynsleh ïa u, bad u la long u syiem ki Israel.

2 SAMUEL 5:5

U la synshar ha Hebron halor ka Judah haduh hynñiew snem shiteng, bad ha Jerusalem halor ki Israel bad Judah baroh haduh laiphew lai snem.

2 SYIEM 11:17

U Jehoïada u lyngdoh, u pynlong ïa u syiem Joash bad ïa ki paidbah ban rung sha ka jingïateh jutang bad U Trai ba kin long ki briew jong U Trai; u pynlong ruh ïa ka jingïateh jutang hapdeng u syiem bad ki paidbah.

2 SYIEM 23:30

Ki rangbah synshar jong u ki buh ïa ka met jong u ha ka kali ïapom bad kit ïa ka sha Jerusalem, ha kaba la tep ïa u ha ka jingtep ki syiem. Ki briew ka Judah ki la jied ïa u Joahas u khun jong u Josaïah, bad pynsleh syiem ïa u.

1 KHRONIKL 11:10

Kine ki dei ki shipai bapawnam jong u Dabid. Ryngkat lang bad kiwei de ki paid Israel, ki la ïarap ïa u ban long syiem, kumba U Trai u la kular, bad ki pynneh skhem ba ka hima jong u kan long kaba khlaiñ.

2 KHRONIKL 23:3

Baroh ki la ïalumlang ha ka Templ bad hangta ki la pynlong ka jutang bad u Joash, u khun jong u syiem. U Jehoïada u ong ha ki, “Une hangne u dei u khun jong u syiem ba la khlad noh! Mynta u dei ban long syiem, kumba U Trai u la kular ba ki khun ki ksiew u Dabid kin long.

NONGBISHAR 11:11

Kumta u Jephthah u leit bad ki nongïalam ka Gilead, bad u paidbah u thung ïa u kum u nongsynshar bad u nongïalam jong ki. U Jephthah u pynpaw ïa ki kyndon na ka liang jong u ha Mispah ha khmat U Trai.

1 SAMUEL 11:15

Kumta ki ïaleit baroh sha Gilgal, bad hangta ha ka jaka kyntang ki pynbna ba u Saul u long u syiem. Ki kñia ïa ki jingainguh ïasyllok, bad u Saul bad ki paid Israel baroh ki ïalehkmen ha kane ka jingjia.

1 SAMUEL 15:28

U Samuel u ong ha u, “U Trai u la kad ïa ka hima Israel na me ha kane ka sngi, bad u la ai ïa ka ha uta u briew uba kham bha ban ïa me.

1 SAMUEL 16:1

U Trai u ong ha u Samuel, “Sa katno slem men dang ïai sngewsih ïa u Saul? Nga la kyntait ïa u kum u syiem ki Israel. Hynrei mynta pynïoh katto katne ka umphniang Olib bad leit sha Bethlehem, sha u briew uba kyrteng u Jesse, namar nga la jied ïa uwei na ki khun shynrang jong u ban long syiem.”

1 SAMUEL 16:3

Khot sngewbha ïa u Jesse sha kata ka jingkñia, bad ngan sa ïathuh ha me ïa kaei ba men leh. Men sa pynsleh kum u syiem ïa u briew uba ngan ïathuh ha me.”

1 SAMUEL 23:18

Kita baroh ar ngut ki la pynlong ka jingïateh kular bakyntang iwei ïa iwei pat. U Dabid u sah ha Horesh, bad u Jonathan u leit noh sha ïing.

1 SAMUEL 28:17

U Trai u la leh ha me kumba u la kren da nga: u la knieh kynthet ïa ka hima na me, bad pynban u la ai ïa ka ha u Dabid.