1 KHRONIKL 11:11 - Khasi CL Bible (BSI)

¹¹ Uba nyngkong u dei u Jashobeam na ka kur Hakhmon, u nongïalam jong ki “Lai ngut”. U ïaleh da la u sum pyrshah ïa ki laispah ngut ki rangbah bad u pynïap ïa ki baroh tang ha kawei ka thma.

KA BAIBL

¹¹ Kane ka long ka jingkheiñ kita ki riewkhlaiñ kiba u Dabid u la don: u Jashobeam, u khun u nong Hakhmon, uba kongsan jong ki laiphew ngut; u la rah ïa la u sum pyrshah ïa ki laispah ngut, bad u la pynïap ïa ki ha kajuh ka por.

1 KHRONIKL 11:11 ပူးပေါင်းရင်းမြစ်များ

2 SAMUEL 23:8

Kine ki long ki kyrteng jong ki shipai bapawnam jong u Dabid: uba nyngkong u dei u Josheb Basshebeth na Takhemon; uba long u nongïalam jong “Ki Lai Ngut”; u la ïaleh da la u sum pyrshah ïa ki phraspah ngut ki rangbah bad u la pynïap ïa ki baroh ha kawei ka thma.

1 KHRONIKL 12:18

U Mynsiem U Blei u wan ha uwei na ki, u Amasai, uba hadien u long u nongai hukum jong ki “Laiphew ngut”, bad u pyrta, “Ko Dabid u khun jong u Jesse, ngi long ki jong phi! Ka Jingjop ka long ïa phi bad ïa kito kiba ïarap ïa phi! U Blei u don ha ka liang jong phi.” U Dabid u pdiang sngewbha ïa ki bad u pynlong ïa ki, ki rangbah pynïaidkam ha ka kynhun shipai jong u.

1 KHRONIKL 27:2

Kine harum ki long ki nongïalam na ka bynta uwei uwei bnai: Ha u bnai uba nyngkong: u Jashobeam u khun jong u Sabdiel (u dei u dkhot jong ka kur u Peres, ka bynta jong ka jait Judah) Ha u bnai uba ar: u Dodai, uba mih pateng na u Ahohi (u Mikloth u dei uba hadien jong u ha ka jingai hukum) Ha u bnai uba lai: u Benaïah u khun jong u Jehoïada u lyngdoh; u dei u nongïalam jong “Ki Laiphew ngut” (u Amissabad u khun jong u, u la long u nongïalam ïa kane ka kynhun hadien jong u) Ha u bnai uba saw: u Asahel, u para jong u Joab (u Sebadaïah u khun jong u, u shimti hadien jong u) Ha u bnai uba san: u Shamhuth, uba hiarpateng na u Ishar Ha u bnai uba hynriew: u Ira u khun jong u Ikkesh uba na Tekoa Ha u bnai uba hynñiew: u Heles, u nong Ephraim na Pelon Ha u bnai uba phra: u Sibbekai uba na Hushah (u dei u dkhot jong ka kur Serah, ka bynta jong ka jait Judah) Ha u bnai uba khyndai: u Abieser uba na Anathoth ha ka ri jong ka jait Benjamin Ha u bnai uba shiphew: u Maharai na Netophah (u dei u dkhot jong ka kur Serah) Ha u bnai uba khatwei: u Benaïah uba na Pirathon ha ka ri jong ka jait Ephraim Ha u bnai uba khat-ar: u Heldai uba na Netophah (u dei uba hiarpateng na u Othniel)