1 ÏOANNIS 5:1 - Khasi CL Bible (BSI)

¹ Uno uno uba ngeit ba U Jisu u long U Messaïah, u long u khun U Blei; bad uno uno uba ieit ïa u kpa, u ieit ïa u khun jong u ruh.

KA BAIBL

¹ Uwei pa uwei baroh uba ngeit ba U Jisu u long uta U Khrist, la kha ïa u na U Blei: bad uwei pa uwei baroh uba ieit ïa uta uba la pynkha, u ieit ïa uta ruh ïa uba la kha na u.

1 ÏOANNIS 5:1 ပူးပေါင်းရင်းမြစ်များ

MATHAÏOS 16:16

U Simon Petros u la jubab, “Me long U Messaïah, U Khun jong U Blei uba im.”

LOUKAS 7:5

U ieit ïa ki briew jong ngi bad u hi da lade u la tei ka synagog na ka bynta jong ngi.”

ÏOANNIS 1:3

Da u, la thaw ïa kiei kiei baroh; ym don kawei ruh na ka jingpynlong baroh kaba la thaw khlem ma u.

ÏOANNIS 15:23

Uno uno uba shun ïa nga u shun ïa U Kpa jong nga ruh.

ÏOANNIS 3:3

U Jisu u la jubab, “Nga ïathuh ha me ïa ka jingshisha: Ym don uba lah ban ïohi ïa ka Hima U Blei lymda kha pat ïa u.”

ÏOANNIS 6:69

Bad mynta ngi ngeit bad ngi tip ba me long uta U Bakhuid uba la wan na U Blei.”

ÏOANNIS 8:42

U Jisu u la ong ha ki, “Lada U Blei shisha u dei U Kpa jong phi, phin da la ieit ïa nga, namar nga la wan na U Blei bad mynta nga don hangne. Ngam shym la wan ha la ka jong ka bor hi, hynrei u la phah ïa nga.

KI KAM 8:36

Katba ki nang ïaleit ha lynti, ki la poi ha ka jaka ha kaba la don khyndiat ka um, bad uta u rangbah synshar u la ong, “Hangne ka don ka um. Kaei kaba khang ïa nga na kaba shah pynbaptis?”

KI KAM 8:37

U Philip u la ong ha u, “Lah ban pynbaptis ïa me lada me ngeit da ka dohnud baroh.” “Nga ngeit,” u la jubab; “nga ngeit ba U Jisu Khrist u long U Khun U Blei.”

JAKOB 1:18

Da ka mon sngewbha jong u hi u la wallam ïa ngi sha ka jingim lyngba ka ktien jong ka jingshisha, khnang ba ngi dei ban ïoh ïa ka jaka kaba nyngkong hapdeng ki jingthaw baroh.

1 PETROS 1:3

To ngin ainguh ïa U Blei bad ïa U Kpa U Jisu Khrist uba U Trai jong ngi. Namar ka jingisynei bakhraw jong u, u la ai ha ngi ïa ka jingim bathymmai da kaba pynmihpat ïa U Jisu Khrist na ka jingïap.

1 ÏOANNIS 2:10

Uno uno uba ieit ïa la u hynmen u para u ïaid ha ka jingshai, bad kumta ym don kaei kaei ha u ka ban pynlong ïano ïano pat ban leh pop.

1 ÏOANNIS 2:29

Phi tip ba U Khrist u long uba hok; phi dei ban tip, namarkata, ba uei uei baroh uba leh ïa kaei kaba dei u long u khun U Blei.

1 ÏOANNIS 3:14

Ngi tip ba ngi la iehnoh ïa ka jingïap bad ngi la wan noh sha ka jingim; ngi tip ïa ka namar ba ngi ieit ïa la ki hynmen ki para. Uno uno u bym ieit, u dang don hi hapoh ka bor jong ka jingïap.

1 ÏOANNIS 3:17

Lada u briew uba riewspah u ïohi ïa la u parabriew ha ka jingkyrduh, pynban, u khang khyrdep ïa la ka dohnud pyrshah ïa la u parabriew, kumno u lah ban kam ba u ieit ïa U Blei?

1 ÏOANNIS 3:9

Uno uno uba long u khun jong U Blei, um ïai leh pop, naba ka jinglong blei batynrai jong U Blei hi ka don ha u; bad namar U Blei u long u Kpa jong u, um lah ban ïai bteng ban leh pop.

1 ÏOANNIS 4:2

Kane ka long kumno phin lah ban ithuh la u long U Mynsiem jong U Blei: Uno uno uba pdiang ba U Jisu Khrist u la wan kum u briew, u don U Mynsiem uba wan na U Blei.

1 ÏOANNIS 4:20

Lada uno uno u ong ba u ieit ïa U Blei, hynrei u isih ïa la u parabriew, u long uba lamler. Naba um lah ban ieit ïa U Blei, ïa uba um shym ïohi, lada um ieit ïa la u parabriew ïa uba u ïohi.

1 ÏOANNIS 4:7

Ko ki paralok ba-ieit, to ngin ïa-ieit iwei ïa iwei, namar ka jingieit ka wan na U Blei. Uno uno uba ieit, u long u khun jong U Blei bad u ithuh ïa U Blei.

1 ÏOANNIS 5:18

Ngi tip ba ym don uno uno napdeng ki khun U Blei uba ïai leh pop, naba U Khun U Blei u sumar ïa u, bad u Basniew um lah ban pynmynsaw ïa u.

1 ÏOANNIS 5:4

namar man u khun U Blei u lah ban jop noh thiaw ïa ka pyrthei. Bad ngi ïoh ïa ka jingjop halor ka pyrthei lyngba ka jingngeit jong ngi.

1 ÏOANNIS 5:5

Uei uba lah ban jop ïa ka pyrthei? Tang u briew uba ngeit ba U Jisu u long U Khun U Blei.