1 ÏOANNIS 4:9 - Khasi CL Bible (BSI)

⁹ Bad U Blei u la pyn-i ïa ka jingieit jong u ïa ngi da kaba phah ïa la U Khun ba marwei sha ka pyrthei, khnang ba ngin ïoh ïa ka jingim da u.

KA BAIBL

⁹ Ha kane la pynpaw shynna ïa ka jingieit U Blei ha ngi, ba U Blei u la phah ïa la U Khun ba la kha marwei sha kane ka pyrthei, ba ngin ïoh im da u.

1 ÏOANNIS 4:9 ပူးပေါင်းရင်းမြစ်များ

JENESIS 22:2

“Shim ïa u khun jong me,” U Blei u ong, “u Isaak, u khun ba tang marwei jong me, ïa uba me ieit thep mynsiem, bad leit sha ka ri Moraïah. Hangta halor u lum ïa uba ngan sa pyn-i ha me, kñia ïa u kum ka jingainguh ha nga.”

SALM 2:7

“Ngan pynbna,” ong u syiem, “ïa kaei kaba U Trai u la pynbna. U ong ha nga: ‘Me long u khun jong nga; ha kane ka sngi nga la long u kpa jong me.

MARKOS 12:6

Uba dang sah ïa uba yn phah u long u khun ba-ieit jong u trai hi. Ha kaba khatduh, te, u la phah ïa la u khun sha ki nongshimwai. ‘Nga ngeit skhem kin burom ïa u khun jong nga,’ u la ong.

LOUKAS 4:18

“U Mynsiem jong U Trai u long ha nga, namar ba u la jied ïa nga ban wallam ka khubor babha ha kiba duk. U la phah ïa nga ban pynbna ka jingpyllaitluid ïa ki koidi bad ka jingpynïoh ïa ka jingimat ha kiba matlah; ban pyllait ïa kiba la shah banbeiñ

ÏOANNIS 10:10

U nongtuh u wan tang ban ïoh tuh, ban pynïap bad ban pynjot. Nga la wan khnang ba phin ïoh ïa ka jingim — ka jingim ha ka jingdap kyrhai jong ka.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 3:16

Naba U Blei u la ieit katta katta ïa ka pyrthei kat haduh ba u la aiti noh ïa U Khun ba tang marwei jong u, ba uno uno uba ngeit ha u un ym ïap noh hynrei un ïoh ïa ka jingim bymjukut.

ÏOANNIS 3:18

Uno uno uba ngeit ha U Khun un ym shah bishar; hynrei ïa uno uno u bymngeit la lah bishar lypa ïa u, namar ba um shym la ngeit ha U Khun ba tang marwei jong U Blei.

ÏOANNIS 5:23

Uno uno u bym burom ïa U Khun um burom ïa U Kpa uba la phah ïa u.

ÏOANNIS 6:29

U Jisu u la jubab, “Kaei kaba U Blei u kwah ïa phi ban leh ka long ban ngeit ha uta ïa uba u la phah.”

ÏOANNIS 6:51

Nga long u kpu uba im uba la wan hiar na bneng. Lada uno uno u bam ïa une u kpu, un im junom. U kpu ba ngan ai ha u, u long ka doh jong nga, ïa kaba nga ai khnang ba ka pyrthei kan ïoh im.”

ÏOANNIS 6:57

U Kpa uba im u la phah ïa nga, bad namar jong u nga ruh nga im. Ha kajuh ka rukom uno uno uba bam ïa nga un im namar jong nga.

ÏOANNIS 8:29

Bad uta uba la phah ïa nga u long lem bad nga; ym shym la iehnoh ïa nga marwei, namar borabor nga leh ïa kaei kaba pynsngewbha ïa u.”

ÏOANNIS 8:42

U Jisu u la ong ha ki, “Lada U Blei shisha u dei U Kpa jong phi, phin da la ieit ïa nga, namar nga la wan na U Blei bad mynta nga don hangne. Ngam shym la wan ha la ka jong ka bor hi, hynrei u la phah ïa nga.

ÏOANNIS 9:3

U Jisu u la jubab, “Ka jingmatlah jong u kam don ei ei bad ki pop jong u ne ki pop jong ki kmie ki kpa jong u. U la long matlah khnang ban ïohi ba ka bor jong U Blei ka trei ha u.

Ka Shithi U Paul Sha Ki Nong Rom 8:32

Da shisha ym U Blei, u bym shym la tyngkai wat ïa la u jong U Khun hi, hynrei uba la ai sngewbha ïa u na ka bynta jong ngi baroh! U la ai ha ngi ïa la U Khun — hato un ym ai sngewbha ïa kiei kiei baroh?

HEBRU 1:5

Namar U Blei um shym la ong ha uno uno na ki angel jong u, “Me long u khun jong nga; mynta ka sngi nga la long U Kpa jong me.” Lymne U Blei um shym la ong shaphang uno uno u angel, “Ngan long U Kpa u jong u bad un long u khun jong nga.”

1 ÏOANNIS 3:16

Kane ka long kumno ngi tip kaei ka jingieit: U Khrist u la aiti ïa la ka jingim na ka bynta jong ngi. Ngi ruh, namarkata, ngi dei ban ai ïa la ki jingim na ka bynta ki parabriew!

1 ÏOANNIS 4:10

Kane ka long kaei kaba ka jingieit ka long: Kam dei ba ngi la ieit ïa U Blei, hynrei, ba u la ieit ïa ngi bad u la phah ïa la U Khun ban long ka lynti ha kaba map ïa ki pop jong ngi.

1 ÏOANNIS 4:16

Bad ma ngi da lade ngi tip bad ngeit ïa ka jingieit kaba U Blei u don na ka bynta jong ngi. U Blei u long ka jingieit, bad uno uno uba im ha ka jingieit, u im bad U Blei bad U Blei u im hapoh jong u.

1 ÏOANNIS 5:11

Ka jingphla ka long kane: U Blei u la ai ha ngi ïa ka jingim bymjukut, bad kane ka jingim ka don ka tyllong jong ka ha U Khun jong u.

1 ÏOANNIS 5:13

Nga thoh ha phi ïa kane ba phin tip ba phi don ka jingim bymjukut — phi kiba ngeit ha U Khun U Blei.