1 ÏOANNIS 4:8 - Khasi CL Bible (BSI)

⁸ Uno uno u bym ieit, um ithuh ïa U Blei, naba U Blei u long ka jingieit.

KA BAIBL

⁸ Uta u bymieit um ithuh ïa U Blei, naba U Blei u long ka jingieit.

1 ÏOANNIS 4:8 ပူးပေါင်းရင်းမြစ်များ

SALM 86:15

Hynrei ma me, ko Trai, me long U Blei uba isynei bad uba ieit, uba ïaishah borabor, uba ïai lehsbun bad uba ïaineh.

SALM 86:5

Me long uba bha ïa ngi bad uba map ei, uba shlei da ka jingieit baneh ïa kito baroh kiba duwai sha me.

2 KORINTH 13:11

Bad mynta, ko parabangeit jong nga, khublei! To ïabeh sha ka jingjanai; to shahshkor ïa ki jingkyrpad jong nga, to don kajuh ka jingmut para ma phi, to ïa-im ha ka jingsuk. Bad U Blei ka jingieit bad ka jingsuk un long ryngkat bad phi.

EPHESOS 2:4

Hynrei ka jingisynei U Blei ka shlei katta katta, bad ka jingieit jong u ïa ngi ka long kaba khraw katta katta,

HEBRU 12:29

namar ba U Blei jong ngi u long shisha ka ding kaba bam duh.

1 ÏOANNIS 1:5

Mynta ka khubor ïa kaba ngi la ïohsngew na U Khun jong u bad pynbna ha phi ka long kane: U Blei u long ka jingshai bad ha u ka jingdum kam don satia.

1 ÏOANNIS 2:4

Lada uno uno u ong ba u ithuh ïa u, hynrei um kohnguh ïa ki hukum jong u, kum uta u briew u long u nongshukor bad ym don ka jingshisha ha u.

1 ÏOANNIS 2:9

Uno uno uba ong ba u don ha ka jingshai, pynban u isih ïa la u hynmen u para, u don ha ka jingdum haduh kane hi ka kynta.

1 ÏOANNIS 3:10

Kane ka long ka jingïapher kaba shai kdar hapdeng ki khun U Blei bad ki khun u Soitan: Uno uno u bym leh ïa kaei kaba dei lane u bym ieit ïa la u hynmen u para um long u khun U Blei.

1 ÏOANNIS 3:6

Kumta uwei pa uwei uba long ha U Khrist, um ïai leh pop; hynrei uno uno uba ïai leh pop, um pat shym la ïohi ïa u lane ithuh ïa u.

1 ÏOANNIS 4:16

Bad ma ngi da lade ngi tip bad ngeit ïa ka jingieit kaba U Blei u don na ka bynta jong ngi. U Blei u long ka jingieit, bad uno uno uba im ha ka jingieit, u im bad U Blei bad U Blei u im hapoh jong u.

1 ÏOANNIS 4:7

Ko ki paralok ba-ieit, to ngin ïa-ieit iwei ïa iwei, namar ka jingieit ka wan na U Blei. Uno uno uba ieit, u long u khun jong U Blei bad u ithuh ïa U Blei.