1 ÏOANNIS 4:7 - Khasi CL Bible (BSI)

⁷ Ko ki paralok ba-ieit, to ngin ïa-ieit iwei ïa iwei, namar ka jingieit ka wan na U Blei. Uno uno uba ieit, u long u khun jong U Blei bad u ithuh ïa U Blei.

KA BAIBL

⁷ Ko hep ba-ieit, to ngin ïa-ieit paralok hi, naba ka jingieit ka long na U Blei; te uwei pa uwei baroh uba ieit, la kha ïa u na U Blei, bad u ithuh ïa U Blei.

1 ÏOANNIS 4:7 ပူးပေါင်းရင်းမြစ်များ

ÏOANNIS 13:34

Bad mynta nga ai ha phi ka hukum kaba thymmai; to ïa-ieit iwei ïa iwei.

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

1 KORINTH 8:3

Hynrei ïa u briew uba ieit ïa U Blei la ithuh da u.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

GALATIA 4:9

Hynrei mynta ba phi la ithuh ïa U Blei — lane, nga dei ban ong, mynta ba U Blei u la ithuh ïa phi — kumno ka long kata ba phi dang kwah ban phai pat sha kita ki bor mynsiem kiba tlot bad kiba isangsot? Balei phi kwah ban long mraw pat sa shisien ha ki?

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

DEUTERONOMI 30:6

U Trai U Blei jong phi un pynlong ïa phi kiba kohnguh hukum, khnang ba phin ieit ïa u da ka dohnud jong phi baroh bad da ka mynsiem jong phi baroh, bad ba phin ïaishong ha kata ka ri.

2 TIMOTHI 1:7

Naba U Mynsiem uba U Blei u la ai ha ngi um pynlong ïa ngi kiba khawpud; pynban, U Mynsiem jong u, u pyndap ïa ngi da ka bor, ka jingieit, bad ka bor halor lade.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 ÏOANNIS 2:10

Uno uno uba ieit ïa la u hynmen u para u ïaid ha ka jingshai, bad kumta ym don kaei kaei ha u ka ban pynlong ïano ïano pat ban leh pop.

1 ÏOANNIS 2:29

Phi tip ba U Khrist u long uba hok; phi dei ban tip, namarkata, ba uei uei baroh uba leh ïa kaei kaba dei u long u khun U Blei.

1 ÏOANNIS 2:3

Lada ngi kohnguh ïa ki hukum jong U Blei, te ngi sngewskhem ba ngi ithuh ïa u.

1 ÏOANNIS 2:4

Lada uno uno u ong ba u ithuh ïa u, hynrei um kohnguh ïa ki hukum jong u, kum uta u briew u long u nongshukor bad ym don ka jingshisha ha u.

1 ÏOANNIS 2:7

Ko ki paralok ba-ieit jong nga, kane ka hukum kaba nga thoh sha phi kam long kaba thymmai; ka long ka hukum kaba rim, kata kaba phi la ïoh naduh kaba mynnyngkong eh. Ka hukum barim ka long ka khubor kaba phi la lah ïohsngew.

1 ÏOANNIS 3:9

Uno uno uba long u khun jong U Blei, um ïai leh pop, naba ka jinglong blei batynrai jong U Blei hi ka don ha u; bad namar U Blei u long u Kpa jong u, um lah ban ïai bteng ban leh pop.

1 ÏOANNIS 4:11

Ko ki paralok ba-ieit, lada kane ka long kumno U Blei u la ieit ïa ngi, te ma ngi, ngi dei ban ïa-ieit iwei ïa iwei pat.

1 ÏOANNIS 4:12

Ym don uno uno uba la ïohi ïa U Blei mynno mynno ruh, hynrei, lada ngi ïa-ieit iwei ïa iwei pat, U Blei u im hapoh jong ngi, bad ïa ka jingieit jong u la pynjanai noh ha ngi.

1 ÏOANNIS 4:16

Bad ma ngi da lade ngi tip bad ngeit ïa ka jingieit kaba U Blei u don na ka bynta jong ngi. U Blei u long ka jingieit, bad uno uno uba im ha ka jingieit, u im bad U Blei bad U Blei u im hapoh jong u.

1 ÏOANNIS 4:20

Lada uno uno u ong ba u ieit ïa U Blei, hynrei u isih ïa la u parabriew, u long uba lamler. Naba um lah ban ieit ïa U Blei, ïa uba um shym ïohi, lada um ieit ïa la u parabriew ïa uba u ïohi.

1 ÏOANNIS 4:8

Uno uno u bym ieit, um ithuh ïa U Blei, naba U Blei u long ka jingieit.

1 ÏOANNIS 5:1

Uno uno uba ngeit ba U Jisu u long U Messaïah, u long u khun U Blei; bad uno uno uba ieit ïa u kpa, u ieit ïa u khun jong u ruh.

2 ÏOANNIS 1:5

Bad kumta nga kyrpad ïa phi, ko Kynthei badonburom: To ai ba baroh ngin ïa-ieit iwei ïa iwei pat. Kane kam long ka hukum kaba thymmai kaba nga thoh sha phi; ka long ka hukum kaba ngi la don naduh mynnyngkong.