1 ÏOANNIS 4:6 - Khasi CL Bible (BSI)

⁶ Hynrei ngi, ngi long ki jong U Blei. Uno uno uba ithuh ïa U Blei, u shahshkor ïa ngi; uno uno u bym long u jong U Blei, um shahshkor ïa ngi. Kane te, ka long kumno ngi lah ban ïathuh ïa ka jingïapher hapdeng U Mynsiem ka jingshisha bad u mynsiem ka jinglamler.

KA BAIBL

⁶ ma ngi, ngi long na U Blei: uta uba ithuh ïa U Blei u sngew ïa ngi; uta u bymlong na U Blei um sngew ïa ngi. Na kane ngi ithuh ïa kata ka mynsiem jong ka jingshisha, bad ïa kata ka mynsiem jong ka jingshukor.

1 ÏOANNIS 4:6 ပူးပေါင်းရင်းမြစ်များ

2 KHRONIKL 18:21

U mynsiem u jubab, ‘Ngan leit bad ngan pynlong ïa baroh ki nongïathuhlypa u Ahab ban kren lamler.’ U Trai u ong, ‘Khie leit bad shukor ïa u. Phin jop.’ ”

ISAÏAH 29:10

U Trai u la pynshoh samthiah ïa phi, bad phi sdang ban ngat ha ka jingïohthiah kaba jur. Ki nongïathuhlypa ki dei ban long ki khmat jong ki briew, hynrei U Blei u la pynmatlah ïa ki.

ISAÏAH 8:20

Me dei ban jubab ïa ki, “To shahshkor ïa kaei kaba U Trai u hikai ïa phi! Wat shahshkor ïa ki nongkren byrtong — kaei kaba ki ong ïa phi kan ym weng ïa ka jingjynjar.”

HOSIA 4:12

Ki pan ïa ki jingpynpaw na u lyngkhot dieng! u diengduh u batai ïa ki kaei ba ki kwah ban tip! Ki la iehnoh ïa nga. Kum ka briew kaba la kylla nuti, ki la aiti ïa lade ha kiwei pat ki blei.

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

MIKAH 3:8

Hynrei na ka bynta jong nga, U Trai u pyndap ïa nga da U Mynsiem bad ka bor, bad u ai ha nga ka jingsngewthuh ïa ka jingbishar hok bad ka jingshlur ban ïathuh ha ki paid Israel kiei ki long ki pop jong ki.

LOUKAS 10:22

“U Kpa jong nga u la ai ha nga ïa kiei kiei baroh. Ym don batip U Khun u long uei lait tang U Kpa, bad ym don batip U Kpa u long uei lait tang U Khun bad kito ha kiba U Khun u jied ban pynpaw ïa U.”

ÏOANNIS 10:16

Don kiwei pat ki langbrot ki bym dei na kane ka sem langbrot. Nga dei ban wallam ïa ki ruh; kin shahshkor ïa ka sur jong nga, bad kin ïalong kawei ka kynhun langbrot bad uwei u nongaplangbrot.

ÏOANNIS 10:27

Ki langbrot jong nga ki shahshkor ïa ka sur jong nga; nga ithuh ïa ki, bad ki bud ïa nga.

ÏOANNIS 10:3

U nongap jingkhang u plie ïa ka jingkhang na ka bynta jong u; ki langbrot ki ïohsngew ïa ka sur jong u katba u dang khot ïa la ki langbrot da ka kyrteng, bad u ïalam ïa ki shabar.

ÏOANNIS 13:20

Nga ïathuh ha phi ïa ka jingshisha, uno uno uba pdiang ïa uno uno uba nga phah, u pdiang ïa nga ruh; bad uno uno uba pdiang ïa nga, u pdiang ïa uta uba la phah ïa nga.”

ÏOANNIS 14:17

Uta u long U Mynsiem uba pynpaw ïa ka jingshisha shaphang U Blei. Ka pyrthei kam lah ban pdiang ïa u, namar ba kam ïohi ïa u lane ithuh ïa u. Hynrei phi ithuh ïa u, namar ba u ïaisah bad phi bad u don hapoh jong phi.

ÏOANNIS 15:26

“U Nongïarap un wan — U Mynsiem, uba pynpaw ïa ka jingshisha shaphang U Blei bad uba wan na U Kpa. Ngan phah ïa u na U Kpa, bad un kren shaphang jong nga.

ÏOANNIS 16:13

Pynban, haba U Mynsiem un wan, uba pynpaw ïa ka jingshisha shaphang U Blei, un ïalam ïa phi sha ka jingshisha baroh. Un ym kren ha ka bor jong u hi, hynrei un kren ïa kaei kaba u ïohsngew, bad un ïathuh ha phi ïa kiei kiei ki ban sa wan.

ÏOANNIS 18:37

Kumta u Pilat u la kylli ïa u, “Haba kumta, me, me dei u syiem?” U Jisu u la jubab, “Me hi me ong ba nga long u syiem. Ïa nga la kha bad nga la wan sha ka pyrthei na ka bynta kane kawei ka jingthmu, ban kren shaphang ka jingshisha. Uno uno uba dei jong ka jingshisha u shahshkor ïa nga.”

ÏOANNIS 20:21

U Jisu u la ong pat ha ki, “To ka jingsuk kan long lem bad phi. Kumba U Kpa u la phah ïa nga, kumta ruh nga phah ïa phi.”

ÏOANNIS 8:19

“Shaei uta U Kpa jong me?” ki la kylli ïa u. “Phim ithuh ïa nga lymne ïa U Kpa jong nga,” U Jisu u la jubab. “Lada phi la ithuh ïa nga, phin jin da la ithuh ïa U Kpa jong nga ruh.”

ÏOANNIS 8:23

U Jisu u la jubab, “Phi dei jong kane ka pyrthei kaba hangne ha tbian, hynrei nga wan najrong. Phi dei na kane ka pyrthei, hynrei ngam dei na kane ka pyrthei.

Ka Shithi U Paul Sha Ki Nong Rom 1:1

Na u Paul, u shakri jong U Khrist Jisu bad u apostol ba la jied bad ba la khot da U Blei ban ïalap ïa ka Khubor Babha jong u.

Ka Shithi U Paul Sha Ki Nong Rom 11:8

Kumba ka Jingthoh Bakhuid ka ong, “U Blei u la pynluin ïa ki jingmut bad ki dohnud jong ki, haduh kane hi ka sngi kim lah ban ïohi ne ïohsngew.”

1 KORINTH 14:37

Lada uno uno u pyrkhat ba u long u nonglamktien jong U Blei lane u don ka jingai ba kynja mynsiem, u dei ban tip ba kaei kaba nga thoh sha phi ka long ka hukum U Trai.

2 KORINTH 10:7

Phi khmih ïa kiei kiei kiba paw shabar. Hato don mano mano hangto uba dawa ne kaba dawa ïa lade ba phi dei jong U Khrist? La kumno kumno, ai ba un pyrkhat biang shaphang ïa lade, namar ngi long ki jong U Khrist, kumba long ma u hi.

2 THESSALONI 1:8

lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi.

1 TIMOTHI 4:1

U Mynsiem u la ong shai ba yn don ki briew ki ban iehnoh ïa ka jingngeit ha ki Ïa kiba khatduh: Kin kohnguh ïa ki mynsiem bashukor bad kin bud ïa ki jinghikai jong ki ksuid.

2 PETROS 3:2

Nga kwah ïa phi ban kynmaw ïa ki ktien ïa kiba la kren lah slem bah da ki nongïathuhlypa bakhuid, bad ïa ka hukum na U Trai bad U Nongpynim ïa kaba la ai ha phi da ki apostol.

1 ÏOANNIS 4:1

Ko ki paralok ba-ieit jong nga, wat ngeit ïa baroh kiba kam ba ki don U Mynsiem, hynrei, to phin da tynjuh ïa ki ban shem lada u mynsiem ba ki don u wan ne em na U Blei. Naba shibun ki nongïathuhlypa balamler ki la leit kylleng sawdong.

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

1 ÏOANNIS 4:8

Uno uno u bym ieit, um ithuh ïa U Blei, naba U Blei u long ka jingieit.

1 ÏOANNIS 5:19

Ngi tip ba ngi long ki jong U Blei, wat la ka pyrthei baroh kawei ka don hapoh ka jingsynshar jong u Basniew.

JUDAH 1:17

Hynrei to kynmaw, ko ki paralok jong nga, ïa kaei ba la ïathuh ha phi mynshuwa da ki apostol jong U Jisu Khrist uba U Trai jong ngi.