1 ÏOANNIS 4:4 - Khasi CL Bible (BSI)

⁴ Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

KA BAIBL

⁴ Ma phi, phi long na U Blei ko khun hep, te phi la jop thiaw ïa kita, naba u long uba kham khraw uba ha phi ban ïa uba ha ka pyrthei.

1 ÏOANNIS 4:4 ပူးပေါင်းရင်းမြစ်များ

ÏOANNIS 12:31

Mynta ka dei ka por ba ïa kane ka pyrthei yn bishar; mynta ïa u nongsynshar jong kane ka pyrthei yn pynhiar khet.

ÏOANNIS 14:30

Ngam lah ban kren bad phi kham slem, namar u nongsynshar jong kane ka pyrthei un wan. Um donbor halor jong nga, hynrei, ka pyrthei ka dei ban tip ba nga ieit ïa U Kpa; na kata ka daw balei ba nga leh ïa kiei kiei baroh kumba u hukum ïa nga. “Ale, ïa ngin ïaleit noh na kane ka jaka.

ÏOANNIS 16:11

bad ki bakla shaphang ka jingbishar, namar ba ïa u nongsynshar jong kane ka pyrthei la lah bishar.

ÏOANNIS 17:23

Ma nga ha ki bad ma me ha nga, khnang ba ka pyrthei ka lah ban tip ba me la phah ïa nga bad ba me ieit ïa ki kumba me ieit ïa nga.

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

Ka Shithi U Paul Sha Ki Nong Rom 8:37

Em, ha kine baroh ngi ïoh ïa ka jingjop baroh lyngba jong uta uba la ieit ïa ngi!

1 KORINTH 2:12

Ngim shym ïohpdiang ïa u mynsiem jong kane ka pyrthei, pynban, ngi lah ïohpdiang ïa U Mynsiem ba la phah da U Blei, khnang ba ngin lah ban tip ïa baroh kaba U Blei u la ai ha ngi.

1 KORINTH 6:13

Don uwei pat u ban ong, “Ka jingbam ka dei na ka bynta ka kpoh, bad ka kpoh na ka bynta ka jingbam.” Ho-oid, hynrei U Blei un sa pynduh ïa baroh ar. Ïa ka met ym dei ban pyndonkam na ka bynta ka kam awria, hynrei ïa ka ban shakri ïa U Trai; bad U Trai u bsa ïa ka met.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

EPHESOS 2:2

Ha kata ka por phi bud ïa ka rukom im basniew jong ka pyrthei; phi la kohnguh ïa u nongsynshar jong ki bor mynsiem ha ka haw haw, u mynsiem uba synshar mynta ïa ki briew ki bymkohnguh ïa U Blei.

EPHESOS 3:17

Nga duwai ban pynsuhthied ïa phi bad pynshong nongrim ha ka jingieit,

EPHESOS 6:10

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

1 ÏOANNIS 2:1

Nga thoh ïa kane ha phi, ko ki khun jong nga, khnang ba phin ym leh pop; hynrei lada uno uno u leh pop, ngi don uwei uba ïasaid bad U Kpa na ka bynta jong ngi — U Jisu Khrist, uta uba hok.

1 ÏOANNIS 2:13

Nga thoh sha phi, ko ki kpa, namar phi ithuh ïa u uba la long naduh kaba mynnyngkong. Nga thoh sha phi, ko ki khun samla, namar phi la jop noh thiaw ïa Uta u Basniew.

1 ÏOANNIS 3:20

Lada ka jingïatiplem jong ngi ka pynrem ïa ngi, ngi tip ba U Blei u kham khraw ban ïa ka jingïatiplem jong ngi bad ba u tip ïa kiei kiei baroh.

1 ÏOANNIS 3:24

Uno uno uba kohnguh ïa ki hukum jong U Blei, u ïaisah ha U Blei bad U Blei u ïaisah ha u. Bad dei namar U Mynsiem uba U Blei u la ai ha ngi, ngi tip ba U Blei u ïaisah ha ngi.

1 ÏOANNIS 4:13

Ngi sngewskhem ba ngi im ha U Blei bad ba u im hapoh jong ngi, namar ba u la ai ha ngi ïa U Mynsiem jong u.

1 ÏOANNIS 4:16

Bad ma ngi da lade ngi tip bad ngeit ïa ka jingieit kaba U Blei u don na ka bynta jong ngi. U Blei u long ka jingieit, bad uno uno uba im ha ka jingieit, u im bad U Blei bad U Blei u im hapoh jong u.

1 ÏOANNIS 4:6

Hynrei ngi, ngi long ki jong U Blei. Uno uno uba ithuh ïa U Blei, u shahshkor ïa ngi; uno uno u bym long u jong U Blei, um shahshkor ïa ngi. Kane te, ka long kumno ngi lah ban ïathuh ïa ka jingïapher hapdeng U Mynsiem ka jingshisha bad u mynsiem ka jinglamler.

1 ÏOANNIS 5:19

Ngi tip ba ngi long ki jong U Blei, wat la ka pyrthei baroh kawei ka don hapoh ka jingsynshar jong u Basniew.

1 ÏOANNIS 5:4

namar man u khun U Blei u lah ban jop noh thiaw ïa ka pyrthei. Bad ngi ïoh ïa ka jingjop halor ka pyrthei lyngba ka jingngeit jong ngi.

JINGPYNPAW 12:11

Ki hynmen ki para jong ngi ki la ïoh ka jingjop halor jong u da ka snam jong U Khunlangbrot bad da ka jingshisha kaba ki la pynbna; bad ki la mon bad aiti ïa la ka jingim bad ban ïap.