1 ÏOANNIS 4:1 - Khasi CL Bible (BSI)

¹ Ko ki paralok ba-ieit jong nga, wat ngeit ïa baroh kiba kam ba ki don U Mynsiem, hynrei, to phin da tynjuh ïa ki ban shem lada u mynsiem ba ki don u wan ne em na U Blei. Naba shibun ki nongïathuhlypa balamler ki la leit kylleng sawdong.

KA BAIBL

¹ Ko hep ba-ieit, wat ngeit ïa ki mynsiem baroh, hynrei, to phin tynjuh ïit ïa kita ki mynsiem, la ki long ne em na U Blei: naba shibun ki nongïathuhlypa balamler ki la leit mih noh sha ka pyrthei.

1 ÏOANNIS 4:1 ပူးပေါင်းရင်းမြစ်များ

1 SYIEM 13:18

Te u nongïathuhlypa tymmen uba na Bethel u ong ha u, “Nga ruh nga dei u nongïathuhlypa kum ma phi, bad ha ka hukum jong U Trai, u angel u la ong ïa nga ban ïalam ïa phi sha ïing bad ban ai ïa ka jingpdiang sngewbha ïa phi.” Hynrei u nongïathuhlypa tymmen u lamler.

PROBERB 14:15

Uba bieit un ngeit ïa kaei kaei baroh; ki briew kiba sian ki da khmih ïa la ka jingjam.

JEREMAÏAH 14:14

Hynrei U Trai u la jubab, “Ki nongïathuhlypa ki ïathuh ïa ki jinglamler ha ka kyrteng jong nga; ngam shym phah ïa ki, lymne ngam shym la ai kino kino ki hukum lane kren shikyntien ha ki. Ki jingïohipaw kiba ki ïakren kim shym wan na nga; ki jingïathuh lypa ki long kiei kiei ki bymdondor kiba ki la mutdur.

JEREMAÏAH 23:16

U Trai Badonbor Baroh u ong ha ki briew ka Jerusalem: “Wat sngap ïa kaei kaba ki nongïathuhlypa ki ong; ki pyndap ïa phi da ki jingkyrmen bymshisha. Ki ïathuh ïa phi ïa kaei kaba ki shu mutdur bad ym ïa kaei kaba nga la ong.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

MARKOS 13:21

“Te, lada uno uno u ong ha phi, ‘Khmih, hangne u don U Messaïah!’ lane, ‘Khmih, hangtai u don!’ — wat ngeit ïa u.

LOUKAS 12:57

“Balei phim bishar na ka bynta ïa lade hi ïa kaei kaba dei ban leh?

LOUKAS 21:8

U Jisu u la ong, “Sumar; wat shah shukor. Kiba bun ki rangbah, kiba kam ba ki kren na ka bynta jong nga, kin wan bad ong, ‘Nga long ma u!’ bad, ‘Ka por ka la poi!’ Hynrei wat bud ïa ki.

KI KAM 17:11

Ki briew hangta ki long kiba kham ïar jingmut ban ïa ki briew kiba ha Thessaloni. Ki la shahshkor ïa ka khubor da ka jingangnud bakhraw, bad man ka sngi ki ju pule bniah ïa ki Jingthoh Bakhuid ban khmih lada kaei kaba u Paul u ong ka long kaba shisha.

KI KAM 20:29

Nga tip ba hadien ba nga leit noh, ki suri barunar sat kin wan hapdeng jong phi, bad kin ym map ïa ka kynhun.

1 KORINTH 12:10

U Mynsiem u ai ha uwei ïa ka bor ban leh ïa ki kambah; ha uwei pat, ïa ka jingai ban kren ïa ka khubor jong U Blei; bad sa ha uwei pat, ka jinglah ban ïathuh ïa ka jingïapher hapdeng kine ki jingai kiba wan na U Mynsiem bad kito ki bym dei na U Mynsiem. Ha uwei u ai ïa ka jinglah ban kren ha ki thylliej bapher, bad ha uwei pat, u ai ïa ka jinglah ban batai ïa kaei kaba la kren ha ki thylliej bapher.

1 KORINTH 14:29

Ar ne lai ngut kiba ïoh ïa ka khubor U Blei ki dei ban kren, katba kiwei pat kin bishar ïa kaei kaba ki kren.

1 THESSALONI 5:20

wat ñiewbeiñ ïa ki khubor ba la pyrsad mynsiem.

1 THESSALONI 5:21

Da tynjuh ïa kiei kiei baroh: Bat ïa kaei kaba bha

2 THESSALONI 2:2

ban ym shah pynshaïong jingmut da kaba suk ha ka jingpyrkhat jong phi lane ban shah pynkhuslai da ka jingkam ba ka Sngi jong U Trai ka la lah wan. Lehse ka long ba la mut ba ngi la ong ïa kane katba ngi dang ïathuhlypa lane ïalap, lane ba ngi la thoh ïa ka ha ka shithi.

1 TIMOTHI 4:1

U Mynsiem u la ong shai ba yn don ki briew ki ban iehnoh ïa ka jingngeit ha ki Ïa kiba khatduh: Kin kohnguh ïa ki mynsiem bashukor bad kin bud ïa ki jinghikai jong ki ksuid.

2 TIMOTHI 3:13

bad ki briew kiba sniew bad kiba shukor kin nang ïaid na kaba sniew sha kaba kham sniew, da kaba shukor ïa kiwei bad shah shukor ïa lade.

2 PETROS 2:1

Ki nongïathuhlypa balamler ki la ju mih ha ki por ba la leit noh hapdeng ki briew, bad ha kajuh ka rukom, ki nonghikai balamler kin mih hapdeng jong phi. Kin wallam ïa ki jinghikai bapynjot bad bymshisha ïa ki jinghikai shongtynrai bad kin len ïa U Kynrad uba la siewspah ïa ki, bad kumta kin wallam ha lade ïa ka jingpynjot kaba kynsan.

1 ÏOANNIS 2:18

Ko ki khun jong nga, kaba kut ka la jan! La ïathuh ha phi ba u Nongshun jong U Khrist un sa wan; bad mynta ki nongshun babun jong U Khrist ki la lah paw, bad kumta ngi tip ba kaba kut ka la jan.

1 ÏOANNIS 2:7

Ko ki paralok ba-ieit jong nga, kane ka hukum kaba nga thoh sha phi kam long kaba thymmai; ka long ka hukum kaba rim, kata kaba phi la ïoh naduh kaba mynnyngkong eh. Ka hukum barim ka long ka khubor kaba phi la lah ïohsngew.

2 ÏOANNIS 1:7

Kiba bun ki nongshukor ki la leit sha ka pyrthei baroh, ki briew ki bym pdiang ba U Jisu Khrist u la wan kum u briew. Kum uta u briew, u long u nongshukor bad u Nongshun jong U Khrist.

3 ÏOANNIS 1:11

Ko paralok ba-ieit jong nga, to wat pyrthuh bud ïa kaei kaba sniew, hynrei to pyrthuh bud ïa kaei kaba bha. Uno uno uba leh ïa kaba bha u long u jong U Blei; uno uno uba leh ïa kaei kaba sniew um pat shym la ïohi ïa U Blei.

JINGPYNPAW 2:2

Nga tip ïa kaei kaba pha la leh; nga tip katno pha la trei shitom bad katno pha la long kaba ïaishah. Nga tip ba pham lah ban shah ïa ki briew kiba sniew bad ba pha la tynjuh ïa kito kiba ong ba ki dei ki apostol hynrei kim dei, bad pha la shem ba ki long kiba lamler.