1 ÏOANNIS 3:7 - Khasi CL Bible (BSI)

⁷ To wat ai ba uno uno un shukor ïa phi, ko ki khun jong nga! Uno uno uba leh ïa kaei kaba dei, u long uba hok, kumba U Khrist u long uba hok.

KA BAIBL

⁷ Ko khun hep, wat ai ïano ïano ruh ba un ïalam bakla ïa phi; jar uba ïai-leh ïa ka hok u long u bahok, kat kumba ma u, u long u bahok.

1 ÏOANNIS 3:7 ပူးပေါင်းရင်းမြစ်များ

SALM 106:3

Suk kito kiba kohnguh ïa ki hukum jong u, kiba leh borabor ïa kaei kaba dei.

SALM 45:7

Me ieit ïa kata kaba dei bad me isih ïa kata kaba sniew. Dei na kata ka daw ba U Blei, U Blei jong me, u la jied ïa me bad u la theh ha me ïa ka jingkmen palat ban ïa uno uno uwei pat u syiem.

MATHAÏOS 5:20

Kumta, nga ong ïa phi, ba phin lah ban rung shapoh ka Hima ki bneng tang lada phi ïaineh skhem kham palat ban ïa ki nonghikai Aiñ bad ki Pharisi ha kaba leh ïa kaei kaba U Blei u dawa.

LOUKAS 1:75

khnang ba ngi lah ban long kiba khuid bad kiba hok ha khmat jong u baroh ki sngi ka jingim jong ngi.

KI KAM 10:35

Kito kiba mane ïa u bad kiba leh ïa kaba dei ki long kiba la pdiang sngewbha da u, kam pher na kano ka jaitbynriew ki long.

Ka Shithi U Paul Sha Ki Nong Rom 2:13

Naba ym dei da kaba ïohsngew ïa ka Hukum ba ki briew ki don ka jingïadei bad U Blei, hynrei da kaba leh ïa kaei kaba ka Hukum ka dawa.

1 KORINTH 6:9

Shisha phi tip ba ki bymman kin ym ïohkynti ïa ka Hima U Blei. To wat shukor ïa lade; ki briew kiba awria lane kiba mane ïa ki bleithaw lane kiba klim lane kiba leh khyllah para shynrang

EPHESOS 5:6

Wat shah ïano ïano ban shukor ïa phi da ki ktien bieit, namar dei na kine kiei kiei ba ka jingbitar U Blei kan wan ha kito ki bymkohnguh ïa u.

EPHESOS 5:9

naba ka dei ka jingshai kaba pynmih ïa ka jingot kaba kyrhai ha baroh ki jinglong babha, bahok, bad bashisha.

PHILIPPI 1:11

Ïa ka jingim jong phi yn pyndap da ki jinglong babha shisha kiba tang U Jisu Khrist u lah ban pynmih, na ka bynta ka burom bad ka jingïaroh ïa U Blei.

HEBRU 1:8

Hynrei ïa U Khun, U Blei u la ong: “Ka hima jong me, A Blei, kan neh junom la junom! Me synshar halor la ki briew da ka hok.

HEBRU 7:2

bad u Abraham u la ai ïa u kawei-na-kaba-shiphew na baroh kaba u la lum, (ka jingmut kaba nyngkong jong ka kyrteng u Melkhisedek ka long “U syiem jong ka hok;” bad namar ba u la long u syiem jong ka Salem, ka kyrteng jong u ruh ka mut “U syiem jong ka Jingsuk.”)

JAKOB 1:22

Wat shukor ïa lade tang da kaba sngap ïa ka ktien jong u; pynban, to pyntreikam ïa ka.

JAKOB 2:19

Hato phi ngeit ba don tang uwei U Blei? Kata ka bha! Ki ksuid ruh ki ngeit — bad ki kyiuh da ka jingsheptieng!

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.

1 ÏOANNIS 2:1

Nga thoh ïa kane ha phi, ko ki khun jong nga, khnang ba phin ym leh pop; hynrei lada uno uno u leh pop, ngi don uwei uba ïasaid bad U Kpa na ka bynta jong ngi — U Jisu Khrist, uta uba hok.

1 ÏOANNIS 2:26

Nga thoh ïa kane sha phi shaphang kito kiba pyrshang ban shukor ïa phi.

1 ÏOANNIS 2:29

Phi tip ba U Khrist u long uba hok; phi dei ban tip, namarkata, ba uei uei baroh uba leh ïa kaei kaba dei u long u khun U Blei.

1 ÏOANNIS 3:18

Ko ki khun jong nga, ka jingieit jong ngi kam dei ban long tang da ki ktien bad ka jingkren; ka dei ban long ka jingieit kaba shisha, kaba pynpaw ïa lade da ka kam.

1 ÏOANNIS 3:3

Uwei pa uwei uba don ïa kane ka jingkyrmen ha U Khrist, u ri khuid ïa lade, kumba U Khrist u long uba khuid.

1 ÏOANNIS 4:17

Ïa ka jingieit la pynjanai noh ha ngi, ba ngin don ka jingshlur ha ka Sngi ka Jingbishar; bad ngin don ïa ka namar ka jingim jong ngi ha kane ka pyrthei ka long kumjuh kum ka jong U Khrist.