1 ÏOANNIS 3:2 - Khasi CL Bible (BSI)

² Ko ki paralok ba-ieit jong nga, mynta ngi long ki khun U Blei, hynrei kam pat da shai aïu ngin sa long. Hynrei ngi tip ba ynda U Khrist un paw, ngin ïoh long kum ma u, namar ngin ïohi ïa u kumba u long da shisha.

KA BAIBL

² Ko hep ba-ieit, mynta ngi long ki khun U Blei, bad ym pat la pynpaw ïa kaei ba ngin sa long; hynrei, ngi tip ba, ynda la pynpaw ïa u, ngin long kiba kum ma u; naba ngin ïohi ïa u kumba u long hi.

1 ÏOANNIS 3:2 ပူးပေါင်းရင်းမြစ်များ

Ka Kitab U Job 19:26

Wat lada hadien ba la bam noh ïa ka doh jong nga da ka jingpang, wat ha kane hi ka met ngan ïohi ïa U Blei.

SALM 16:11

Men pyn-i ha nga ïa ka lynti kaba lam sha ka jingim; ka jingdon ryngkat ka jong me ka pyndap ïa nga da ka jingkmen, bad ka wallam ha nga ka jingsngewbha junom.

SALM 17:15

Hynrei nga, ngan ïohi ïa me, namar ngam shym leh kaei kaei kaba bakla; bad haba nga kyndit, ka jingdon ryngkat ka jong me kan pyndap ïa nga da ka jingkmen.

SALM 31:19

Katno ki long kiba phylla kiei kiei kiba bha ba me sumar ïa kito kiba pyndonburom ïa me! Baroh ki tip katno me long uba bha, katno skhem ka jingïada jong me ïa kito kiba shaniah ha me.

ISAÏAH 56:5

te ïa ka kyrteng jong me yn ïai kynmaw ha ka templ jong nga bad hapdeng ki briew jong nga kham slem ban ïa kaba me don ki khun shynrang bad ki khun kynthei. Yn ym klet ïa me lano lano ruh.”

MALAKHI 3:2

Hynrei uei uba lah ban ïai ap ïa ka sngi haba un wan? Uei uba lah ban lait im haba un paw? Un long kum ka sabon basboh bha, kum ka ding kaba phrang ïa ka nar.

MATHAÏOS 5:8

Suk kiba khuid ha ka dohnud; kin ïohi ïa U Blei!

LOUKAS 17:30

Kata ka long kumno kan jia ha ka sngi ba yn pynpaw ïa U Khun U Briew.

LOUKAS 20:36

Kin long kum ki angel bad kim lah ban ïap. Ki long ki khun jong U Blei, naba ki la mihpat na kaba ïap.

ÏOANNIS 1:12

Katto katne pat, ki la pdiang ïa u bad ki la ngeit ha u; kumta u la ai bor ha ki, ban long ki khun U Blei.

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

Ka Shithi U Paul Sha Ki Nong Rom 8:16

U Mynsiem jong U Blei u pynïasoh lang ïa lade bad ki mynsiem jong ngi ban pynbna ba ngi long ki khun jong U Blei.

Ka Shithi U Paul Sha Ki Nong Rom 8:18

Nga sngew ba kaei kaba ngi shahshitom ha kane ka por kaba mynta, ym lah ban ïanujor satia bad ka burom ïa kaba yn sa pynpaw ha ngi.

Ka Shithi U Paul Sha Ki Nong Rom 8:19

Ki jingthaw baroh ki ap da ka jingthrang hir hir ba U Blei un pynpaw ïa ki khun jong u.

Ka Shithi U Paul Sha Ki Nong Rom 8:29

Kito ïa kiba U Blei u la lah jied lypa u la pynkyrpang ruh ban long kum U Khun jong u, khnang ba U Khun un long uba nyngkong hapdeng ki para.

1 KORINTH 13:12

Kaei kaba ngi ïohi mynta ka long kum ka dur kaba byrngut ha ka ïitkhmih; nangta ngin sa ïohi markhmat. Kaei kaba nga tip mynta ka long tang katto katne; nangta kan sa long kaba dap pura — kaba dap pura kum ka jingtip jong U Blei ïa nga.

1 KORINTH 15:49

Kumba ngi kup ïa ka dur u briew ïa uba la thaw na ka dewmet, kumta ngin kup ïa ka dur u Briew uba na bneng.

1 KORINTH 2:9

Pynban, kumba ka Jingthoh Bakhuid ka ong: “Ïa kaei kaba ym pat don mano mano ba la ïohi ne ïohsngew, ïa kaei kaba ym pat don mano mano ba la pyrkhat ba lah ban jia, ka long kata hi kaei kaei kaba U Blei u la pynkhreh ïa kito kiba ieit ïa u.”

2 KORINTH 3:18

Te, baroh na ngi, ngi phalang ïa ka burom jong U Trai da ki durkhmat ba khlem tap; bad kata kajuh ka burom, kaba wan na U Trai, uba long U Mynsiem, ka pynkylla dur ïa ngi sha ka jingïasyriem ïa u ha kata ka kyrdan kaba kham khraw jong ka burom.

2 KORINTH 4:17

Bad kane ka jingshahshitom kaba khyndiat bad kaba tang shipor kaba ngi shah kan wallam ha ngi ïa ka burom bakhraw bad ba bymjukut, kaba kham khraw palat ban ïa kata ka jingjynjar.

GALATIA 3:26

Ka dei lyngba ka jingngeit ba phi baroh phi long ki khun U Blei ha U Khrist Jisu.

GALATIA 4:6

Ban pyn-i ba phi dei ki khun jong u, U Blei u la phah ïa U Mynsiem jong U Khun jong u ha ki dohnud jong ngi, U Mynsiem uba kyang, “Ko Pa, Pa jong nga.”

PHILIPPI 3:21

U ban pynkylla ïa ki met batlot jong ngi bad pynlong ïa ki kum ka met ba-dap da ka burom jong u hi, da kata ka bor da kaba u lah ban wallam ïa kiei kiei baroh hapoh ka jingsynshar jong u.

KOLOSSAI 3:4

Ka jingim bashisha jong phi ka long U Khrist, bad haba u mihpaw, te ma phi ruh phin mihpaw lem bad u bad ïoh bynta ïa ka burom jong u!

HEBRU 9:28

Ha kajuh ka rukom, U Khrist ruh u la kñia ainguh tang shisien ban bah noh ïa ki pop jong kiba bun. Un sa paw ha ka sien kaba ar, ym ban weng noh ïa ka pop, hynrei ban pynim ïa kita kiba ap khmih lynti ïa u.

2 PETROS 1:4

Ha kane ka rukom, u la ai ha ngi ïa ki jingai kiba khraw eh bad ba kordor ïa kiba u la kular, khnang ba lyngba kine ki jingai phi lah ban phet ïap noh na ka jingkwah brai bapynjot kaba don ha ka pyrthei, bad ba ngi lah ban wan ïashim bynta ha ka jinglong ba kynja Blei.

1 ÏOANNIS 2:28

Ho-oid, ko ki khun jong nga, to ïaisah ha u, khnang ba ynda u wanpaw, ngin long kiba dap da ka jingshlur bad ngim donkam ban rieh ha ka jinglehrain na u ha ka Sngi kaba u wan.

1 ÏOANNIS 2:7

Ko ki paralok ba-ieit jong nga, kane ka hukum kaba nga thoh sha phi kam long kaba thymmai; ka long ka hukum kaba rim, kata kaba phi la ïoh naduh kaba mynnyngkong eh. Ka hukum barim ka long ka khubor kaba phi la lah ïohsngew.

1 ÏOANNIS 3:1

Ha khmih haduh katno U Kpa u la ieit ïa ngi! Ka jingieit jong u ka long kaba khraw katta katta ba ïa ngi la khot ki khun U Blei — bad kumta, ha ka jingshisha, ngi long. Dei kane ba balei ka pyrthei kam ithuh ïa ngi: Kam pat la ithuh ïa U Blei.

1 ÏOANNIS 3:10

Kane ka long ka jingïapher kaba shai kdar hapdeng ki khun U Blei bad ki khun u Soitan: Uno uno u bym leh ïa kaei kaba dei lane u bym ieit ïa la u hynmen u para um long u khun U Blei.

1 ÏOANNIS 3:21

Bad kumta, ko ki paralok ba-ieit jong nga, lada ka jingïatiplem kam pynrem ïa ngi, ngi don ka jingshlur ha khmat U Blei.

1 ÏOANNIS 5:1

Uno uno uba ngeit ba U Jisu u long U Messaïah, u long u khun U Blei; bad uno uno uba ieit ïa u kpa, u ieit ïa u khun jong u ruh.

JINGPYNPAW 22:4

Kin ïohi ïa ka durkhmat jong u, bad ïa ka kyrteng jong u yn thoh ha ki shyllangmat jong ki.