1 ÏOANNIS 3:1 - Khasi CL Bible (BSI)

¹ Ha khmih haduh katno U Kpa u la ieit ïa ngi! Ka jingieit jong u ka long kaba khraw katta katta ba ïa ngi la khot ki khun U Blei — bad kumta, ha ka jingshisha, ngi long. Dei kane ba balei ka pyrthei kam ithuh ïa ngi: Kam pat la ithuh ïa U Blei.

KA BAIBL

¹ Ha khmih phi, kaba kumno ka jingieit uta U Kpa u la ai ha ngi, ba la khot ïa ngi “ki khun U Blei”: bad kumta ngi long. Namar kane keiñ, kata ka pyrthei kam ithuh ïa ngi, naba kam shym la ithuh ïa u.

1 ÏOANNIS 3:1 ပူးပေါင်းရင်းမြစ်များ

2 SAMUEL 7:19

Pynban, mynta me la leh kham bun, A Trai Nongsynshar; me la pynlong ki jingkular shaphang ki khun ki ksiew jong nga ha ki snem ki ban wan. Bad me shah ïa u briew ban ïohi ïa kane, A Trai Nongsynshar!

SALM 31:19

Katno ki long kiba phylla kiei kiei kiba bha ba me sumar ïa kito kiba pyndonburom ïa me! Baroh ki tip katno me long uba bha, katno skhem ka jingïada jong me ïa kito kiba shaniah ha me.

JEREMAÏAH 3:19

U Trai u ong, “Ko Israel, nga la kwah ban pdiang ïa pha kum u khun jong nga bad ai ha pha ïa ka ri kaba pynkmen, ka ri kaba itynnat tam ha ka pyrthei baroh kawei. Nga la kwah ïa pha ban khot pa ïa nga bad ban ym phai shuh da lei lei na nga.

HOSIA 1:10

Ki briew ka Israel kin sa bun kum u shyiap ka duriaw, kin bun haduh bym lah shuh ban ñiew lane ban thew. Mynta U Blei u ong ïa ki, “Phim dei ki briew jong nga,” hynrei ka sngi kan poi ha kaba un ong ha ki, “Phi dei ki khun jong U Blei uba im.”

LOUKAS 20:36

Kin long kum ki angel bad kim lah ban ïap. Ki long ki khun jong U Blei, naba ki la mihpat na kaba ïap.

ÏOANNIS 1:12

Katto katne pat, ki la pdiang ïa u bad ki la ngeit ha u; kumta u la ai bor ha ki, ban long ki khun U Blei.

ÏOANNIS 15:21

Hynrei kin leh ïa kane baroh ïa phi namar ba phi long ki jong nga; naba kim ithuh ïa uta uba la phah ïa nga.

ÏOANNIS 16:3

Ki briew kin leh ïa kine kiei kiei ïa phi namar ba kim pat ithuh ïa U Kpa lymne ïa nga.

ÏOANNIS 17:25

Ko Pa Bahok! Ka pyrthei kam ithuh ïa me, hynrei nga ithuh ïa me, bad kine ki tip ba me la phah ïa nga.

ÏOANNIS 3:16

Naba U Blei u la ieit katta katta ïa ka pyrthei kat haduh ba u la aiti noh ïa U Khun ba tang marwei jong u, ba uno uno uba ngeit ha u un ym ïap noh hynrei un ïoh ïa ka jingim bymjukut.

Ka Shithi U Paul Sha Ki Nong Rom 5:8

Hynrei U Blei u la pyn-i ha ngi haduh katno ba u ieit ïa ngi — ka la long mynba ngi dang long ki nongpop ba U Khrist u la ïap na ka bynta jong ngi!

Ka Shithi U Paul Sha Ki Nong Rom 8:19

Ki jingthaw baroh ki ap da ka jingthrang hir hir ba U Blei un pynpaw ïa ki khun jong u.

Ka Shithi U Paul Sha Ki Nong Rom 8:21

ba ïa ki jingthaw hi ha kawei ka sngi yn pyllaitluid na ki jinglongmraw sha ka jingpyut bad ban ïadon bynta ha ka jinglaitluid badonburom jong ki khun jong U Blei.

Ka Shithi U Paul Sha Ki Nong Rom 8:32

Da shisha ym U Blei, u bym shym la tyngkai wat ïa la u jong U Khun hi, hynrei uba la ai sngewbha ïa u na ka bynta jong ngi baroh! U la ai ha ngi ïa la U Khun — hato un ym ai sngewbha ïa kiei kiei baroh?

2 KORINTH 6:18

Ngan long U Kpa jong phi, bad phin long ki khun shynrang bad ki khun kynthei jong nga, ong U Trai Badonbor Baroh.”

GALATIA 3:26

Ka dei lyngba ka jingngeit ba phi baroh phi long ki khun U Blei ha U Khrist Jisu.

GALATIA 3:29

Lada phi dei ki jong U Khrist, te, phi long ki nonghiarpateng u Abraham bad phin ïohpdiang ïa kaei kaba U Blei u la kular.

DEUTERONOMI 14:1

“Phi dei ki briew jong U Trai U Blei jong phi. Kumta haba phi ïam haba ïap mano mano, wat pynmong ïa lade lane khi ïa ki bynta ka khmat jong phi, kumba leh kiwei pat ki jaitbynriew.

KOLOSSAI 3:3

Naba phi la ïap, bad ïa ka jingim jong phi la buhrieh lem bad U Khrist ha U Blei.

1 ÏOANNIS 3:10

Kane ka long ka jingïapher kaba shai kdar hapdeng ki khun U Blei bad ki khun u Soitan: Uno uno u bym leh ïa kaei kaba dei lane u bym ieit ïa la u hynmen u para um long u khun U Blei.

1 ÏOANNIS 3:2

Ko ki paralok ba-ieit jong nga, mynta ngi long ki khun U Blei, hynrei kam pat da shai aïu ngin sa long. Hynrei ngi tip ba ynda U Khrist un paw, ngin ïoh long kum ma u, namar ngin ïohi ïa u kumba u long da shisha.

1 ÏOANNIS 4:17

Ïa ka jingieit la pynjanai noh ha ngi, ba ngin don ka jingshlur ha ka Sngi ka Jingbishar; bad ngin don ïa ka namar ka jingim jong ngi ha kane ka pyrthei ka long kumjuh kum ka jong U Khrist.

JINGPYNPAW 21:7

Uno uno uba ïoh ïa ka jingjop un ïohpdiang ïa kane na nga: Ngan long U Blei jong u, bad un long u khun jong nga.