1 ÏOANNIS 2:8 - Khasi CL Bible (BSI)

⁸ Pynban, ka hukum kaba nga thoh mynta sha phi ka long kaba thymmai, namar ka jingshisha jong ka, ka la paw ha U Khrist bad kumjuh ruh ha phi. Naba ka jingdum ka la jah noh, bad ka jingshai kaba shisha ka la da tyngshaiñ.

KA BAIBL

⁸ Pat, ïa ka hukum bathymmai nga thoh ha phi, kaba long kaba shisha ha u bad ha phi; naba kata ka jingdum ka ïaid jah noh, bad kata ka jingshai kaba shisha ka la tyngshaiñ hi mynta.

1 ÏOANNIS 2:8 ပူးပေါင်းရင်းမြစ်များ

SALM 27:1

U Trai u long ka jingshai jong nga bad ka jingpynim jong nga; ngan ym sheptieng ïano ïano ruh. U Trai u ïada ïa nga na ki jingjynjar baroh; ngan ym sheptieng lano lano ruh.

SALM 36:9

Me long ka tyllong jong ka jingim baroh; bad namar ka jingshai jong me ngi ïohi ïa ka jingshai.

SALM 84:11

U Trai u long u nongïada jong ngi bad u syiem uba donburom; u kyrkhu ïa ngi da ka jingbhasbun bad ka burom. Um kyntait ïa kaei kaei kaba bha na kito kiba leh ïa kaei kaei kaba dei.

ISAÏAH 9:2

Ki briew kiba la ïaid ha ka jingdum ki la ïohi ïa ka jingshai kaba khraw. Ki la shong ha ka ri jong ki syrngiew, hynrei mynta ka jingshai ka la tyngshaiñ halor jong ki.

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

MATHAÏOS 4:16

Ki briew kiba shong ha ka jingdum kin ïohi ïa ka jingshai kaba khraw. Ha kito kiba im ha ka ri ba-dum jong ka jingïap ka jingshai kan tyngshaiñ.”

LOUKAS 1:79

bad ban tyngshaiñ na bneng halor kito baroh kiba im ha ka syrngiew ba-dum jong ka jingïap, ban ïalam ïa ki sien jam jong ngi ha ka lynti jong ka jingsuk.”

ÏOANNIS 1:9

Kane ka la long ka jingshai kaba shisha — ka jingshai kaba wan sha ka pyrthei bad pynshai ha u bynriew baroh.

ÏOANNIS 12:35

U Jisu u la jubab, “Ka jingshai kan don hapdeng jong phi sa katto katne por. To nang ïaid katba ka jingshai ka dang don, ba ka jingdum kan ym wan lap ïa phi; naba uta uba ïaid ha ka jingdum um tip shano ba u leit.

ÏOANNIS 12:46

Nga la wan sha ka pyrthei kum ka jingshai, ba baroh kiba ngeit ha nga kin ym sah ha ka jingdum.

ÏOANNIS 13:34

Bad mynta nga ai ha phi ka hukum kaba thymmai; to ïa-ieit iwei ïa iwei.

ÏOANNIS 8:12

U Jisu u la kren biang ha ki Pharisi. “Nga long ka Jingshai jong ka Pyrthei,” u la ong. “Uno uno uba bud ïa nga un ïoh ïa ka jingshai jong ka jingim bad da lei lei un ym ïaid ha ka jingdum.”

KI KAM 17:30

U Blei u la peit lyndet ïa ki por haba ki briew kim shym la ithuh ïa u, hynrei mynta u hukum ïa ki baroh kylleng sawdong ban phai noh ïa ki lynti bymman jong ki.

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

Ka Shithi U Paul Sha Ki Nong Rom 13:12

Ka miet ka la jan kut, ka sngi ka la jan sdang. To ngin ïasangeh noh na kaba leh ïa kiei kiei kiba long jong ka jingdum, bad to ngin kieng ïa ki atiar ka jingïaleh ha ka jingshai.

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.

EPHESOS 5:8

Phi hi phi la ju long mynno mynno ha ka jingdum, hynrei namar phi la long ki briew jong U Trai, phi long ha ka jingshai. Kumta phi dei ban im kum ki briew kiba don ha ka jingshai,

2 TIMOTHI 1:10

U la ai ha ngi ïa kane ka jingaiei lyngba U Khrist Jisu ha shuwa ban sdang ka pyrthei, hynrei mynta la pynpaw da ka jingwan U Nongpynim jong ngi, U Khrist Jisu. U la pynkut noh ïa ka bor jong ka jingïap bad lyngba ka Gospel la pynpaw ïa ka jingim bymïap shuh.

1 PETROS 1:21

Da u, phi ngeit ha U Blei, uba la pynmihpat ïa u na ka jingïap bad la ai ha u ïa ka burom; bad kumta ïa ka jingngeit bad ka jingkyrmen jong phi la pynskhem ha U Blei.

1 ÏOANNIS 3:23

Kaei kaba u hukum ka long ba ngi ngeit ha U Jisu Khrist, U Khun jong u bad ngi ïa-ieit iwei ïa iwei, kumba U Khrist u la hukum ïa ngi.

1 ÏOANNIS 4:11

Ko ki paralok ba-ieit, lada kane ka long kumno U Blei u la ieit ïa ngi, te ma ngi, ngi dei ban ïa-ieit iwei ïa iwei pat.

1 ÏOANNIS 4:21

Ka hukum kaba U Khrist u la ai ha ngi ka long kane: Uno uno uba ieit ïa U Blei u dei ban ieit ïa la u parabriew ruh.