1 ÏOANNIS 2:5 - Khasi CL Bible (BSI)

⁵ Hynrei uno uno uba kohnguh ïa ka ktien jong u, u long uta uba ïa ka jingieit ïa U Blei la pynjanai da shisha. Dei da kane ba kumno ngi lah ban sngewskhem ba ngi long ha U Blei:

KA BAIBL

⁵ Hynrei, jar uba da sumar ïa kata ka ktien jong u, da shisha ha uta, la pynjanai noh ïa ka jingieit U Blei. Ha kane ngi tip ba ngi long ha u.

1 ÏOANNIS 2:5 ပူးပေါင်းရင်းမြစ်များ

SALM 105:45

khnang ba ki briew jong u kin kohnguh ïa ki aiñ jong u bad ban bat ïa ki hukum jong u baroh. Ïaroh ïa U Trai!

SALM 106:3

Suk kito kiba kohnguh ïa ki hukum jong u, kiba leh borabor ïa kaei kaba dei.

SALM 119:146

Nga khot kyrpad ïa me, to pynim ïa nga, bad ngan sumar ïa ki aiñ jong me.

SALM 119:2

Suk kito kiba bud ïa ki hukum jong u, kiba kohnguh ïa u da la ka dohnud baroh.

SALM 119:4

A Trai me la ai ha ngi ïa ki aiñ jong me bad me la ong ïa ngi ban kohnguh biang biang ïa ki.

PROBERB 28:7

U samla uba kohnguh ïa ka aiñ u dei uba stad. Uta uba ïalong paralok bad ki bymlarkam ei ei u pynjahburom ïa la u kpa.

PROBERB 8:32

“Te mynta, ko samla, shahshkor ïa nga. Leh kumba nga ong, bad phin long suk.

EKLESIASTIS 8:5

Katba phi dang kohnguh ïa ki hukum jong u, phi don ha ka jingshngain, bad u briew uba stad u tip kumno bad lano ban leh ïa ka.

ESEKIEL 36:27

Ngan buh ïa U Mynsiem jong nga hapoh jong phi bad ngan peit ba phi bud ïa ki aiñ jong nga bad sumar ïa ki hukum jong nga kiba nga la ai ha phi.

LOUKAS 11:28

Hynrei U Jisu u la jubab, “Pynban, katno kaba kmen long kito kiba shahshkor ïa ka ktien jong U Blei bad kiba kohnguh ïa ka!”

ÏOANNIS 14:21

“Uno uno uba pdiang ïa ki hukum jong nga bad ngeit ïa ki u long uta uba ieit ïa nga. U Kpa jong nga un ieit ïa uno uno uba ieit ïa nga; nga ruh ngan ieit ïa u bad ngan pynpaw ïa lade ha u.”

ÏOANNIS 14:23

U Jisu u la jubab ïa u, “Uno uno uba ieit ïa nga un kohnguh ïa ka jinghikai jong nga. U Kpa jong nga un ieit ïa u, bad U Kpa jong nga bad ma nga ngin wan ha u bad sah hapoh jong u.

ÏOANNIS 15:5

“Nga long u dieng sohwaiñ, bad phi long ki tnat. Uno uno uba ïaineh ha nga, bad ma nga ha u, un seisoh shibun; naba phim lah ban leh ei ei khlem ma nga.

ÏOANNIS 6:56

Kito kiba bam ïa ka doh jong nga bad ba dih ïa ka snam jong nga ki ïaisah ha nga, bad ma nga ha ki.

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

2 KORINTH 5:17

Uno uno ïa uba la pynïasoh ha U Khrist u long u jingthaw uba thymmai; kaba rim ka la leit noh, kaba thymmai ka la wan.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

JAKOB 2:22

Hato phim ïohi? Ka jingngeit jong u bad ki kam jong u ki ïatreilang; ïa ka jingngeit jong u la pynlong janai da ki kam jong u.

1 ÏOANNIS 3:24

Uno uno uba kohnguh ïa ki hukum jong U Blei, u ïaisah ha U Blei bad U Blei u ïaisah ha u. Bad dei namar U Mynsiem uba U Blei u la ai ha ngi, ngi tip ba U Blei u ïaisah ha ngi.

1 ÏOANNIS 4:17

Ïa ka jingieit la pynjanai noh ha ngi, ba ngin don ka jingshlur ha ka Sngi ka Jingbishar; bad ngin don ïa ka namar ka jingim jong ngi ha kane ka pyrthei ka long kumjuh kum ka jong U Khrist.

1 ÏOANNIS 4:18

Ym don ka jingsheptieng ha ka jingieit; ka jingieit kaba janai ka beh noh ïa ka jingsheptieng baroh. Kumta te, ïa ka jingieit ym shym la pynjanai ha uno uno uba sheptieng, namar ka jingsheptieng ka don jingïadei bad ka jingpynshitom.

1 ÏOANNIS 5:2

Kane ka long kumno ngi tip ba ngi ieit ïa ki khun U Blei: Ka long da kaba ieit ïa U Blei bad kohnguh ïa ki hukum jong u.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

2 ÏOANNIS 1:6

Kane ka jingieit kaba nga kren ka mut ba ngin ïaid ha ka jingkohnguh ïa ki hukum jong U Blei. Ka hukum, kumba phi baroh phi la ïohsngew naduh mynnyngkong, ka long ba baroh phi dei ban ïa-ïaid ha ka jingieit.

JINGPYNPAW 12:17

U Ïakjakor u la bitar shla ïa kata ka briew bad u la leit noh ban ïaleh pyrshah ïa ki khun ki ksiew jong ka kiba dang sah, ïa baroh kito kiba kohnguh ïa ki hukum jong U Blei bad kiba ïaineh ha ka jingshisha ïa kaba U Jisu u la pynpaw.

JINGPYNPAW 14:12

Kane ka khot ïa ka jingïaishah ha ka liang ki briew jong U Blei, kito kiba kohnguh ïa ki hukum jong U Blei bad kiba ïaineh ha U Jisu.