1 ÏOANNIS 2:4 - Khasi CL Bible (BSI)

⁴ Lada uno uno u ong ba u ithuh ïa u, hynrei um kohnguh ïa ki hukum jong u, kum uta u briew u long u nongshukor bad ym don ka jingshisha ha u.

KA BAIBL

⁴ Uta uba ong, “Nga ithuh ïa u”, bad u bymsumar ïa ki hukum jong u, u long uba lamler, bad kata ka jingshisha kam don ha u.

1 ÏOANNIS 2:4 ပူးပေါင်းရင်းမြစ်များ

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

TITOS 1:10

Naba don shibun, khamtam kiba la kylla na ka niam Jiw, kiba ïaleh pyrshah bad kiba shukor ïa kiwei da ka jingleh bym don jingmut jong ki.

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.

1 ÏOANNIS 1:10

Lada ngi ong ba ngim shym la leh pop, ngi pynlong ïa U Blei ba u lamler bad ka ktien jong u kam don ha ngi.

1 ÏOANNIS 1:6

Lada, namarkata, ngi ong ba ngi don ka jingïasyllok bad u, pynban, ha kajuh ka por ngi ïaid ha ka jingdum, ngi lamler da ki ktien jong ngi bad ha ki kam jong ngi.

1 ÏOANNIS 1:8

Lada ngi ong ba ngim don pop, ngi shukor ïa lade, bad ka jingshisha kam don ha ngi.

1 ÏOANNIS 2:3

Lada ngi kohnguh ïa ki hukum jong U Blei, te ngi sngewskhem ba ngi ithuh ïa u.

1 ÏOANNIS 2:9

Uno uno uba ong ba u don ha ka jingshai, pynban u isih ïa la u hynmen u para, u don ha ka jingdum haduh kane hi ka kynta.

1 ÏOANNIS 3:6

Kumta uwei pa uwei uba long ha U Khrist, um ïai leh pop; hynrei uno uno uba ïai leh pop, um pat shym la ïohi ïa u lane ithuh ïa u.

1 ÏOANNIS 4:20

Lada uno uno u ong ba u ieit ïa U Blei, hynrei u isih ïa la u parabriew, u long uba lamler. Naba um lah ban ieit ïa U Blei, ïa uba um shym ïohi, lada um ieit ïa la u parabriew ïa uba u ïohi.

1 ÏOANNIS 4:7

Ko ki paralok ba-ieit, to ngin ïa-ieit iwei ïa iwei, namar ka jingieit ka wan na U Blei. Uno uno uba ieit, u long u khun jong U Blei bad u ithuh ïa U Blei.