1 ÏOANNIS 1:9 - Khasi CL Bible (BSI)

⁹ Hynrei lada ngi phla ïa ki pop jong ngi ha U Blei, un bat ïa la ka kular bad un leh ïa kaei kaba dei: Un map ïa ngi ïa ki pop jong ngi bad un pynkhuid ïa ngi na ki kam bymman baroh.

KA BAIBL

⁹ Lada ngi phla ïa ki pop jong ngi, u long uba ïaineh bad u bahok, ban map noh ïa kita ki pop jong ngi bad ban pynkhuid ïa ngi na ka bymhok baroh.

1 ÏOANNIS 1:9 ပူးပေါင်းရင်းမြစ်များ

1 SYIEM 8:30

Shahshkor ïa ka jingkyrpad jong nga bad ki jingduwai jong ki briew jong me haba ki phai khmat sha kane ka jaka bad ki duwai. Na ka ïing jong me ha bneng to shahshkor ïa ngi bad to map ruh ïa ngi.

1 SYIEM 8:47

Lada jia ba ha kata ka ri ki kylla-kaba-mut bad ki duwai sha me, ki da phla haduh katno ki la long kiba pop bad kiba bymman, to sngap ïa ki jingduwai jong ki A Trai.

NEHEMAÏAH 1:6

Khmih ïa nga, ko Trai, bad to sngew ïa ka jingduwai jong nga, katba nga duwai mynsngi bad mynmiet na ka bynta ki shakri jong me, ki briew ka Israel. Nga phla ba ma ngi, ki briew ka Israel, ngi la leh pop. Ki kpa tymmen jong nga bad ma nga, ngi la leh pop.

SALM 19:12

Ym don uno uno uba lah ban ïohi ïa ki jingbakla la jong; to pyllait ïa nga, A Trai, na ki jingbakla barieh!

SALM 32:5

Te nga la phla ïa la ki pop ha me, ngam shym la buhrieh ïa la ki jingleh bymdei, nga la kut jingmut ban phla ïa ki ha me bad me la map ïa ki pop jong nga baroh.

EKSODOS 34:7

Nga bat ïa la ka kular na ka bynta ki bun hajar ki pateng bynriew bad nga map ïa ka jingbymman, bad ïa ka pop; hynrei, ngan pynshitom ïa ki khun ki ksiew haduh ka pateng bynriew kaba lai bad kaba saw namar ki pop jong ki kmie ki kpa jong ki.”

PROBERB 28:13

Phin ym long uba jop ha ka jingim lada phi pyrshang ban buhrieh ïa la ki pop. Phla ïa ki bad iehnoh ïa ki; te U Blei un pyn-i ka jingisynei ïa phi.

ISAÏAH 45:21

Ale bad ai ïa ka kam jong phi ha ka ïingbishar; ai ba ki nongïasaid kin ïasyllok uwei ïa uwei pat. Mano ba la ïathuhlypa slem mynshuwa kaei ban jia? Hato ym dei ma nga, U Trai, U Blei uba pynim ïa la ki briew? Ym don uwei pat U Blei.

JEREMAÏAH 3:13

Shu pdiang ba pha la bakla bad ba pha la ïeng ïaleh pyrshah ïa U Trai, U Blei jong pha. To phla ba hapoh uwei pa uwei u dieng bajyrngam pha la ai ïa la ka jingieit ha ki blei nongwei bad ba pham shym la kohnguh ïa ki hukum jong nga. Ma nga, U Trai, nga la kren.

JEREMAÏAH 33:8

Ngan pynkhuid ïa ki na ki pop kiba ki la leh pyrshah ïa nga, bad ngan map ïa ki pop jong ki bad ka jingïaleh pyrshah jong ki.

SNGEWSYNEI 3:23

Ka pyngngad kum ka step, ka thikna kum ka jingmih ka sngi.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

ESEKIEL 37:23

Kin ym pyntngit shuh ïa lade da ki bleithaw kiba ijli lane pynjot ïa lade da ka pop. Ngan pyllait ïa ki na ki lynti jong ka jingleh pop bad ka jingshetkylla ïa nga. Ngan pynkhuid ïa ki, kin long ki briew jong nga, bad ngan long U Blei jong ki.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

MATHAÏOS 3:6

Ki la phla ïa la ki pop, bad u la pynbaptis ïa ki ha ka wah Jordan.

MARKOS 1:5

Bun ki briew na ka probins jong ka Judia bad ka nongbah Jerusalem ki la leit ban ïohsngew ïa u Ïoannis. Ki la phla ïa la ki pop, bad u la pynbaptis ïa ki ha ka wah Jordan.

LOUKAS 22:57

Hynrei u Petros u la len ïa kata, “Ko kynthei, ngam ju ithuh ïa u!”

ÏOANNIS 17:25

Ko Pa Bahok! Ka pyrthei kam ithuh ïa me, hynrei nga ithuh ïa me, bad kine ki tip ba me la phah ïa nga.

KI KAM 19:18

Kiba bun na kiba ngeit ki la ïawan, ki da phla ha kaba paw bad ki da pynpaw ïa kaei kaba ki la leh.

1 KORINTH 1:9

U Blei u long uba dei ban shaniah, U Blei uba la khot ïa phi sha ka jingïasyllok bad U Jisu Khrist u khun jong u, uba U Trai jong ngi.

1 KORINTH 6:11

Don na phi kiba la ju long kumta. Hynrei la pynkhuid ïa phi na ka pop; la pynkyntang ïa phi sha U Blei; la pynksan ïa phi bad U Blei da U Jisu Khrist uba U Trai bad da U Mynsiem U Blei jong ngi.

EPHESOS 5:26

U la leh ïa kane ban pynkyntang ïa ka balang sha U Blei da ka ktien jong u, hadien ba la pynkhuid ïa ka da kaba sait ïa ka ha ka um, khnang ban aiti ïa ka balang sha lade hi, ha ka jingitynnat jong ka baroh — kaba khuid bad khlem shah kynnoh pop, khlem ka jingthohbria ne ka jingsti ne kano kano ka jingbymjanai.

DEUTERONOMI 7:9

To kynmaw ba U Trai U Blei jong phi u long ma u hi U Blei, U Blei uba ïaineh. Un bat ïa la ka jutang bad pynpaw ïa la ka jingieit kaba ïaineh ha ki hajar pateng bynriew kiba ieit ïa u bad kiba kohnguh ïa ki hukum jong u,

1 TIMOTHI 1:15

Kane ka long ka jingong kaba shisha, ïa kaba dei ban pdiang pura bad ban ngeit: U Khrist Jisu u la wan sha ka pyrthei ïa ka ban pynim ïa ki nongpop, nga long uba sniew tam na ki,

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

HEBRU 10:23

To ngin batskhem da ka jingkyrmen ïa kaba ngi ïaphla, namar ngi lah ban shaniah ba U Blei u bat ïa la ka kular.

HEBRU 11:11

Dei ka jingngeit kaba la pynlong ïa u Abraham ban ïoh long u kpa, wat haba u la tymmen bha bad ka Sarah hi kam lah ban ïoh khun. U la shaniah ba U Blei un bat ïa la ka kular.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.

JINGPYNPAW 15:3

bad ki da rwai ïa ka jingrwai u Moses, u shakri jong U Blei, bad ïa ka jingrwai U Khunlangbrot: “U Trai uba U Blei Badonbor Baroh, katno kiba khraw bad kiba phylla long ki kam jong me! U Syiem jong ki jaitbynriew, katno kiba dei bad kiba shisha ki long lynti jong me!